رد: لكل اللي عايز يشتري سوبارو ومتردد افتح الفيديو
 

السوبارو عربيات محترمة جدا و قطع غيارها معمرة و كلها دفع رباعى مستمر وموتور بوكسر عشان كده ثباتها عالى جدا عموما و فى الملفات على السرعات العالية خاصة. و ثابتة فى الطرق الزلقة زى حالات المطر. اما بالنسبة للأمان فمعروف عن السوبارو وجود كل عوامل الامان و اعلى نتيجة فى اختبارات التصادم الاوروبية.

اما بالنسبة لعدم الانتشار ده عيبه الناس اللى بتقبل تدفع فى عربية اغلى من قيمتها الحقيقية و تستحمل عيوبها و قلة الجودة لمجرد انها تعرف تبيعها بسعر كويس.

اما بالنسبة للتوكيلات فكلهم زى بعض. جربوا كده اى شى يبوظ وروح التوكيل و شوف هيعمل ايه معاه؟ و شوفوا شكاوى الناس على النت من توكيل كيا و غيره فى مصر.

المشترى المصرى لو اصر على انه يدفع فلوسه فى الجيد فقط و و لم يجرى على الشكل و الكماليات فقط كانت كل المركات المحترمة اخذت و ضعها و انتشرت و رخصت قطع غيارها.

عموما انا شايف ان سوباروا بتدت تنتشر و خصوصا لما نزلت الXV.
و بالنسبة للتسارع فالنيسان قشقاى بطة بلدى و قطع غيارها غالية جدا. وبالنسبة لسبورتاج و ال ix35 دول بنزين 95 و استهلاكهم عالى و على الامد الطويل هيبان مشاكل فى الموتور لإستخدام بنزين اوكين اقل من المفروض(92)
و هى فعلا عربية ممتازة و عليها طلب و نادر لما تلاقى حد عايز يبيها و فى الغالب لسبب مادى مش لعيب فيها.

و ربنا يوفق الجميع فى اختياراته.

رد: لكل اللي عايز يشتري سوبارو ومتردد افتح الفيديو
 

انا معاك فى كل كلامك ...
المشكلة عندنا فى السوق المصرية ... سوق غريبة شوية ..

و من غير المنصف ان نعتبر اى حد عاوز يحافظ على فلوسه فى العربية انه مش بيفكر كويس ... دى ظروف السوق المصرية للأسف :12422A~17:

رد: لكل اللي عايز يشتري سوبارو ومتردد افتح الفيديو
 

عربيه ملهاش حظ عندنا , غير التوكيل مش شغال صح .
مع انها هي و لكزس و انفنيتي باعتبرهم التوب بتاع اليباني و تليهم هوندا و مازدا ...

رد: لكل اللي عايز يشتري سوبارو ومتردد افتح الفيديو
 

البوكسر ال 1600 اللى بينزل هنا ده زى اللى رقصت على السلالم لا اداء محترم ولا توفير واقتصاد البوكسر 2 و 3 لتر وانت طالع

رد: لكل اللي عايز يشتري سوبارو ومتردد افتح الفيديو
 

فيديو غير منطقى بالمرة ازاى عربية زى الفورد ماتطلعش المطلع دى غريبة شوية