رد: عاوز كتالوج ميجان 2
 

يا باشا ولا خبير ولا حاجة.......دى شوية معلومات عادية.......ما هى العربية بقالها معايا 4 سنين إلا 4 شهور
يعنى عيب عليا بعد الفترة مبقاش عارف عربيتى :)

المهم النتشة اللى فى الفتيس دى عادية متقلقش منها أن شاء الله......وده بيرجع لطبيعة الفتيس الستيبترونيك
وبرضه نفس النتشة هتلاقيها فى الأسترا الجديدة والكورولا ال MMT
عموماً هما كانوا بيعملوا update لل software بتاع الفتيس فى التوكيل ببلاش ب software بيقلل النتشة شوية بس مكنش بيلغيها خالص..........ممكن و أنت بتعمل صيانة تسألهم ال Software version بتاع الفتيس عندك هى القديمة ولا الجديدة..............لو القديمة ممكن تطلب يعملولك upgrade بس مش عارف لسه ببلاش ولا لأ
ولو الجديدة يبقى ليس فى الأمكان أحسن مما كان......أستمتع بعربيتك و متخليش كلام الناس ( اللى معظمهم مركبوش ميجان أصلاً ) ينسيك فرحتك بالعربية و يقلل من أستمتاعك بيها.

رد: عاوز كتالوج ميجان 2
 

صديقي اللدود tronky الكلام ده مش مظبوط وأسمح لي اوضحلك والزملاء ما يحتاج تصحيح في كلامك

لا النتشه إللي في الفتيس دي مش عاديه ولا حاجه ولا علاقة لها بطبيعة الفتيس الستبرونيك أبدا وهاقولك أنا بقول كده ليه حالا


أنا عملت الكلام ده قبل كده والنتشه ما رحتش وأتهايقللي أنها خفت لكنها برضه مارحتش والسوفت وير طلع مالوش دعوه بموضوع النتشه دي خالص
وهاقولك حلها أيه دلوقتي

هوه ده إللي بقلوه "ليس في الأمكان احسن مما كان" ههههههههه
بقى ياربي الناس تدفع في عربيه 160 ألف جنيه ويتقاللهم "ليس في الأمكان أحسن مما كان "؟


أستمتع بعربيتك يا meso76 وخليك مستعد دايما لاي مشكلة تقابلك عشان ماتتضايقش بعد كده
وبالنسبة لمشكلة الفتيس هاقولك الحل إللي أنا عملته وإللي من بعدها الفتيس بقى زي الفـُل

أنا طبعا كل مره كنت اروح فيها وأشتكي من العضة او النتشة غللي مخلاياني حاسس أني راكب عربية صيني (والله الصيني مابتعملش كده) المهم كل مرة يكون عندي عطل في حاجه واروح أصلحة أقول لهم على النتشة أو الرجة دي يقولولي هانغير سوفت وير هانغير زيت الفتيس هانغير 2 حساس أساميهم عندي في الفواتير هابقى اجيبهملك يقولولي معرفش ايه وايه ....
أخر مرة وديت العربيه ورفضت أستلمها إلا لما يحلو المشكلة دي نهائي إن شالله يغيروا الفتيس كله وزرجنت زرجنه مايعلم بيها إلا ربنا
وفعلا استجابوا وأحتجزوا العربية عندهم لمدة أسبوع كامل وكل يوم بتابع معاهم بالتليفون لحد ما المهندس "كريم" أتصل بيا وقاللي إنه توصل للحل وإن العربيه ماعدش فيها النتشة دي نهائيا

وفعلا الراجل صدق فيما قال والعربية دلوقتي زي الحرير

ولو عاوز تعرف بقى التفاصيل هابقى أقولك ......

نراكم الحلقة القادمة ptmnlo123per1127

رد: عاوز كتالوج ميجان 2
 

شكرا استاذ Payoo للرد .... ومنتظريين نعرف باقى التفاصيل

رد: عاوز كتالوج ميجان 2
 

اقتباس:

المشاركة الأصلية كتبت بواسطة Payoo (المشاركة 20235) صديقي اللدود tronky الكلام ده مش مظبوط وأسمح لي اوضحلك والزملاء ما يحتاج تصحيح في كلامك

بص يا حاج بايو.......
أنا كلامى واثق منه 100% عن تجارب وليس تجربة واحدة.......حضرتك جربت الكورولا ال MMT أو الأسترا ؟؟؟؟

اقتباس:

المشاركة الأصلية كتبت بواسطة Payoo (المشاركة 20235) لا النتشه إللي في الفتيس دي مش عاديه ولا حاجه ولا علاقة لها بطبيعة الفتيس الستبرونيك أبدا وهاقولك أنا بقول كده ليه حالا

لو جربتهم هتلاقى نفس النتشة و محسوسة أكتر كمان....طيب رينو وبنقول أنها ماركة أى كلام ومعرفتش تعمل فتيس ستيب صح......طيب هنقول أيه على تويوتا و على أوبل ؟؟؟؟؟

اقتباس:

المشاركة الأصلية كتبت بواسطة Payoo (المشاركة 20235) أنا عملت الكلام ده قبل كده والنتشه ما رحتش وأتهايقللي أنها خفت لكنها برضه مارحتش والسوفت وير طلع مالوش دعوه بموضوع النتشه دي خالص

اقتباس:

المشاركة الأصلية كتبت بواسطة Payoo (المشاركة 20235) وهاقولك حلها أيه دلوقتي

ما أنت لو ركزت فى كلامى هتلاقينى قلت هتقل مش هتروح.....يعنى أنت كده بتأكد على كلامى

اقتباس:

المشاركة الأصلية كتبت بواسطة Payoo (المشاركة 20235) هوه ده إللي بقلوه "ليس في الأمكان احسن مما كان" ههههههههه

اقتباس:

المشاركة الأصلية كتبت بواسطة Payoo (المشاركة 20235) بقى ياربي الناس تدفع في عربيه 160 ألف جنيه ويتقاللهم "ليس في الأمكان أحسن مما كان "؟

أولاً هما مقالوش الكلام ده........ده أنا اللى قلته
وبعدين هى العربية أنت جايبها ب 160 ألف ؟؟؟؟
طيب والأوبل الأسترا والتويوتا الكورولا MMT بكام ؟؟؟؟؟

اقتباس:

المشاركة الأصلية كتبت بواسطة Payoo (المشاركة 20235) أستمتع بعربيتك يا meso76 وخليك مستعد دايما لاي مشكلة تقابلك عشان ماتتضايقش بعد كده

اقتباس:

المشاركة الأصلية كتبت بواسطة Payoo (المشاركة 20235) وبالنسبة لمشكلة الفتيس هاقولك الحل إللي أنا عملته وإللي من بعدها الفتيس بقى زي الفـُل

طيب كويس أن أنت متفق معايا أن المفروض نسيب الراجل يستمتع بعربيته.........و طالما العربية كانت محافظة على الصيانة بتاعتها و حالتها نضيفة......يبقى أن شاء الله مش هيحصله مشاكل هلامية.

اقتباس:

المشاركة الأصلية كتبت بواسطة Payoo (المشاركة 20235) أنا طبعا كل مره كنت اروح فيها وأشتكي من العضة او النتشة غللي مخلاياني حاسس أني راكب عربية صيني (والله الصيني مابتعملش كده)

بص يا بايو
أنا سقت عربيات كتير وقليل و بقالى 15 سنة بسوق.....وسقت مانيوال و أتوماتيك كتير عمرى ما حسيت أن الميجان أقل من أى عربية من اللى سقتهم بل بالعكس.....أعلى من عربيات كتيير تانية و على رأسهم الأوكتافيا ( معلش متزعلش منى بس ده رأيي )
النقطة الوحيدة اللى تحسب للأوكتافيا أكتر من الميجان أن الأوكتافيا فعلاً ثباتها أحسن على السرعات اللى فوق ال 180 كم
و على فكرة......أنا العربيات اللى أمتلكتها أنا ( يعنى عربياتى أنا ) كان فيها ماركات لا يستهان بيها أطلاقاً زى BMW E30 320I و Vectra 97 CDX
بس موضوع الصينى ده......اعذرنى....طلعت أوت بعيييييييد

اقتباس:

المشاركة الأصلية كتبت بواسطة Payoo (المشاركة 20235) ولو عاوز تعرف بقى التفاصيل هابقى أقولك ......

طيب يا باشا ما كنت تكمل فى الحلقة دى عشان تنورنا ؟؟

على فكرة يا بايو......أنا مش متعمد أصغر الأقتباس بتاعك بس والله بقالى شوية بحاول أكبر الكلام كله و مش راضى يكبر الأقتباسات خالصptmnlo123per111

رد: عاوز كتالوج ميجان 2
 

ممكن يا باشمهندس هانى تقول على إللى عملوه فى التوكيل خلال فترة الأسبوع ده و إللى انعكس إيجابيا على شعورك بالفتيس ؟؟؟؟