مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   كيا سول Soul (https://www.masrmotors.com/vb/forumdisplay.php?f=171)
-   -   انا حاسس اني اتنصب علي في كيا سول 2013 من معرض سمير اوتو (https://www.masrmotors.com/vb/showthread.php?t=90819)

fineart607 25-07-2012 02:46 PM

رد: انا حاسس اني اتنصب علي في كيا سول 2013 من معرض سمير اوتو
 
وحده وحده بص انا اتعاملت مع سمير ريان كذا مره

اخر مره انا ووالدى اشترينا سيراتو 2012 خليجى وانا عارف انها خليجى اردنى مش سعودى لانى سالت على السعودى واتفرجت عليها بنفس مواصفات عربيتى بس كانت ارخص ب2000 جنيه لانها بدون كشافات ضباب والختلاف كان لون الفرش ولون التابلوه لونين بس نفس الخامة

انا اسف انى طولت عليك المهم انت تتاكد ان العربيه هتترخص 2013 مش 2012 وده يكون فى الورق بتعها وفى الرخصة بعد كده

الموضوع بسيط بس الواحد والله بيقلق نفسه صدقنى واحده واحده
انا بعد لما اشتريت انا ووالدى منه فى يوم واحد قعدت كذا شهر اتفرج على سيراتوا واقارن وكلام من ده بس اكتشفت ان سمير ريان جاد فى تعامله وكويس بشرط انك مش تشترى منه موديل لسه نازل لانه ممكن يكون اغلى من الوكيل لكن لو موديل بيتسوق من فترة ومتوفر هتلاقى عنده احسن


متلغبطشى نفسك ونكد على نفسك مفيش فرق كبير بين الخليجى السعودى والأردنى غير حاجات عبيطة المهم انك راكب 2013 مش 2012 وربنا يحفظها ويبارك لك فيها

M.TONSY 25-07-2012 03:56 PM

رد: انا حاسس اني اتنصب علي في كيا سول 2013 من معرض سمير اوتو
 
حضرتك لازم تبقى عارف الاول ان اى نوع سيارة موديل السنة الجديدة بيبتدى ينزل بعد شهر 10 مش شهر 7
وبعدين الورق بتاعها اللى فيه الافراج الجمركى والبيانات بتاعة العربية هى اللى هيتاخد بيها فى المرور
فحضرتك هتعمل الاتى :-
-تملى العربية رجالة يعنى اخواتك قرايبك اصحابك وتطلع على هناك وتقولهم ورونى الافراج الجمركى بتاع العربية وتشوف بينات العربية كويس ومواصفاتها وتاريخ الانتاج وسنة الموديل اللى هيقيد فى المرور ولو مطلعتش 2013
تقوم مفرج عليهم الدنيا انت والرجالة وتطالب بفلوسك وترجع لهم العربية
ولو مجاش بالحسنى تهددهم بجاز حماية المستهلك او تهدده انك هتدغدغ المعرض على دماغه بس خده كاخر مرحلة لو حسيت فعلا انك استنفذت كل الوسائل الشرعية علشان ترجع حقك
لانها بصراحة حاجة تحرق الدم
وانا فى رايي الشخصى ان افضل مكان الواحد يشترى منه عربية هو الوكيل نفسه
لان بصراحة معارض كتير بتغش وتنصب كتير فى بيع العربيات الزيرو واعتقد ان كان فى واحد مقدم شكوى فى معرض فى اسكندرية انه باع له عربية زيرو رشة يعنى عاملة حادثة ومتصلحة فى اكتر من كدة

fineart607 26-07-2012 01:30 PM

رد: انا حاسس اني اتنصب علي في كيا سول 2013 من معرض سمير اوتو
 
اقتباس:

المشاركة الأصلية كتبت بواسطة M.TONSY (المشاركة 725347)
حضرتك لازم تبقى عارف الاول ان اى نوع سيارة موديل السنة الجديدة بيبتدى ينزل بعد شهر 10 مش شهر 7
وبعدين الورق بتاعها اللى فيه الافراج الجمركى والبيانات بتاعة العربية هى اللى هيتاخد بيها فى المرور
فحضرتك هتعمل الاتى :-
-تملى العربية رجالة يعنى اخواتك قرايبك اصحابك وتطلع على هناك وتقولهم ورونى الافراج الجمركى بتاع العربية وتشوف بينات العربية كويس ومواصفاتها وتاريخ الانتاج وسنة الموديل اللى هيقيد فى المرور ولو مطلعتش 2013
تقوم مفرج عليهم الدنيا انت والرجالة وتطالب بفلوسك وترجع لهم العربية
ولو مجاش بالحسنى تهددهم بجاز حماية المستهلك او تهدده انك هتدغدغ المعرض على دماغه بس خده كاخر مرحلة لو حسيت فعلا انك استنفذت كل الوسائل الشرعية علشان ترجع حقك
لانها بصراحة حاجة تحرق الدم
وانا فى رايي الشخصى ان افضل مكان الواحد يشترى منه عربية هو الوكيل نفسه
لان بصراحة معارض كتير بتغش وتنصب كتير فى بيع العربيات الزيرو واعتقد ان كان فى واحد مقدم شكوى فى معرض فى اسكندرية انه باع له عربية زيرو رشة يعنى عاملة حادثة ومتصلحة فى اكتر من كدة


يا فندم هو لو قابل الحاج سمير هو راجل محترم مكن يتاكد منه تانى على كل شىء
واعتقد انه مش هيتاخر عنه فى حاجه


الساعة الآن 10:57 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017