رد: أرجو إمدادي بمعلومات عن السيارة (ريجاتا) Regata
 

بص ياباشا انا كان معايا ريجاتا لمده 5 سنوات وعلى فكرة اخر موديل فيها 89-90 بصراحه عربيه حماره شغل وماتحسش انها جر امامى من قوتها وواسعه من الداخل والشنطه كمان واسعه بس المهم تكون نظيفه لان النظيف منها قليل دلوقتى وسعره عالى شويه بس من عيوبها ان التكييف بيسخن العربيه كعاده الفيات وبيقلل السحب جدا يعنى ماينفعش معاها التكييف دا لوشغال والعيب الثانى هو ان قطع غيارها قلت شيه من السوق لكن غير كده العربيه ممتازه جدا لو نظييييييييييفه

رد: أرجو إمدادي بمعلومات عن السيارة (ريجاتا) Regata
 

اسف على التاخير بس بجد مكونتش واخد بالى من السؤال
اولا يا باشا الريجاتا عربية فى منها نوعين العادى و النوفا العادى من 83 الى 86 و النوفا ابتداء من ال86 الى 90 بس بلاش تجيب نوفا ريجاتا 90 نظرا لندرة قطع الغيار و كده متعبة شوية
لكن ال89 او 88 تمام اوى فى كل حاجة
العربية صالون واسع كومبيوتر اعطال غالبا مش شغال عند ناس كتير بس سعره رخيص ممكن تشغلة تكيف و زجاج كهربا و سعة الموتور 1500 سى سى
بالنسبة للكبالن فانت لو محافظ عليها مفيش مشكلة منها كما انها جر اماى يعنى مش متعبة فى تصليح الات الجر بتاعتها ولا غالية كمان بل سعرها متوافر
فى مصفحة من تحت لحماية الماتور من اى مطب او الكلام ده و دى فالموديلين اللى انا قولتهوملك دول
يعنى خش فى المطب متخافشMADDRIVE
العربية من ناحية قطع الغيار فهى موجودة و فى متناول الايد
العفشة بتاعتها حلوة و ثابتة على الطريق مع السرعات العالية كمان شنطة واسعة و صالون مريح و يشيل يعنى حمل و امشى يا باشا clapclap
اما بالنسبة للعيوب فهى مش كتير لان التكييف طبعا معروف انو مش قد كده اوى يعنى بس لو حالة التكيف كويسة بيبقى حلو السخونية لكن انت لو ريحت دماغك و ركبت راديراتير الومنيوم زى بتاعها الاصلى لا بيتسد ولا حاجة بقى و هتنسى السخونية مع ترموستات اقل من ال90 و هتبقى تمام
لو فى اى حاجة عاوزها تانى انا تحت امرك فى اى استفسار

رد: أرجو إمدادي بمعلومات عن السيارة (ريجاتا) Regata
 

أنا عندى ريجاتا 84 وحالتها كويسه ولكن عملت حاجه غريبه مره واحده وقفت ومش عايزه تدور
ومحتاج أروشها شويه

رد: أرجو إمدادي بمعلومات عن السيارة (ريجاتا) Regata
 

شوف يا باشا الابلاتين و الكوندنسر و الموبينة سليمة ولا لا
و شوف طرمبة البنزين سليمة ولا لا
و طقم البوجيهات ايه ظروفة و كده

رد: أرجو إمدادي بمعلومات عن السيارة (ريجاتا) Regata
 

السلام عليكم
اريد ان اعرف ار بى ام كام فى حاله السلانسيه