مصر موتورز مجتمع السيارات - عيوب هيونداى اى 10؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- Hyundai-i Family (https://www.masrmotors.com/vb/forumdisplay.php?f=197)

- - عيوب هيونداى اى 10؟؟؟؟؟؟؟؟؟ (https://www.masrmotors.com/vb/showthread.php?t=25544)

رد: عيوب هيونداى اى 10؟؟؟؟؟؟؟؟؟

البيكانتو حلوة و توكيلها محترم تصنيع كوري لكن شكلها الجديد يعني حبتين من وجهة نظري مش زي I10 (أذواق) و الـ I10 كوري تقفيل هندي زي ماروتي بس جميلة و عملية و أرخص من البيكانتو لو السعر مش مشكلة معاك توكل على الله و هات بيكانتو عندنا عائلات في المنطقة شاراياها للبنات و جيبالهم سائق صحيح صغننونة حبتين لكن محترمة
أما لو بتدور على أداء و أسعار قطع غيار و فرق سعر عليك و على I10 و الوانها متاحة أعتقد سعرها الكاملة هاي لاين بسعر الفيرنا أنا نفسي كنت حتهبل عليها بس ربنا رزقني بلوجي الجميلة

موفق بأمر الله

الملخص:
بيكانتو (توكيل+أداء+ضمان 5سنين)
I10 (أداء+ قطع غيار+فرق سعر)

رد: عيوب هيونداى اى 10؟؟؟؟؟؟؟؟؟

اقتباس:

المشاركة الأصلية كتبت بواسطة ابو هيما (المشاركة 726113)

طب السؤال المهم دلوقتى .. هل العربية دي تنفع فى السفر .. وكنت عاوز اعرف هى كام صباب وكام كامة وقوتها كام حصان .. وهل الموتور ده بيستحمل شغل التكيف وياترى أداء التكيف عامل أزاى فى الزحمة والحر .. والعربية بموتورها الصغير ده عامل أيه والتكيف شغال مع الحر يعنى بتشد وبتجرى ولأ عاوزة اللى يشدها .!!!!!
بردوا عاوزين أراء ماليكيها فى التقفيل , هل التقفيل وعزل الكابينة كويس وهل صوت الموتور بيعلى مع السرعة ؟وهل حضراتكم واجهتم مشكلة فى إيجاد قطع الغيار وياترى صيانتها بتتكلف كام وياسلأم لو شوية أسعار عن بعض قطع الغيار ؟!!!!!!!!!
برجاء الرد والأفادة من أصحاب السيارة

ايوه بتنفع فى السفر : اسكندرية - بورسعيد - القاهرة
معرفش كام صمام - معرفش كام حصان
و و الله اعلم كامة واحدة اصلى بشوف البوجيهات من قدام
ايوه الماتور بيستحمل التكييف
اداء التكييف فى الزحمة و الحر بيقل
و مع التكييف بتشد و مش محتاجة حد يشدها
التقفيل متوسط اكيد البيكانتو تقفيلها جودته اعلى
الماتور صوته بيعلى مع السرعات : لاحظت كده بعد ال 120
الصراحة محتجتش قطع غيار غير ماستر فرامل و كان فى التوكيل و اتغير فى الضمان بالرغم انه كان بسبب مطب خدته على 90

رد: عيوب هيونداى اى 10؟؟؟؟؟؟؟؟؟

اقتباس:

المشاركة الأصلية كتبت بواسطة احمد على 1999 (المشاركة 726632)

شكرا لحضرتك على الرد وكل عام وانت بخير

رد: عيوب هيونداى اى 10؟؟؟؟؟؟؟؟؟

اقتباس:

المشاركة الأصلية كتبت بواسطة ابو هيما (المشاركة 726113)

طب السؤال المهم دلوقتى .. هل العربية دي تنفع فى السفر ..

طبعا بتستحمل السفر ولو عاوز تروح بيها شرم عادى مفيش مشكله
وكنت عاوز اعرف هى كام صباب وكام كامة وقوتها كام حصان ..
هى موتور SOHC و 69 حصان 12 صمام
وهل الموتور ده بيستحمل شغل التكيف وياترى أداء التكيف عامل أزاى فى الزحمة والحر ..
التكييف يعتبر متوسط او اعلى شوية عشان حجم العربيه صغير
والعربية بموتورها الصغير ده عامل أيه والتكيف شغال مع الحر يعنى بتشد وبتجرى ولأ عاوزة اللى يشدها .!!!!!
مش اوى بس بياثر على السحب يعنى بتشد بس اقل

بردوا عاوزين أراء ماليكيها فى التقفيل , هل التقفيل وعزل الكابينة كويس وهل صوت الموتور بيعلى مع السرعة ؟
صوت العزل بالنسبه للموتور حلو لحد سرعة 130 بعد كده بيعلى شوية العزل مع الاسفلت متوسط
التقفيل محترم اعلى من الجيد
وهل حضراتكم واجهتم مشكلة فى إيجاد قطع الغيار
هى موجوده في التوكيل و دلوقتى موجوده بره التوكيل بس غالية
وياترى صيانتها بتتكلف كام وياسلأم لو شوية أسعار عن بعض قطع الغيار ؟!!!!!!!!!
صيانتها زى الاكسنت 2009 بالنسبه للمصنعية
برجاء الرد والأفادة من أصحاب السيارة

الردود فوق واى سؤال انا موجود

رد: عيوب هيونداى اى 10؟؟؟؟؟؟؟؟؟

عندى سؤال لانى بفكر اسيب الضمان
فلتر البنزين بكام ؟
العربية عاملة 20 الف كم و الفلتر هو اللى انا ناوى اغيره بس