رد: اشتريت جنوط اسبور من اشرفكو وكاوتش هانكوك
 

بعد تجربة السيارة بالجنوط والكاوتش الجديد لي بعض الملاحظات التى قد تفيد الزملاء
اولا كان معي زمان كاوتش نسر مصري ومش محتاج اتكلم عنه لانة اكيد كلكه عارفينة واللى مش عارفة اقوله انه كالحديد بحيث انه يكاد لا يتخرم ولة عايزوة يقعد في العربية سبعين سنه هايقعد لكن ما تشتكيش من العفشة والمطبات
اللى كان معايا بعده كان شيات تركي افضل بعض الشيئ لكنه مش مريح في المشي صوتة عالي كمان الفرامل بتاعته ضعيفة مش سيئة لكن ضعيفة
الان بعد ماركبت هانكوك كوري
اليكم المميزات
نعومة في المشي مع الهدوء
مريح العفشة عن اللى قبله بنسبة تصل ل 40% والله بدون مبالغة كاني ركبت مساعدين جداد
الفرامل اكثر من رائعة على الرمل والمياة سواء وان كانت على الرمل افضل شوية كمان
العيوب
الكمال لله وحده الكاوتش بتقل الدركسيون والعربية واقفة او على الاول اكثر من الطبيعي وبتخف العربية خالص كاني مركب باور وهي على الرابع
انا عارف ان العربية كل ما تمشي الدركسيون يخف لكن انا بقول اكثر من الطبيعي
ومن اجل المقارنة خليت واحد زميلي معاه لانوس مركب كومهو فيتنامي مشيت انا وهو على سرعة 80 ومرة واحدة فرملنا لكن هوه اقبلي مثلا بثانية والمفاجاه ان عربيتي وقفت قبل عربيته مع العلم عربيتي اتقل
ارجو ان اكون افدتكمواسف للاطاله

رد: اشتريت جنوط اسبور من اشرفكو وكاوتش هانكوك