رد: TESLA S-SEDAN
 

مشكله البدائل الحاليه اننا بنقارنها بمحرك الاحتراق الداخلي اللي بقاله اكتر من 100 سنه بيتطور لحد ما وصل لوضعه الحالي ...
لكن لو عملنا مقارنه ما بين بدايه محركات البنزين و المحركات الكهربائيه او الهيدروجينيه او حتى الشمسيه حنلاقي ان اي واحده فيهم بدايتها مشجعه ... الفكره ان اي بديل فيهم هو اللي حيثبت وجوده و يتم تعميمه

على فكره المحرك الكهربائي مش جديد ... فرديناند بورش في بدايته سنه 1900 و قبل ما يؤسس شركه بورش عمل محرك كهربائي ... لكن اللي اثبت كفائه وامكن تطويره وقتها هو محرك البترول
http://www3.0zz0.com/2008/11/16/23/621539703.jpg
لازم التطوير ياخد وقته وفرصته ... التسلا تمنها 57400 دولار ... شوف قدامنا كام سنه لحد ما يقدرو يصنعو التقنيه اللي فيها بسعر مقبول ....
ومينفعش نصحى من النوم في يوم نلاقي مفيش بترول و ساعتها ندور على اختراع جديد ...

ليه نظره التشاؤم دي ؟؟
حمير !!!!!
يا نهار اسود ptmnlo123per1116
في اعتقادي الشخصي اتوقع ان البدائل دي حتظهر ليها بدائل تانيه قبل ما البترول يستنفذ كليا ...
وده نتيجه ارتفاع منحنى العلم و التكنولوجيا ( تطبيق العلم )
( يعني من خمسين سنه مثلا كان فيه فجوه زمنيه بين اكتشاف النظريات و العلوم و تطبيقها ...
دلوقتي الفجوه الزمنيه قلت جدا و ده حيساعد على مزيد من الاكتشافات و مزيد من التطبيقات )
يعني ممكن نلاقي عربيات بتشتغل بالمياه او المجالات الكهرومغناطيسيه او ببطاريات قد الاب توب ... وتتشحن بكارت شحن ... تتصل يبعتلك رصيد كهرومغناطيسي من اي عمود نور جنبك في الشارع ....

فاكر الموبايل اول ما طلع ... كانت بطاريته اكبر من موبايلات دلوقتي .... بكره الموبايبل يبقى زي التلغراف

احنا يوم ما حنرجع نركب حمير تبقى نهايتنا قربت ...
اللهم ارحمنا و اغفر لنا واحشرنا مع القوم الصالحين

رد: TESLA S-SEDAN
 

ياااااااه يا أستاذ فادي، قول كده من زمان. وأنا بقرأ الجزء الأول من تعليقك خطر في بالي ان حضرتك ممكن تكون بتشتغل في البترول.

بعيداً عن النظرة الشخصية للأمور، البترول ملوث ومسيره يخلص. هيخلص بعد 30 سنة هتكون سيادتك في المعاش ان شاء الله.

رد: TESLA S-SEDAN
 

مستحيل علميا ان السيارة تمشى بالمياه, لأن المياه لا تحتوى على طاقة.
البدائل تنحصر فى معظمها بين السيارة الكهربائية و السيارة الهيدروجينية,
و كلاهما متعثر تماما فى الوقت الحالى.
صناعة الالكترونيات التى ضربت بها مثلا مختلفة عن الأشياء الميكانيكية,
فهى قادرة على التطور بصورة اسرع,
حتى هذه بدأت تصطدم بحاجز ما, و أعتقد انها سوف تصل قريبا الى نهاية تطورها,
لا تثق فى العلم لهذه الدرجة, فحتى العلم له حدوده, و لا أعتقد انه مؤهل لتعويض هذه الطاقة الهائلة التى وجدناها فى ثنايا الأرض.
هل تعلم أن كفاءة المحرك الحرارية لا تتعدى ال23%, هذا ينطبق على المرسيدس و على السيات, و على اى سيارة صنعت من هنا الى سنة 1920, تخيل اننا لم نستطع الا ان نستغل 23% من هذه الطاقة الهائلة سهلة الاستخدام التى وجدناها(بل أقل فى الواقع لأن هناك طاقة تضيع فى اشياء اخرى غير الحرارة),
هل تثق الأن اننا نستطيع استغلال الطاقة الضئيلة صعبة الاستخدام التى نفتش عنها بين اشعة الشمس و مجرى الرياح و فى نواة اليورانيوم! (على فكرة الطاقة النووية طاقة فانية هى الأخرى, لذا فاننا اذا اعتمدنا مثلا على الطاقة النووية فى توليد الكهرباء اللازمة لتشغيل السيارات, سوف نواجه نفس المشكلة بعد سنوات قليلة, هذا غير ان اضرار النفايات النووية أكثر و أشد وطأة على البيئة من البترول, يعنى الجماعة بتوع البيئة يا ريت يسيبوا البترول فى حاله و يشوفوا الطاقة النووية اللى هتخرب بيتنا, بس طبعا الخنافس بتوع البيئة لا يهمهم الموضوع ده فى حاجة, مادام هذه النفايات تدفن فى أراضى الدول النامية).
فى النهاية فان تطوير هذه التقنيات فى الوقت الحالى يضر باقتصادنا أشد الضرر, و يضعف من تأثيرنا السياسى, لذا فان تشجيعه غير مطلوب.

رد: TESLA S-SEDAN
 

في برنامج اسمه Beyond Tomorrow بيجي على قناه ديسكفري ساينس Discovery Science

في حلقه من حلقاته جابو واحد ابتكر عربيه -
مش عربيه بالمعنى الحرفي لأنها بتشتغل في النقل الداخلي بالاسواق الكبيره - حجمها تقريبا اد عربيه الجولف ...
الاسواق د فيها فعلا عربيات من النوع ده .... عباره عن راكب واحد و صندوق خلفي للتحميل وبيشتغلو بالبنزين

الرجل ده قال ان معدل الفقد في محرك الاحتراق الداخلي عالي جدا يمكن 80 % .. او زي ما انت قلت تقريبا
المهم ابتكر محرك صغير جدا ... وبيتم ربطه مباشره بالعجل لتحريك العربيه
و البساتم بتاعته غريبه جدا ... البساتم موزعه قطريا زي ريش المروحه و فيها تقوس

الانجاز بقى .... المحرك ده بيشتغل بأيه ؟؟!!
بالماء المضغوط !!

ايوه بالميه - المياه ... Water - Eau -

طبعا هو بيستخدم طاقه في ضخ المياه تحت ضغط شديد ... عن طريق جهاز صغير زي الكمبرسور بيشتغل بالكهربا العاديه من اي فيشه ... وبستعيد الطاقه دي في تسيير المركبه

حد كان يصدق من 70 سنه انه ممكن يتفرج على الناحيه التانيه من الكره الارضيه و هو قاعد في بيته
كنت تتخيل من 20 سنه انك ممكن تكلم واحد صاحبك في علبه بلاستك !!!!

رد: TESLA S-SEDAN
 

اولا هذا المحرك (لو كان له وجود) لا يعمل بالمياه,
المياه هنا وسيط لنقل الطاقة, تماما مثل علبة التروس فى السيارة,
هل تعتقد أن القطار البخارى كان يسير ببخار الماء, أم الفحم؟؟
بخار الماء هنا كان وسيطا لنقل طاقة الفحم.
و بعدين الماء لا ينضغط مثل الغاز, أعتقد انو الرجل ده نصاب.
الماء سائل و السائل لا ينضغط, و الماء عندما يتعرض لضغط (من جهاز اسمه مضخة و ليس كمبرسر, الكمبرسر للغازات), فانه يتحرك من مكان لأخر, لا يمكن تغيير حجم الماء.
لذا ببساطة لا يمكن تخزين أى طاقة ميكانيكية فى الماء, الماء يصلح فقط كى يصبح وسيطا لنقل الطاقة من مكان الى اخر.