مصر موتورز مجتمع السيارات - دعوة لمقاطعة المستعمل

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - دعوة لمقاطعة المستعمل (https://www.masrmotors.com/vb/showthread.php?t=92296)

رد: دعوة لمقاطعة المستعمل

اية وجهه نظر الاعضاء فى سيارة بى ام دبليو موديل 92 دبانة تعمل مثلا 65 الف جنية
وبين عربية بنفس السعر نوبيرا او فيرنا
من حيث
الامان
قوة الموتور
الشكل
خامات الصالون
السحب
رخص قطع الغيار
البرستيج
الاعتمادية
الراحة فى السفر
السرعة القصوى
الاتزان
الفرامل
المناورات
حتى الكماليات
؟؟؟؟؟؟؟؟؟؟؟؟؟؟؟؟

رد: دعوة لمقاطعة المستعمل

اقتباس:

المشاركة الأصلية كتبت بواسطة mr_astra (المشاركة 718813)

اية وجهه نظر الاعضاء فى سيارة بى ام دبليو موديل 92 دبانة تعمل مثلا 65 الف جنية
وبين عربية بنفس السعر نوبيرا او فيرنا
من حيث
الامان بي ام
قوة الموتور بي ام
الشكل بي ام
خامات الصالون بي ام
السحب بي ام
رخص قطع الغيار فيرنا او نويبرا
البرستيج بي ام
الاعتمادية بي ام
الراحة فى السفر بي ام
السرعة القصوى بي ام
الاتزان بي ام
الفرامل بي ام
المناورات بم ام
حتى الكماليات بي ام
؟؟؟؟؟؟؟؟؟؟؟؟؟؟؟؟

لكن طبعا المصيبة العظمى ان ممكن المستعمل يبقا فيه مصيبة او ملحوم او حاجة تانية ما يعلم بيها الا ربنا
حتى لو المستعمل دا بي ام دبليو او مرسيدس
لكن ال65 الف دول يجيبوا زيرو
حتى لو العربية الزيرو وحشة
لا انك هتجيب عربية تكون اول مالك ليها ويكون عليها ضمان وتكون مستريح جدا
وتقبل تحياتي :fun_36_3_11[1]:

رد: دعوة لمقاطعة المستعمل

اقتباس:

المشاركة الأصلية كتبت بواسطة Hisham.Elgazzar (المشاركة 718699)

انا أويدك بشدة فى الكلام ده يا باشمهندس / عمرو
الزيرو مفيش احسن منه ، بس للى يحافظ عليه مش يكسر فيه
وسواء بقى قديم ولا جديد لو محافظتش هتدفع كل اللى فى جيبك

الصنايعية دلوقتى بقم يختاروا العربيات اللى هيشتغلوا فيها

انا معايا فيات ، مفيش اى صنايعيى عاوز يشتغل فيها

من كتر مازهقت بقيت أصلح كل حاجة فيها بنفسى ومش بحتاج للميكانيكى غير فى الحجات التقيلة

حتى تنزيل الفتيس وتركيبه من 10 ايام سمعت نقرشة فى الفتيس

ماكدبتش خبر وكان واحد جارى معدى قلتله انا هصلحلك عربيتك ( معاه 125 متورها مفوت )
فكيت المانيفولد بتاعه وطرنبة البنزين لأن الماتور بينفخ من المكانين دول

وركبتله جوانات جديدة وظبطتله كهربا وبتاع ، بقى هاايص
وخصوصا انى خليته يغسل الموتور بالبنزين ال80

بس وبعدين روحت قايله معلش ساعدنى انزل الفتيس

فكيته ونزلنا جبنا بليه فتيس جديدة

وغيرتها الحمدلله

بعدها وفى نفس اليوم لقيت الردياتير مخروم زى المصفاه

صلحت الردياتير صوت الفتيس نقرش تانى

مشيت بالعربية لأن كان بقالها اسبوعين مركونة سمعت صوت البلى الخلفى عالى

روحت غيرت بليتين خلفى ودا حوااااار

وبالمرة ماتغير التيل الخلفى يا باشمنهدز :CONGRA~238:

وأخيرا وليس أخرا التيل الخلفى قافش وبيسخن العجل والكارونة فيها ونة

والعربية عاوزة سوست ومساعدين بالكامل :w6w200504112236376d

وطبعا العربية مفكوكة بالكامل سروجى ومن ساعة ما فكيتها مش عارف أقفلها

مستعمل اه بلا وكسة

كل عام وانت بخير اخي هشام
وما هوا دة الي انا عاوز اقولة
انت بتشتري سيارة بكام وتصرف عليها في خلال السنة بكام
احسبها صح
وشوف واحد معاة زيرو بسم الله ماشاء الله علي الاقل ثلاث سنوات قبل مايشتغل فيها
وربنا يرزقق باحسن من السيارة التي معك

رد: دعوة لمقاطعة المستعمل

اقتباس:

المشاركة الأصلية كتبت بواسطة m_ss2 (المشاركة 718705)

الموضوع جميل جداااااااااااا
ولكن التنفيذ مستحيل .
------------------------------
الكلام ممكن يكون للى بدايتة فوق ال30 الف لان دة الجديد هيكون افضل لية فعلا
الحالة الاقتصادية للشعب المصرى لا تسمح فى الوقت الحالى بالتخلى عن المستعمل
وطبعا التجديد التدريجى حتى الزيرو .
صدقني فعلا لو واحد معة 30000 حرام يجيب مستعمل
ممكن يدفعهم تقديمة ويقسط الباقي علي 60 شهر 500ج مثلا
احسبها كدة اول عوامل الامان طقم كاوتش اقل حاجة 1200
+شوية سيور +شوية زيوت+ الخ........

+وجع الداخ اصل الباب مابيقفلش اصل العربية بتهبد
اصل العربية بتاكل بنزين اصل العربية بتاكل زيت
الخ.......
========================= ====================
ههههههههههههههههه وفى حاجة مهمه احنا لو قاطعنا المستعمل تجار الجديد هيغلوة
مهو احنا عندنا شوية تجار فى مصر بيعبدوا اله جديد غير الله ( الجنية )
ذى ما هتلاقيهم فى المستعمل الى هما بيدارو على عيوب العربية وبيلبسوها للغلابة ودا حصل معايا .
هتلاقى تجار جديد هيستغلوا الفرصة لان الدنيا فرص بالنسبة ليهم وهيغلوا سعر الجديد

انا لااقصد المقاطهة الكلية دة شيئ لابد منة
ولاكن التخفيف حتي يقل السعر وتعرف تقوم العربية صح

اقتباس:

المشاركة الأصلية كتبت بواسطة mr_astra (المشاركة 718813)

حرام عليك تدفع 65000 في عربية بئالها عشرين سنة شغالة

اقتباس:

المشاركة الأصلية كتبت بواسطة sherifabden (المشاركة 718824)

دي حتي الصيني بتجيبو وتنساة مش اقل من ثلاث سنوات:010104~171: