مصر موتورز مجتمع السيارات - الزيت المعدنى ...والزيت التخليقى وسؤال محــيرنـــى؟!!!

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

رد: الزيت المعدنى ...والزيت التخليقى وسؤال محــيرنـــى؟!!!

أشكرك يا أستاذ / المناهرى على معلومات حضرتك القيمة وأشكر أيضاً أستاذ /cars admire
وأنا أتفق مع حضرتك فعلأً فى أن زيت موبيل XHP بينزيل خفيف وفعلأً بيبقى عامل زى المية .وعلى فكرة أنا قررت أن شاء الله أنى هغير بكره وأجيب زيت التعاون XPL SM وأن شاء الله هبقى أقول لكم أيه أنطباعى عنه خصوصاً أن موبيل ال 3000 ده مخللى صوت الماتور عالى وأنا بصراحة مش حبوه . بس أحنا عاوزين أراء أكتر وعاوزين كل واحد يذكر لنا عن أحسن وأسوء زيت أستخدمه عشان الفائدة تعم على الجميع ..يله فين الهمة والنشاط وأراء القراء :danceW7::danceW7::danceW 7:

رد: الزيت المعدنى ...والزيت التخليقى وسؤال محــيرنـــى؟!!!

اقتباس:

المشاركة الأصلية كتبت بواسطة ابو هيما (المشاركة 525080)

عزيزى الأستاذ/ elmanahry
أشكر حضرتك على الرد ..بس كان فى حاجتين مفهمتهمش من كلأم حضرتك وأرجو من سيادتك التوضيح ألأ وهما :
1)اللى أنا فهمته كده من كلأم حضرتك بالبلدى أن المعدنى هو اللى بيترك رواسب على الماتور لأنه مش معالج زى التخليقى ( تمام كده ) .. طيب ليه فى ناس بتنصح باستخدامه وليه هو معمول أصلأً لو ليه نتايج سلبية .. طب ما الأحسن أن كل الناس تشترى دماغها وتغير على كل 10000 ك بالتخليقى وبكده يكون حافظ على الماتور وريح نفسه من كل شوية يروح يغير زيت... وعلى فكرة أنا من يوم ما جبت عربيتى وأنا ماشى على المعدنى لأنهم بيقولوا أنه بيغسل الماتور وبينضفه ولما حبيت أنى أغير لتخليقى قالولى غلط ولأزم تشترى علبة فلأش عشان تغسل الماتور من جوه وكمان تغير معاه فلتر .. طب الصح فين وأيهما أفضل المعدنى أم التخليقى .وهل يبقى الأسلم أن أختار الوسط .. يعنى أنا عرفت أن زيت شيل ال5000 هيلكس بلأس هو عبارة عن زيت معدنى وتخليقى .هل ترشحه لى فى الأستخدام وبكده نكون مسكنا العصاية من النصف ؟!!!!!!!!!!!. . وأيهما يستحمل درجات الحرارة العالية زى عندنا فى جنوب سيناء .معدنى أم تخليقى أم وسط بين هذا وذاك . فأرجو التوضيح فى هذه النقطة؟

2)النقطة الثانية وهى :

اقتباس:

المشاركة الأصلية كتبت بواسطة ابو هيما (المشاركة 525080)

موضوع حرف الw وهو الذى يشير الى أدارة المحرك فى درجة حرارة تحت الصفر .. كده يبقى معناها لما أشوف جيركن مكتوب عليه الحرف ده أبعد عنه ؟ لأن ده ما بيناسبش بلدنا وبينطبق على البلدان الأوربية !!!!!!
أنا مش فاهم النقطة دى , لأن أحنا بلد حر ودرجة حرارة الماتور بتزيد أكتر مع الوقفات الكتير وزحمة المرور والتكيف .. يبقى أحنا محتجين العكس مش الWINTER START وأرجو كمان توضيح نقطة الحروف الأخرى اللى بنجدها مكتوبة على الجراكن زى SM...SJ..XPH..APLمش فاهم حاجة خالص ؟!!!!!!! وبتوع البنزينة كلهم من كبير لصغير فى كل محطة مش فاهمين هما كمان حاجة وتيجى تبص على المكتوب على الجيركن بالعربى فى الضهر فتلأقى الكلأم واحد ومتكرر بنفس المنظر على كل الجراكن ( يعمل تحت الظروف الصعبة وذو كفاءة عالية )

3) أنا كمان عاوز أعرف رأى حضرتك فى الزيوت الوطنية زى مصر 1 اللى بيتباع فى محطات مصر للبترول ..طب والله انا قرأت كلأم كويس أوى عن الزيت ده وناس بتشكر فيه أوى وهو على فكرة بيستخدم أيضاً للعربيات الحديثة وفى الأصل هو زيت معدنى بس محسن ولزوجته عاليه وبيمشى 7000ك وسعره 95 للجيركن .
وفى كمان جيركن زيه ذو كفاءة فى محطات التعاون وهو أيضاً للعربيات الحديثة وجيركنه أصفر وأسمه XPL SM وده سعره 98 ج وبيمشى نفس المسافة .. والله أنا شايف أن الأتنين دول أحسن من موبيل بس للأسف مفيش دعاية لأنهم شركات حكومية فمش بيهتموا بالتسويق ..فيا ترى أيه رأى حضرتك فى الكلأم ده وأيهما ترشح ؟!!!!
بالنسبة بقى للزيت اللى حضرتك كنت فتحت ليه موضوع خاص وهو الزيت الألمانى ياترى عامل أيه معاك وسعر المعدنى منه بكام وبيمشى كام كيلو وهل يا ترى بيخدوا كتير على الشحن ؟!!
أنا شاكر جدأً لحضرتك وأسف على الأطالة

3) النقطة المهمة أوى بالنسبة لى وحضرتك كنت أثرتها فى موضوع أخر وهو ذلك الزيت الألمانى

السلام عليكم جميعا :

استاذ ابو هيما, دكتور/ منهرى صباح الخير الزيت التخليقى ده كمان زيت معدنى بس بيكون مضاف ليه اضافات معينه بتخليه مواكب اكتر للظروف المحيطه

وزن الزيوت التخليقيه اخف من الزيوت المعدنيه و دة بيسهل عمليه رفع الزيت على طلبه الزيت و يوصله اسرع و بالتالى يقوم بتزييت اجزاء المحرك اسرع و يحافظ على اجزاء المحرك و يطيل عمره.
الزيوت الخليقيه تسمح لها لزوجتها بتكوين طبقه على اجزاء المحرك عند توقف المحرك و بالتالى عند بدايه الدوران تكون اجزاء المحرك مغطاه بطبقه زيت فتقلل الاحتكاك حيث ان الزيت الذى تضخه الطلمبه يتاخر عن الوصول الى اجزاء المحرك لاجزاء من الثانيه فى هذه الاثناء الزيوت التخليقيه تقلل الاحتكاك ,
و قد تم عمل دراسه ان اكثر من 70 % من المحركات تنهار عمرها بسبب بدء دوران المحرك و الاحتكاك بين الاجزاء الداخليه للمحرك

و بالنسبه لموضوع ال flushing فا الطبيعى او النفترض ان حضرتك مع كل تغييرة زيت تحط engine flush او motor clean عشان ينضف الموتور و يزيل الترسبات القديمه و ده طبعا للسيارات اللى عملت اكتر من 50000 كم

رد: الزيت المعدنى ...والزيت التخليقى وسؤال محــيرنـــى؟!!!

انا معاكم ان فترة انهيار لزوجة الزيت دى مهم اوى اننا نركز فيها بس ليه مانبطلش لما نشترى زيت نقول انا عاوز اشترى زيت 5000 او انا عاوز زيت 10000 طيب اساس اختيار الزيت المفروض يكون ازاى ؟

اولا نشوف موديل السياره و عملت كام كيلو و ظروف الجو المحيطه بينا يعنى مثلا لو الموتور قديم شويه او السياره بتاخد زيت تقيل يبقى نشوف زيت يكون w50 لو السياره مش قديمه اوى او زيرو ناخد زيت w40 واحب انوه ان الاضافات ليها دور مهم اوى فى الحفاظ على السياره و الحفاظ على اداء اعلى و فيما يلى شرح لبعض اضافات liqui moly و نصائح لاستخدام فعال

Injection Cleaner

منظف نظام الحقن و الصمامات تماما , يحسن قوة المحرك , يزيل الرواسب من موزع الوقود و اجهزة الحقن و الصمامات , و يمنع تكون رواسب جديده يدوم مفعوله حتى 2000 كم ( يتم اضافته للوقود )

Carburetor and Valve Cleaner

منظف الكاربيراتير و الصمامات , يحافظ على نظافة المحرك , ينظف غرفة الاحتراق , يقلل استهلاك الوقود , يحافظ على ثبات المحرك , ينعم صوت المحرك , يقلل من انبعاثات الوقود ( يضاف الى الوقود كل مره عند التزويد )

Cera Tec

منتج سيراتك يحتوى على حبيبات سيراميك , يكون طبقه داخل المحرك ليقلل الاحتكاك داخل المحرك , يخفض حرارة السياره , يسد الفراغات الموجوده داخل المحرك , يقلل التأكل , يقلل استهلاك الوقود يدوم مفعوله حتى 50000 ( يضاف للزيت )

Motor Oil Saver

يعوض نقص لزوجة الزيت , يقلل من استهلاك و حرق الزيت , ينعم صوت المحرك

( يضاف للزيت عند التغيير )

Oil Additive

يحتوى هذا المنتج على ماده و المعروف انها مادة تشحيم , هذا المنتج يساعد على تشحيم المحرك , يقلل الاحتكاك , يخفض من حرارة السياره , يزيد من نعومة التشغيل ( يضاف 50ملى لكل لتر زيت ) .

Octane plus

يعمل هذا المنتج على زيادة نسبة الاوكتان فى الوقود بنسبة 4 نقاط , يحسن اداء المحرك , يخفض من استهلاك الوقود ( يضاف للوقود )

Motor Clean

يعمل على تنظيف المحرك من الداخل , يزيل الترسبات الموجوده فى المحرك , يساعد على تطوير اداء المحرك بالكامل , يقلل انبعاثات العادم .يوضع مع زيت المحرك القديم قبل التغيير .

PRO-LINE MOTORSPÜLUNG

يعمل على تنظيف المحرك من الداخل , يقلل استهلاك الزيت , يقلل ضوضاء المحرك .

ATF ADDITIVE (STOPS OIL LOSS (

يعمل على تجديد مانعات التسرب , يحمى المحرك من التأكل , يمنع فقد الزيت , يزيل التسربات عن ناقل الحركه (يكفى 250مل ل 8 لتر من الزيت )

Diesel Purge

يعمل على ازالة الرواسب , يعمل على التخلص من صوت الطرق , يضمن تشغيل المحرك بسلاسه , يقلل من استهلاك الوقود , و يقلل انبعاثات العادم . (تكفى العبوه 500مل حتى 75لتر من الوقود , لمحركات الديزيل. يضاف للوقود )

SUPER DIESEL ADDITIVE

ينظف انظمة الحقن , يوفر اداء عالى للمحرك , تشغيل هادىء , بدء تشغيل اسهل و اسرع , يوفر نظافه و يمنع الترسبات (يضاف لوقود الديزيل كل 2000كم عند تزويد الوقود )

RADIATOR CLEANER

يضمن تبريد مكتمل للمحرك و تشغيل امن , ينظف و ينقى انظمة التبريد , يعيد معدل التبريد المناسب و اداء انظمة الحرارة (العبوه 300 مل تكفى ل 10 لترات من محلول التبريد , توضع محتويات العبوه مع مياه الريداتير ثم يتم تشغيل نظام الحراره , و يتم تشغيل المحرك من 10 الى 30 دقيقه حسب درجة تلوث الماء , فيعمل على تجفيف و تنظيف الشوائب و تردها خارج نظام التبريد مع المياه القديمه , ثم يعاد ملء النظام بماء جديد مناسب لنوع السياره )

RADIATOR STOP LEAK

يوفر الحمايه من نقص الماء , يحمى حجرات الاحتراق لمنع ادخال محلول تبريد الريدياتير , لسد التشققات الدقيقه الخطيره , لسد مناطق التسرب الدقيقه (لعبوه 150مل تكفى 10لترات من محلول التبريد لمحركات البنزين , يستخدم عن طريق تشغيل نظام التسخين و وضع محتوى العبوه مع ماء الريدياتير ثم تترك المحرك فى وضع التشغيل لمدة 10دقائق اضافيه , يجب رج العبوه جيدا قبل الاستخدام مع مراعاة ان المنتج مناسب للشقوق الصغيره )

KLIMA-FRESH

يزيل الروائح الكريهه التى تتسبب فيها البكتريا فى انظمة تكييف الهواء , للأجزاء الداخليه و الخارجيه للسياره (توضع العبوه داخل السياره و يتم تشغيل المكيف ثم يتم الضغط على اعلى العبوه لافراغ المحتوى وع اغلاق الابواب و زجاج السياره بأحكام و فى غضون 10 دقائق تزيل الروائح )

LM 40 MULTI-FKT.-SPRAY

سائل رش للتشحيم , يبقى الاجزاء المتحركه حره بشكل دائم , يحمى من التأكل (يستخدم عند الحاجه لتشحيم جزء لمنع التصلب و سهولة الحركه للسيارات , المنازل , المصانع )

SCHNELL-REINIGER

يزيل الشحوم و الاوساخ تماما و بشكل سريع , يفك رواسب الراتنجات و الزيت و الشحم

منظف لازالة الشحوم سريعا من المكونات الصغيره فى السياره , الفرامل , و القوابض , الملابس , الالياف , الارضيه .

ROSTLÖSER

مذيب الصدأ عال الاداء يفك البراغى , الصواميل , يخترق حتى فى الممرات الضيقه

يستخدم مع الاجزاء المعدنيه التى بها صدأ و متأكله مثل البراغى و المسامير و الاجزاء الاخرى القابله للحركه

ZINK-SPRAY

يعمل على حماية الاسطح المصنوعة من الحديد و الفولاذ خاصة فواصل اللحام ضد التأكل , يحمى الاجزاء المعدنيه ضد التأكل مقاوم لدرجة الحراره تصل الى 500درجه و يعطى مظهر لامع (يحمى نظام العادم بأكمله ) .

اتمنى اكون قدمت لكم معلومات مفيده عن بعض منتجات liqui moly

رد: الزيت المعدنى ...والزيت التخليقى وسؤال محــيرنـــى؟!!!

شكرا انسة ريهام شكرا على التوضيحات ورجوع قوى اتمنى ان تكونى معنا دوما لان سيادتك متخصصة فى الزيوت ومتلقية محاضرات من الالمان فارجو تشرفينا بتواجدك فى مواضيع الزيوت لانه موضوع صعب واخذ منى شهرين دراسة على النت ولكن سيادتك لك لمسات عملية مهمة

رد: الزيت المعدنى ...والزيت التخليقى وسؤال محــيرنـــى؟!!!

اقتباس:

المشاركة الأصلية كتبت بواسطة elmanahry (المشاركة 525878)

شكرا يا دكتور و الله الوعكه الصحيه دى كانت معطلانى شويه بس خلاص ,, حاضره