مصر موتورز مجتمع السيارات - BYD يا فرحة ما تمت

اقتباس:

المشاركة الأصلية كتبت بواسطة ashraf tbana (المشاركة 167684)

السلام عليكم . ونخش في الموضوع انا من اشد المعجبين بالسيارة BYD وجمعت عنها معلومات كتيرة من منتديات مختلفة وعلي راسهم منتدانا الموقر ولقيت ناس كتير بتشكر فيها من حيث الموتور والعفشة والسيارة بوجه عام بس بردو اللي يسمع غير اللي يشوف وحبيت اني اطابق جميع المعلومات والمميزات اللي بسمع عنها علي ارض الواقع واشوف العربية وجها لوجه وما كنتش اعرف حد معاه العربية دي المهم قلت يا واد اصبر لغاية ما تلاقي حد موثوق فيه يكون معاه العربية عشان يقول رايه بصراحة وفعلا لقيت اتنين معايه في الشغل معاهم العربية من 2007 واتعرفت عليهم والحمد لله لقيت كل حاجة مطابقة للحقيقة وركبت العربية وجربتها وشوفت الحوض ووسائل التعليق بصراحة الله اكبر عربية جميلة وزقزقت في دماغي وقلت علي بركة اللة ورحت معرض الامل اللي عند الرقابة الادارية ولقيت هناك BYD F3 سوداء طبعا تقفيل مصري وفتحت العربية ولقيت ان الصالون ما يختلفش كتير عن التقفيل الصيني قلت كده يبقي كويس نبص بقي علي اساس العربية وفتحت الحوض وهوه ده لب الموضوع يارجالة لقيت اللحامات رديئة زي ميكون متلحمة في ورشة والفينش بتاعها سيء جدا مقارنتا باللحامات الصيني فطبعا حزنت جدا لاني اقتنعت بالعربية طبعا الصيني بس دلوقتي ما فيش الا المصري وبالتالي مش هاجيبها لدرجة اني تمنيت ان يكون هذا الفينش عيب في هذه السيارة فقط كونها من اوائل خط الانتاج المصري . فارجو من اعضاء المنتدي اللي يشوف عربية تقفيل مصري ينقل لينا الصورة يمكن ربنا يخلف ظني وتتطلع العربية اللي شوفتها هي بس اللي كده . واسف للاطالة ptmnlo123per111

اخى الفاضل اود ان اعرفك بان ما رايته فى السيارة ليس لحام سـئ كما تظن وانما هو مادة لاصقة اضيفت فوق منطقة اللحام الاصلى فى السيارة وبعد ذلك تمت عملية رش البوية فوقها فيظن الشخص انه هو نفسه اللحام وهذا ليس صحيح وهذا النوع من اللحام المغطى بمادة تشبه السيليكون كان يستخدم قديما فى معظم السيارات فى الموديلات القديمة فى اجيال السبعينات والثمانينات فلا يجعلك هذا تظن سوء جودة التقفيل المصرى
من جهة اخرى موضوع الكماليات الناقصة دة موضوع سهل ويمكن تركيبه فى محلات الاكسسوار المعروفة مثل الكاميرا والدى فى دى و gps والحساسات بمبلغ زهيد لا يتعدى 1000 الى 1500 جنيه
هناك بعض الاخبار التى اكدت ان شركة الامل على وشك استيراد كمية ضخمة جدا من كماليات واكسسوار السيارة من الصين ليتم تركيبها داخل الوكيل حتى تكون داخل الضمان العام للسيارة وهذا الخبر يمكن ان ياكده او ينفيه الاستاذ الفاضل عماد حبيب
بدون اى تحيز او مصلحة شخصية هذه السيارة بعد فحص وتمحيص هى افضل سيارة فى السوق المصرى فى مقابل القيمة السعرية وتتفوق على معظم السيارات الموجودة فى نفس الفئة (السعة اللترية والكماليات والامان والجودة) حتى اليابانى منها مثل الصنى مثلا فلا تتردد فى الشراء والله هو الموفق
وتقبل تحياتى