رد: حادث سيارتى ال i10 مع الصور - أعمل إيه؟
 

سيادتك روح غبور فرع العبور قريب منك اعمل مقايسة و نت راجع حود علي الحرفيين شوف اكصدام استيراد نفس اللون و الليلة تتكلف كام و لو الفرق مش مستاهل يبقي عليك و علي التوكيل. و ربنا يكفيك شرها و يؤجرك فيها.

رد: حادث سيارتى ال i10 مع الصور - أعمل إيه؟
 

روح التوكيل واكشف
وشوف ايه اللي المفروض يتغير بالظبط
لقيت التكلفه حتبقي في المعقول كان بها واتكل علي الله
لقيتها عاليه يبقي انت عرفت ايه اللي المفروض يتجاب
يتجيبه من التوكيل وتشتغل فيه بره ياتجيب من بره وتشتغل فيه بره برضه
وفي كلتا الاحوال حترجع زي مكانت ان شاء الله
وفداك العربيه يا باشا

رد: حادث سيارتى ال i10 مع الصور - أعمل إيه؟
 

انا شايف ان لو اللي خبطها هيدفع تمن تصليحها يبقي اعملها ف التوكيل ودفعه دم قلبه عشان يتعلم مايركبش عربيات غير لما يعرف يسوق ومش حرام علي فكره لان عطلتك وحرقه دمك ووقفه العربيه ومرمطتك ف المواصلات مش ببلاش غير كده برده لما تيجي تبيع العربيه وتقول فبريكه من الاكصدام للاكصدام دي ميزه للعربيه طبعا وهتبيع العربيه بسهل وكمان الرش الفبريكه مش اي حكه فيه بتأثر يعني لو الاكصدام فبريكه الحكه هتلاقيها تعمل خط او اتنين لونهم اسود لكن لو مرشوش هتلاقي المعجون بيقشر وتبقي لطعه بيضه
لكن لو انت اللي هتدفع الحساب يبقي ربنا يعوض عليك روح رشهم بره عند اي حد وسيبك من التوكيل

رد: حادث سيارتى ال i10 مع الصور - أعمل إيه؟
 

رد: حادث سيارتى ال i10 مع الصور - أعمل إيه؟
 

شكراً جداً على إجابتكم المفيدة أوى.

أنا اتصلت النهاردة بموديرن سيرفس (مركز صيانة معتمد، مكانة ورا السندباد) وهو أقرب مكان لى فى مدينة نصر.

سألت على سعر الاكصدام للi10 موديل 2010 قال لى سعره 715 جنيه.

بس للأسف قال إن ما عندوش منه فى المخزن. وسألتهم إذا ممكن أجيب اكصدام من بره ويقوموا بتركيبه قال لى ممكن.

وسألت على سعر التركيب، قال لى لازم تيجى تعمل مقايسة الأول علشان نعرف نحدد عشان ده مصنعية وكده.

(بس ما سألتش على سعر الكارتيرة شمال الصراحة.)

حد عنده فكرة السعر ده 715 جنيه للاكصدام i10 موديل 2010 إيه نظامه؟