رد: تقرير عن دايو لاسيتى 2010 ( شبيهة الكروز ) بالصور
اللي انا اعرفه
أن جنرال موتورز تمتلك 50% من شركة دايو موتورز من أول انشائها وهيا اللي مولتها جنرال موتورز صاحبة علامات تجاريه كتييير للعربيات من ضمنها شيفروليه نتيجة فشل علامة شيفروليه في تطوير سياره سيدان صغيره وناجحه اعتمدت جنلرال موتورز على نجاح دايوو موتورز (احد شركاتها) في الفئه دي اللي يخصنا في القصه دي كلها ان جنرال موتورز قررت تسوق عربيات دايو تحت علامة شيفروليه في بعض مناطق العالم ومن ضمنها مصر عشان تقوي سمعة شيفروليه الامريكيه اللي مكنش عندها عربيات ناجحه في الفئه دي طبعا دايوو لسه بتسوق عربيتها تحت علامة دايو في كوريا بالنسبه للعربيه الكروز أو اللاسيتي فبتتصنع في دايو في كوريا ومصانع جي أم في الصين و مصانع هولدن (تحت ترخيص من جي أم ) في استراليا ومصانع جي ام في امريكا يعني من الأخر اللاسيتي مش شبيهة الكروز لا دي هيا هيا الكروز بأختلاف الاكصدام والعلامه التجاريه هذا والله اعلم |
رد: تقرير عن دايو لاسيتى 2010 ( شبيهة الكروز ) بالصور
عندي سؤال بس لصاحب الموضوع
انا كنت نويت اجيب الكروز ان شاء الله بس ناوي اجيب ال Face lift موديل 2013 فلو ممكن تفيدنا بتجربتك انك تجيب العربيه من كوريا عشان كماليات وموتور منصور شيفروليه تعباااااااانه جدا |
رد: تقرير عن دايو لاسيتى 2010 ( شبيهة الكروز ) بالصور
الدايو لاسيتي سواء الشكل اللي شبه الاوبترا او الشكل اللي شبه الكروز
افضل 1000 مرة من الشيفروليه بس فيها مشكلة الماتور ماتور اوببببببببل فصيانته مختلفة تماااااااااااما عن اللي في مصر وبعض قطع الغيار مش موجودة الاسيتي اللي شبه الكروز كانت بتتباع عندنا في بورسعيد كتير وبعد موضوع قطع الغيار بفت بتخسر نص تمنها وكاانت مع شخص اعرفه وخسر فيها كتير في اعادة البيع وكانت قطع غيارها مش موجودة وغااااااااالية جداا اللهم مبلغت اللهم فاشهد وشكرا ليك يا استاذ يحي علي الموضوع |
رد: تقرير عن دايو لاسيتى 2010 ( شبيهة الكروز ) بالصور
اقتباس:
بص يا باشا قبل ما انقل الموضوع ده انا قريته فصاحب العربيه دى علشان هما بيشتغلوا فى الاستيراد و التصدير جابوها من كوريا لكن هى بتتباع تحت اسم دايو فى مصر بس انا معرفش فين لكن كل اللى اعرفه انها اغلى من الكروز يعنى انا فاكر اعلى فئ كانت عامله 160 الف ميزتها ان الموتور ايكوتيك بتاع الاوبل ويتوفر المحركات الاتيه :- محرك سعتة 1600 سى سى 16 صمام 4 سلندر يعطى قوة قدرها 114 حصان محرك سعتة 1800 سى سى يعطى قوة قدرها 140 حصان بنزين بتكنولوجيا VVT محرك سعتة 2000 سى سى تربو ديزيل يعطى قوة قدرها 150 حصان و عزم قدرة 320 نيوتن و يمكنة الانطلاق من 0-100 فى 9.2 ثانية ناقل حركة يدوي من 5 سرعات او ناقل حركة أوتوماتيكي من 6 سرعات ************************* ******* لو جينا نقارن الفئه ال 1600 سى سى من الدايو لاسيتى مع الشيفورليه كروز هنلاقى الاتى :- الدايو موتورها 114 حصان الشيفورليه موتورها 107 حصان ( نفس موتور الشيفورليه اوبترا ) |
رد: تقرير عن دايو لاسيتى 2010 ( شبيهة الكروز ) بالصور
الشفروليت كروز والدايو لاسيتي متشابهان تماما في كل شي
ولكن الوكيل في مصر يجيبها بموتور مختلف علشان الربح |
الساعة الآن 01:21 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017