مصر موتورز مجتمع السيارات - اصلاح الحوادث بمركز المتحدة لصيانة السيارات الحديثة

اقتباس:

المشاركة الأصلية كتبت بواسطة jojojojojo (المشاركة 819699)

شغل ممتاز ما شاء الله وهل حضرتكم بتشتغلوا في جميع الانواع ولا انواع معينه

شكرا لحضرتك على التقدير ... واما بالنسبة لاجابتى على سؤال حضرتك هستأذنك فى مساحة بسيطة للشرح

* فى الصيانات والاعطال الكهرباء والميكانيكا يعنى . بنشتغل يابانى وكورى وصينى...

* واما التكييف بيكون مع اى ماركة هو قسم مميز لدينا بامكانياته ( اجهزة ومتخصصين)

بالنسبة لقسم السمكرة والدهان

هناك نوعين من العمل فى هذا القسم :

* التجديد :
يعنى العربية فقط محتاجة تتجدد من الخرابيش او الخبطات البسيطة . دى طبعا مافيهاش اى مشاكل والمركز بيكون على اتم استعداد لها ... قسم السمكرة والدهان عندنا والحمد لله بيكون خير اختيار لآى حد لانه السعر بيكون منافس جداااا فبالنسبة للسيارات المتوسطة زى اليابانى والكورى والصينى بيكون السعر قريب جدا من اسعار الورش الكويسة ولكن السعر بيكون منافس جدااااااااااااااا - لصالح المتحدة طبعا - وخصوصا مع اصحاب السيارات الفارهة زى البى ام والمرسيدس بيكون الفرق واضح اوى يمكن بالآلاف مابين المتحدة وبين الورش التى يمكنها اداء هذا العمل بشكل جيد زى ناس مميزة فى الحرفيين ولكنهم عفوا ينظرون اكثر لقيمة السيارة المالية ومالكها .... ناهيك طبعا عن اسعار التوكيلات

* اصلاح الحوادث بعيد عنك وعن السامعين

بص ياباشا اللى ربنا بيكتب عليه حاجة زى كدة بيكون عنده اختيارات وتفاصيل كتيرة مشروحة بالتفصيل فى اللينك بتاع الموضوع ده

http://masrmotors.com/vb/showthread.php?t=100190

بالنسبة لاصلاح الحوادث فى المتحدة فانه يشمل اى ماركة سيارة حديثة حتى لو كانت من غير الماركات اللى قولنا اننا متخصيصين فيها ( يابانى وكورى وصينى )
لانه هنا وجه الخلاف مابين فئة سيارات وفئة اعلى بيكون فى بند واحد وهو بند الكهرباء

هاديلك مثل على سبيل التوضيح عشان الكلام يتبسط يعنى

لنفرض انها عربية بى ام دبليو مثلا او مرسيدس وهيكون فيها شغل كهرباء ثقيل باعتبارها حادثة .. وده دايما السبب اللى ممكن يبئة عليه خلاف من ماركة للتانية لانه الشغل كله سنسورات وكنترولات بشكل معقد اكثرمن اليابانى والكورى والصينى - لكن المبدأ واحد فى الاصلاح - والاكيد طبعا انه احنا عندنا جهاز كشف اعطال محترم بيشتغل مع كل انواع الماركات ..لكن هنا لازم نحط فى الاعتبار انه اكيد ممكن يبئة فيها تفصيلات بتاعة ناس متخصصة فى الانواع دى ... وهنا بيتم الاستعانة باحد الاصدقاء المتخصصين فى هذه الماركة - على الاقل بيكون من الكهربائية المميزين فى توكيل العربية - و المنتشرين فى التوكيلات المختلفة وهم من الاصدقاء الموثوق فى اخلاقهم و طبعا اصحاب خبرة مهنية عالية مما يجعلنا نتحمل مسئوليتهم من كل النواحى الفنية والادارية . بمعنى انه التعامل كله بيكون من خلال شركتنا ( المتحدة ) وعلى مسئوليتنا .

واخيرا اعتذر عن الاطالة فى الشرح