رد: الحقونى يأهل التويوتا
 

اسمحولى ارجع تانى لالاانضمام لهذا الموضوع المهم
اخى المهندس سمير انا نصحت الاخ الكريم السائل انه يشترى موتور استيراد بالرغم انى عارف انها بطيخة بس بطيخة احتمال تطلع قرعة واحتمال تطلع حمراء اما العمرة عيوبها اولا الموتور ما بقاش استاندرد ،، احتمال نجاح العمرة مش كبير ،،، توابع العمرة فعلا مشاكل اكتر منها هى اساسا ،،، بهدلة غيرعادية ،،،، المبدا فى الشغل ان الحاجة تبوظ تتصلح بس الكلام دة فى بلد غير مصر ،،، كام مرة يا مهندس سمير اشتريت قطعة غيار وتطلع بايظة ( بعيد عن الصينى ) هل فى مصر اساسا قطع غيار اوريجينال ؟؟؟ اشك بحكم ان لى صديق من 15 سنة فاتح فى التوفيقية ( بلد قطع الغيار ) بيحكيلى وبيقولى على حاجات تدل على الغش وانعدام الضمير واللى بيخليهم يعملو كدة ان ما فيش جهات رقابية على معايير الجودة ولا على الغش التجارى والصناعى يبقى احتمال انك تجيب حاجات العمرة اصلى صفر بستثناك سبيكة الكرنك من المصانع الحربية دى اللى تقريبا كويسة ---- تانى حاجة فى ميكانيكى النهردة عندة ضمير بالاضافة انة صنايعى نمرة واحد حتى لو موجود مش تملى هو اللى بيشتغل فى العربية او بيقفل الماكنة بس ويسيب الصبيان تكمل الشغل وصدقنى تملى يلطشو اى حاجة تتكسر يا تبوظ ،،،،، نفس الكلام على المخارط المتهالكة ما فيش مخرطة تقدر تجيب الخلوص المطلوب زى منت عاوز وانا اشتغلت سنتين فى الجندى للخراطة ودة يعتبر اكبر خراط فى مصر وعندة ماكينات كلها plc بس النتيجة برضة مصرى
اخى الكريم نيجى بقى لاهم نقطة وعن تجارب كتير جدا وبتكلم عن نفسي === كام مرة جبت موتور استيراد وطلع فى مشاكل وكام مرة عملت عمرة للموتور وطلع كويس خلاصة الكلام موتور الاستيراد انجح ( راى شخصي )

رد: الحقونى يأهل التويوتا
 

لاحظ أخى العزيز

أننى نصحته أن لايعمل عمره

إلا أذا كان البلوك سليم والكرنك سليم

لأن هما دول أهم حاجه فى المكنه كما تعرف

أما موضوع البورينج لغرف الحريق من داخل البلوك

وخراطة الكرنك على over size bearing

فأنا ضد هذا التكنيك فى مصر بالذات

نظرا لعدم وجود ورش ترتبط بمعايير الخلوصات الهندسيه

شغلهم بالبركه يعنى

وأعتقد كده نحن متفقين فى الآراء

رد: الحقونى يأهل التويوتا
 

يا رب دايما وبالمناسبة من حوالى اسبوع بعت لحضرتك رسالة على الخاص لو تفضلت تقراها

رد: الحقونى يأهل التويوتا
 

أنا آسف جدا

فلقد قمت من حوالى أسبوع بأفراغ صندوق الأيميلات

ولم أأخذ بالى من رسالة حضرتك

عموما

أنا فى أنتظارها مره أخرى

على بريد المنتدى ( يكون أفضل )