مصر موتورز مجتمع السيارات - اول عطل فى عربيتى مع تمام 13 الف كيلو

مصر موتورز مجتمع السيارات (https://www.masrmotors.com/vb/index.php)

- كروز (https://www.masrmotors.com/vb/forumdisplay.php?f=154)

- - اول عطل فى عربيتى مع تمام 13 الف كيلو (https://www.masrmotors.com/vb/showthread.php?t=69765)

رد: اول عطل فى عربيتى مع تمام 13 الف كيلو

اقتباس:

المشاركة الأصلية كتبت بواسطة HaMaDa-ToUBaR (المشاركة 532066)

السلام عليكم يا احلى اعضاء

واليكم اخر التطورات ..............

انهاردة كنت فى اليكس وروحت لمركز المبيعات بتاع منصور فى منطقة سيدى بشر المهم دخل وسألت ع السنسور ... وكان الرد انة مش موجود وممكن يتواجد فى خلال الاسبوع القادم

فسألتة وقولتة طيب هو مش موجود خالص فى اى فرع من فروع اليكس .. قالى لاء بس موجود فى القاهرة فى فرع الهرم

قولت ياواد اسأل ع السعر كمان بالمرة وسألتة وانا ايدى ع قلبى وكانت المفجأة .... 225 جنية

بصراحة ارتحت نفسيا لانى كنت بسمع اسعار جامدة وان شاء الله هسافر القاهرة السبت علشان اجيبة

السؤال بقى هما فاتحين يوم السبت ولا بيأنتخو فى اليوم دة ؟؟

شغالين يا باشا من السبت للخميس
وبالتوفيق

رد: اول عطل فى عربيتى مع تمام 13 الف كيلو

يا عمور انت خييييييييييييرك عليا والله .. تسلم يا غالى

رد: اول عطل فى عربيتى مع تمام 13 الف كيلو

انا اخويا معاة كروز و اول ماجبها و هو ماشى حوالى 140 دخلت طوبة فى غطاء الجير بوكس من هنا لهنا مرداش يروح التوكيل و قعد يصلح فيها الميكانيكية خربهالو و صرف حوالى 11 الف و فى النهاية جاب جير بوكس مستعمل ب 3500 مستعمل من الفراهدة فمتستخسرش الاصلى بتاع العربية و دور علية و هاتو و العربية ماشاء الله جميلة و صخرة على الطريق يعاب عليها قلة و ضعف سحبها على السرعات الواطية

رد: اول عطل فى عربيتى مع تمام 13 الف كيلو

اقتباس:

المشاركة الأصلية كتبت بواسطة HaMaDa-ToUBaR (المشاركة 530923)

تسملى يا غالى ع مرورك .. بالنسبة لمووضع التوكيل انا لو قربتلة هيولعو فيا لانهم بيكرهو العربية الى معايا جدا ولما بيسمعو سيرتها بيركبهم ميت عفريت ... هو عموما انا منتظر ان شاء الله ولو موجود هجيبة وهتوكل ع الله ... واكيد انا متفق معاك انا حاجة العربية الاصلية اكيد افضل .. هو انا بس خوفى ان يكون حاجة مش اصلية وكدة .. لكن الاستيراد اهو مفكوك من عربية ومعروف انة اصلى وربنا يسهلها

يا باشا لو محتاج اي حاجه هنا في التوكيل فرع المنصوره او طنطا الموضوع بسيط ان شاء الله والجماعه الميكانيكا والمهندسين اعرفهم وعلاقتي كويسه باغلبهم , لو قررت تعمل اي حاجه عندهم وفي اي مشكله ان شاء الله اساعدك واحلها ليك معاهم ,,
وبالتوفيق .

رد: اول عطل فى عربيتى مع تمام 13 الف كيلو

اقتباس:

المشاركة الأصلية كتبت بواسطة amro atif (المشاركة 533275)

تسلملى يا عمور ربنا يخليك ليا ياباشا ولو فى حاجة اكيد هكلمك طبعا

هو طبعا الحساس دة انا قلبت علية الدنيا وروحت مراكز كتير وقالو مش موجود الى فى فرع الهرم ... انطلقت امبارح للقاهرة وروحت فرع الهرم وكلمتهم قبل ما اروحلهم وقالولى انة موجود .

المهم روحت هناك وبطلب الحساس قالى معلش اصلة مش موجود دلوقتى وهيجى كمان 3 ايام علشان علية سحب ومش عارف اية وادانى كود علشان اجى استلمة بية

طيب يا سيدى الفاضل لما هو مش موجود عندك مش تقول قبل ما اطخ المشوار دة ع الفاضى حرام يعنى وعموما انا مستنى منهم تليفون لما يجى السيسور دة واروح اجيبة وربنا يسهل

ومتشكر مرة تانية يا عمرو بك ع الاهتمام