رد: عندى مشكلة فى فيتيس السيارة أرجوا الافادة
 

الموضوع بسيط جدا ....ولكنه فى ذات الوقت هام جدا

ولن يستغرق فى تنفيذه الميكانيكى أكثر من 5 دقائق

ويمكن الرجلاش من جهة الفتيس أو من جهة بكرة بوابة الثروتل بودى ( بكرة الأكسراتير )

المقصود بضبط قوة شد السلك

هو أن تستشعر أن قوة الشد الميكانيكى وعدم الترخيه فى كل من واير البنزين وسلك الكيك داون

بنفس الشده تقريبا

وبيتم شد السلك فى أتجاه قائد السياره من خلال صامولة كنتره ( صامولة إحكام لقوة الشد )

-------------------

عارف سعادتك

الموضوع ده بالضبط نقدر نشبهه بحبلين غسيل متواجدين بين دعامتين

لحمل الحبلين بالغسيل

فيجب منطقيا أن يكون الحبلان مشدودان بنفس الشده

لكى يكون الغسيل فى وضع تنشير جيد على الحبليين

ومينفعش نخللى حبل مشدود صح ( أى واير البنزين )

والآخر مرخى عنه ( أى كابل الكيك داون )

ولو حدث هذا

سيختل الآداء بدون أدنى شك

رد: عندى مشكلة فى فيتيس السيارة أرجوا الافادة
 

انا متشكر لك جدا ياباشمهندس
انا بالفعل جربت الرجلاش كذا مرة وفى كل مرة كنت بجرب قيادة السيارة
حتى استقريت على رجلاش اعتقد هو الافضل فى سحب السيارة والنقل بسلاسة
وشكرا لحضرتك وكل اعضاء المنتدى شكرا جزيلا وربنا يسترها معانا

رد: عندى مشكلة فى فيتيس السيارة أرجوا الافادة
 

انا عندة نفس مشكلة التاخير فى النقل دى ممكن تقلى انت خليتة فى اقصى اليمين ولا اقصى اليسار عشان عايز اجرب انا برضو الموضوع دا بنفسى عشان الناس افتولى ان الفتيس بيجيب اخرة
ولو ممكن صورة لو سمحت لمزيد من التوضيح

Re: عندى مشكلة فى فيتيس السيارة أرجوا الافادة
 

طيب انا عاوز اتأكد من حاجة يا جماعة بعد اذنكوا هو كابل الكك داون ده هو ايه بالظبط ؟؟؟

هل هو الكابل بتاع سليكتور الفتيس ولا ايه ؟؟؟؟

رد: عندى مشكلة فى فيتيس السيارة أرجوا الافادة