مصر موتورز مجتمع السيارات - أساسيات قيادة البايك.

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - أساسيات قيادة البايك. (https://www.masrmotors.com/vb/showthread.php?t=31053)

رد: أساسيات قيادة البايك.

العفو يا باشا الله يخليك.

معلش ممكن تدينى لغاية بكرة علشان أنا دوقتى بكتب بالماوس, بكره الصبح هعمل بوست جديد فيه فيديوهات.

رد: أساسيات قيادة البايك.

الله ينور يابرنس

رد: أساسيات قيادة البايك.

يعني الفتيس بتاعو أتوماتيك هو بينقل لوحده ولا إزاي مش فاهم انا فهمت إنو تتابعي وبس بس مفهمتش الطريقه
وسؤال فني
هو مش خطر إن يكون كل عجله ليها فرامل لوحدها ؟؟؟!!!
انا أيام ماكنت صغير العجله كان الموضوع ده بيعصبني لسبب إن سعات فرامل تكون أقوي من التانيه وبالتالي لازم كل شويه أشيك علي الفرامل علشان يكونو بنفس القوه ومقعش لما أفرمل جامد وأقدر أسيطر عليها .
ياريت لو فيه حكمه من وجود دواستين فرامل منفصلين توضح الحكمه
وسؤال أخير هل الريس سواقته صعبه ولا لأ أقصد من حيث التحكم فيه والمناوره بيه
وأسف للأطاله وكثرة السؤال
وشكرا لصاحب الموضوع

رد: أساسيات قيادة البايك.

بص ياباشا, أنت فى العربية لما بتنقل, بتنقل أول ثم تانى ثم تالت, وممكن تنط من الأول الى التالت من غير ما تمر بالتانى, صح؟

فى البايك, لما بتنقل, بتبقى فيه دواسة عند رجلك الشمال, بتدوس عليها دوسة لتحت كده أنت جبت الأول, بتطلع تكة لفوق كده أنت جبت المور, تطلع تكة تانية تبقى جبت التانى, تكة كمان لفوق يبقى أنت جبت التالت وهكذا.

فلازم تعدى على كل النقلات قبل ماتوصل للنقلة الأخيرة, على عكس العربية ممكن تجيب من الأول للرابع على طول.

فتيس الموتوسيكل نقلاته شبه السلم علشان تنقل للخامس لازم تعدى على التانى والتالت والرابع, ونفس الحكاية وأنت نازل, وأسم الفتيس sequential gearbox لو حبيت تعرف معلومات أكثر والبايك فيها دبرياج بتنقل بيه عادى جدا, وزى العربية بالضبط بتظبط بينه وبين البنزين.

وفرامل البايك أنت أساسا بتستعمل الفرامل الخلفية بس على شان تحافظ على ثبات البايك, وتقريبا مابتستعملش الأمامية الا قليل جدا.

ولو فرملت بالأثنين مع بعض على سرعة عالية البايك توازنه بيختل وممكن لاقدر الله يقع بصاحبه,لأن دايما فيه فرامل بتبقى أقوى من التانية, وده بيأثر على توازن البايك وخصوصا أنه عجلتين بس.

والفرملة بالعجلة الأمامية بس بتسبب أن البايك يعمل stoppie يعنى العجلة الخلفية تترفع من على الأرض والبايك يقف على العجلة الأمامية, فالفرملة بيها خطر جدا لواحد غير متمرس على السرعات العالية.

وسواقة البايك سهلة جدا, طالما كنت بتسوق عجل وعربيات الموضوع مش هياخد نص ساعة وهتلاقى نفسك ماشى عادى بالبايك, بس طبعا زى العربية طول ما أنت سايق بتتعلم حاجات جديدة, وطبعا ماينفعش ترفع هورس أو تاخد غرز بين العربيات من أول تانى مره, كل حاجة بالتجربة والتعود.

ولو حد من البايكرز الخبراء عنده حاجة يضيفها يتفضل ويزيدنا علما.

رد: أساسيات قيادة البايك.

شكرا جدا أستاذ إنجكشن أفادكم الله