|
رد: مجنوووووووووووووووووووووو ون m11
يا استاذى العزيز ماشى عربيتك تمام وزى الفل ودةى كلة ف 2000 كيلو
فى ما لايقل عن 7 هنا فالمنتدى بيشتكوا من عربياتهم ورافعين قواضى طيب استاذ عماد دلوقتى الطابلوة باظ هل دة ضغط عالتابلوة بقى ولا اية؟؟ حضرتك قولنا كلام يتعقل وبلاش تقول اصل العربية تمام وياريت متنصحش حد بيها لحد ما تعمل بالعربية عدد كيلوات كبير عن كدة دة حضرتك لسة ففترة التلين يعنى لسة معدتش ال5000 كيلو عشان تاخد افضل اداء من العربية وبعدين ليا ملاحظة ارجوك اسمعها مفيش عربية تبقى ماشى على 190 وتاخد غرزة وتلاقى حاجة قدامك وتقدر تفاديها بمنتهى السرعة دى دة شئ مش منطقى دة لو معايا مرسيدس هخاف اعمل بيها كدة عموما فكل الاحوال ربنا يباركلك فعربيتك واتمنا تفضل مبسوط منها دايما يارب ويارب مشاكل الاعضاء كلها تتحل وخصوصا استاذ عماد لانة صعبان عليا بجد ان الواحد يدفع 75000 الف فعربية وفجأة تظهر كل هذة المشكلات لا واية ابو الفتوح مرحمش نزل سعرها 5000 جنية مرة واحدة يعنى سياسة تسعير فاشلة وصيانة زى الزفت وتجميع ربنا يجازى الناس الى ضمائرهم مغشوشة وربنا يحميك ويحمى عربيتك واسف عالاطالة |
رد: مجنوووووووووووووووووووووو ون m11
ربنا يسعدك بعربيتك و يبارك لك فيها
أما أصحاب المشاكل فانا أتمنى من كل قلبى إن مشاكلهم تتحل قريب و على خير إن شاء الله و يعوض عليهم ربنا |
رد: مجنوووووووووووووووووووووو ون m11
والله انا قولت الي حصل و ربنا يشهد عليا فانك مش مصدق ده شئ تاني وبالنسبه للكيلومترات فانا معاكو و بشهد بالحق وربنا يوفق الجميع |
رد: مجنوووووووووووووووووووووو ون m11
الحمد لله و الشكر لله يشرفنى أن أكون من أوائل ملاك الM11 و أنا الأن مقبل 13000 كيلو و الحمد لله أداء العربية لم يهتز و الحمد و الشكر لله بعد سترربنا طبعآ الفرمل أنقذتنى ما لا يقل عن 6 مرات كنت حلبس فى عربيات بتكسرعليا فجأة بدون أى سنس أو يبصو حتى هوا في حد جاى فى الحار دى على سرعة عالية أو واطية!!
أنا بأكد كلام الزميل aboelesaad أنا جبت بالعربية 180km على المحور والحمد لله كانت ثابتة جيدآ وكأنك جايب 100 km أكترموقف مش حنساه تجربة عملتها بمناورة على سرعة علية دعونى أشرح لكم القصة بصورة أوضح: أنا كنت نازل من 6 أكتوبرعند هايبر1 وأنا بحب أجرى لغاية مافرمل عند المطب بالظبط أنا كنت جايب 120- 140 يعنى ممنكن نقول 130 km(فى الحارة أقصى اليمين للاسف الحارة المتاحة ) و فاضل 150 متر على مطب عشان أفرمل بالظبط ولائت واحد صحبنا ركب عربية تيوتا 2006 أيه بتلمع واضح أنها جديدة أخذ الحارة على سرعة10- 20 أمامى مميجعل الفرق بينى وبنه 100 متر تقريبآ و مفيش حارة فاضية أدامى حلبس فيه يا حلبس فيه مفيش وقت للكلس و لا للفرامل ولا الحجات دى الحمد لله مع ستر ربنا دوست فرامل نزلت سرعة العربية ل80-70 وكسرت وعديت يمين للأناور فى حارة الميكروبصات و الحمد لله مكنش فى حد فى حرة دى كمان. |
رد: مجنوووووووووووووووووووووو ون m11
اشهد ان لا اله الا الله وان محمد رسول الله اخيرا حد هنا له نفس الراي والله عقدتوني كلكم عندكو مشاكل و انا مش شايف كده الحمد لله لسه في امل هههههههههههه اوعي حد يزعل مني بس والله دي عيوب نسخ مش اكتر ربنا يبارك للجميع يارب و يحل كل المشاكل للي عندهم مشاكل وانا جبت 3000 و مفيش جديد في الاداء الحمد لله و الشكر لله |
| الساعة الآن 11:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017