مصر موتورز مجتمع السيارات - اوبترا بتقطع ..ما هو السبب؟؟

مصر موتورز مجتمع السيارات (https://www.masrmotors.com/vb/index.php)

- أوبترا (https://www.masrmotors.com/vb/forumdisplay.php?f=156)

- - اوبترا بتقطع ..ما هو السبب؟؟ (https://www.masrmotors.com/vb/showthread.php?t=30774)

رد: اوبترا بتقطع ..ما هو السبب؟؟

مبدئيا لازم تبدى بالحاجات الرخيصة بالاخص ان طبيعى كان لازم تتغير من زماااان اولهم فلتر البنزين
و هل برضه من ساعة ما جبت العربية مغيرتش فلتر الهواء ؟
البوجيهات و سلوك البوجيهات بقالهم كام الف؟

و فى اسباب تانية بس نشوف دول الاول

رد: اوبترا بتقطع ..ما هو السبب؟؟

بالنسبه لفلتر الهواء ... لا متغيرش من ساعة ماجبت العربية ... كمان البوجيهات وسلوكها برد متغيروش .. العربية عمله دلوقتى فى حدود 75000 كم ... الحاجات الوحيدة الى اتغيرت كانت تيل الفرامل الأمامى من سنه و نص كده .. وطقم السيور بتاع الموتور عند 60000 كم ... غير كده مركز الصيانه كان بيكشف على البوجيهات وبينضف فلتر البنزين والهواء مع كل صيانه ... لو كانو هيتغيروا كانو هيقولولى ... آخر صيانة عملتها كانت عند 60000 كم ... العربيه موديل 2007 زيرو ... بس شغلى بعيد ... عشان كده 75000 كم فى 3 سنين اتعملوا بسرعه .. أرجو النصيحة مع الشكر ...

رد: اوبترا بتقطع ..ما هو السبب؟؟

لو فعلا الحاجات دى متغيرتش فطبعا حتاثر على العربية فلازم تغييرهم بالاخص انهم رخاص و الموضوع حياخد نص ساعة
ممكن تبدى بفلتر الهواء و البنزين (5 دقائق)
و بالمرة يتعمل نظافة لصمام الايدل و البوابة (10 دقائق)

رد: اوبترا بتقطع ..ما هو السبب؟؟

انا لسه قافل التليفون مع قطع غيار منصور شيفورليه شارع الطيران ... بص واتفرج :-
1- ديسك + اسطوانة دبرياج (لازم يتباعوا مع بعض - هوه قال كده) = 920 جنيه
2- فلتر بنزين = 40 جنيه
3- فلتر هواء = 67 جنيه
4- بوجيهات = 50 جنيه
5- سلوك بوجيهات = 250 جنيه
6- تيل فرامل أمامى = 262 جنيه

كل ده باضافة ال المصنعية الى هتدخلها فى 500 جنيه لو اسطوانة الدبرياج هتتغير و 200 لو مش هتتغير .. ايه رايك اروح شارع دمشق أرخص؟ ولو هروح هناك ايه أفضل أنواع من الحجات الى فوق دى ؟ مع جزيل الشكر ..

رد: اوبترا بتقطع ..ما هو السبب؟؟

يا باشا التوكيل دايما حرامية, وبياخدوا فوق مايستحقوا بمراحل, ده كل الحاجات اللى فوق حضرتك تقدر تعملها بنفسك ماعدا الديسك والأسطوانة (لما بتغير الديسك لازم تغير معاه أسطوانة) وتوفر ال 200 جنيه المصنعيةفلوس كتير.
مبدأيا لازم حضرتك تروح لميكانيكى يكشف على حالة العربية ويشوف هل العيب فعلا عيب ديسك ولا لأ بدل ماتدفع 350 ثمن قطع غيار ومصنعية.
الحاجات اللى فوق دى كلها تتعمل من مبدأ الصيانة الدورية للعربية, يعنى فلتر الهواء والبنزين كده كتير قوى عليهم حتى لو بيتنضفوا ( المفروض بيتغيروا كل سنة)والبوجيهات وسلوكها كمان كده كتير قوى عليهم (25000 كيلو البوجيهات بتتغير), ده أنت لو كل مشاويرك على سرعة 100 كده يبقى الموتور شغال بقاله 750 ساعة يعنى حوالى شهر بحاله شغل متواصل.
وزى ما أحمد على باشا قال, الحاجات دى رخيصة (بره التوكيل) وهتحسن من أداء العربية وتحفظها لبعدين.

وأنا متأكد من أن سبب العطل هو الديسك, بس أبوس أيدك أكشف عند ميكانيكى وطمنا, علشان أنا أستويت من التشويق36_1_5[1].