مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - موتور الفيرنا (https://www.masrmotors.com/vb/showthread.php?t=121615)

رد: موتور الفيرنا

اقتباس:

المشاركة الأصلية كتبت بواسطة cmatcho (المشاركة 937571)

المواتير ذات البلوك الالمونيوم لا تصلح للعمره
مصاريف علي الفاضي
الحق نفسك واتاكد قبل ماتصرف

بلوك الفيرنا زهر مش الامونيوم وش السلندر هو اللي الامونيوم

رد: موتور الفيرنا

يعنى كمان سألت ميكانيكى تانى وقاللك مش هينفع او هتدخل فى متاهات
اولا الوش الإستيراد ما انصحكش بيه تماما لأنه بخت يابو بخيت ممكن يطلع ألعن من القديم
اما باقى الحاجات هتدفعك كتير ف الرفايع

طيب الوش الاستيراد لانه انت وبختك زي ما بتقول حضرتك طيب والموتور الاستيراد؟ وانا عندي تجربة سابقة مريرة مع موتور استيراد لعربية هوندا كرهت الدنيا بسبب الموتور ده وبعت العربية في الآخر فلازم هأجرب المرة دي العمرة وطبعا موتور التويوتا مينفعش مش بس عشان البيع لا عشان كمان المرور والترخيص

رد: موتور الفيرنا

اقتباس:

المشاركة الأصلية كتبت بواسطة mr_astra (المشاركة 937684)

راى انك تجيب الشورت بلوك وتنسى العمرة
العمرات النهردة بقت فاشلة فى الـ الفيات .... ما بالك بقى بمواتير زى الفيرنا
كمان عندك الوش على كلامك مش نافع وهاتجيب واحد استيراد يبقى عملت اية؟ مهو انت عمرت وجبت المخ بتاع الموتور استيراد بل بالعكس كمان فتحت الوش الاستيراد من على المكنة بتعتة وخسرنا جوان وش السلندر الاصلى المعدن
العمرة فرصة نجحها صعب اوى بصراحة
انما الموتور الاستيراد من تاجر محترم افضل وخصوصا ان المواتير دى متوفرة كتير مش نادرة مثلا
وخليك فى موتور عربيتك متجبش حاجة مش بتاعة افيرنا
لانى لو انا بشترى عربية ولقتها مغيرة موتور لاى ماركة تانية حتى لو هيونداى عمرى ما هاشتريها
اشترى عربية اية وهى مدوبة موتور ؟؟؟؟؟؟؟؟ بتفرق فى البيع بعد كدة اوى
للاسف المواتير الاستيراد مش بتعرف تدورها عند التاجر لكن لو معاك ميكانيكى كويس يبص على مانفولد السحب ويشوف اثر الزيت علية
او الافضل انة يفكه من قطعية يكون باين فيها عداد الكيلو متر
وتبيع البلوك بتاعك بحوالى 500 جنية يبقى الفرق بسيط
ربنا يوفقك

شكرا للرد بس الاستيراد مشاكله كتير وكمان شورت بلوك الفيرنا سعره 3500 وده زي اللي في عربيتي بس فيه شورت بلوك هيونداي افانتي وده ارخص سعره تقريبا 2300 ومشكلته انه من موديلات 1997 و1998 يعني قديم واكيد مستهلك وانا دلوقتي فكيت الموتور عند ميكانيكي بيعمل تقريبا عمرات لاكتر من عربية فيرنا دلوقتي وشكرا وانشاء الله حاقول لكم على كل اللي تم مع الاسعار

رد: موتور الفيرنا

الوضع كالأتي الموتور عند الخراط لعمل شمايز مقاس 030 وسبيكة 020 ونزلت اشتريت قطع الغيار من التوفيقية واسعارها هاكتبها للإفادة:
طقم دبرياج فاليو اصلي 370
سلك بوجيهات 55
2 بلية كاتينة ثابتة ومتحركة كوري 110
طقم جوانات 160
طقم شمبر ياباني بالفرش 125
طقم بستم اصلي 315
طقم سبيكة 150
طلمبة زيت اصلي 400
سير كاتينة 80
طقم بوجيهات 55
فلتر زيت 20
وبكرة هاستلم الموتور من الخراطة وهياخد 500 وهاشتري وش سلندر استيراد والميكانيكي هيفكه من موتور استيراد وسعره 1000
وربنا يستر بعد كل ده

رد: موتور الفيرنا

الحمد لله خلصت العمرة من اسبوع تقريبا وكنت طول الفترة دي باعمل تليين للعربية، والحمد لله النتيجة كويسة جدا وحاسس ان العربية رجعت زيرو تاني