مصر موتورز مجتمع السيارات - انا جبت السايبا برايد الجديده وده كل شيى عنها بالصور

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

رد: انا جبت السايبا برايد الجديده وده كل شيى عنها بالصور

السلام عليكم
عايز اعرف هو لازم اسخن العربية الصبح قبل ما اطلع (سايبا برايد) انجكشن
وشكرا

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة بوكي شوماخر (المشاركة 26364)

مبروووووووووووك ptmnlo123per177ptmnlo123p er177ptmnlo123per177
أنا فعلا بفكر أجيب واحده بس لسه ما رحتش شفتها
بقولك يا باشا..هيه ألوانها إيه عشان الموقع بتاعها لينك الألوان مش شغالptmnlo123per176
وكمان كنت عايزه أعرف أخبار المساعدين إيه في المطبات والشوارع المكسرة..وكلمنا عن التقفيل لو سمحت..هل فعلا فيه فرق فراغ في الشنطة والأبواب وكده؟؟؟ولك جزييييييييييييل الشكرptmnlo123per179

للاسف الالوان لازم شتوفها بنفسك لان مفيش ريفرنس معايا بيها

بالنسبة لمستوى التقفيل بتاع الصاج فهى زيها زى البرايد القديم وزى العربيات اللى فى الفئة ديه (شاهين - لادا) مثلاً
بس طبعاً ديه مشكلة فى انها بتلم تراب جواها بسرعة لو راكنها فى الشارع من غير غطاء وبتأثر شوية على اداء التكييف

اقتباس:

المشاركة الأصلية كتبت بواسطة assem59 (المشاركة 35450)

السلام عليكم
عايز اعرف هو لازم اسخن العربية الصبح قبل ما اطلع (سايبا برايد) انجكشن
وشكرا

اي عربية الصح انك تسخنها بس المهم تسخنها ازاى
المفروض تسخينك للعربية ميزدش عن دقيقة او دقيتين ومتسناش ان ال RPM ينزل للمستوى الطبيعى لان اكتمال تسخين العربية بيبقى بالمشى

يعنى انت تسخنها على الواقف دقيقة فى المتوسط وبعدين تمشى بيها على سرعة الغيار (الاول - التانى - التالت) او سرعة السلانسية من غير ما تضغط بنزين وفى خلال دقيقة اواتنين كمان هتكون العربية سخنت تمام

ده كمان لو ترموثتات التسخين مش موجود لو موجود والدنيا شتاً ممكن دقيقتين بالكتير وتكمل مشى على الهادى زى ماشرحت

رد: انا جبت السايبا برايد الجديده وده كل شيى عنها بالصور

الف مبروك ياباشا وعقبالى علشان انا ناوى اشتريها
بس كدة انت خوفتنى لما قلت ان الموتور ايرانى ptmnlo123per1127
انا كنت فاكر انة موتور مازدا

رد: انا جبت السايبا برايد الجديده وده كل شيى عنها بالصور

الف مبروك
ربنا يديك خيرها و يحفظك من شرها ... ويباركلك فيها
كنت عايز أسأل عن التكييف قوى و لا ضعيف و بيضعف من سحب العربية و هل بيسخن العربية؟

رد: انا جبت السايبا برايد الجديده وده كل شيى عنها بالصور

بالنسبة للموتور فهو تكنولوجيا مازدا وتحديداً كوده B3

http://en.wikipedia.org/wiki/Mazda_B_engine

لكن يصنع فى ايران باشراف من كيا والكلام ده من سنة 2000 ومفيش مشاكل منة اطلاقاً حتى الان

المشكلة فقط فى قطع غيار مجموعة الانجيكشن لانها مكانتش متوفرة فى مصر فى الفترة اللى فاتت لكن ناشيونال موتورز قالو انهم جابو كل قطع الغيار الخاصة بالانجكشن

بالنسبة للتكييف فهو ممتاز وده عن تجربة
التكييف 3 مستويات ممكن فى الاول تخليه على 3 وتعملة ريسايكل علشان يخرج الهواء السخن وبعدين تشغلة على اتنين وتقفل الريسايكل وهيبقى كافى جداً واحيانا بخليه على واحد بس

بالنسبة لتاثيرة على الاداء فهو طبعاً بياثر لكن مش التأثير اللى يخنق العربية لان العربية اصلا ال rpm بتاعها عالى وبتظبط بشكل مناسب مع تشغيل التكييف بحيث متحسش بتأثيرة لكن ممكن تحس بتأثيرة لو التكييف شغال والعربية فيها خمس اشخاص وتبقى طالع مطلع او بتشد بالعربية طبعاً هتحس بتأثيرة لكن عادة مش مؤثر بدرجة كبيرة

رد: انا جبت السايبا برايد الجديده وده كل شيى عنها بالصور

مبروك يا باشا عال عربية
و ربنا يكفيك شر الطريق

رد: انا جبت السايبا برايد الجديده وده كل شيى عنها بالصور

الف مبرووك يا باشا و يكفيك شرها ان شاء الله

و قولنا رايك الكامل بقي