رد: اية رايك فى سواقة السيدات
 

دا انا لسة حاصل معايا موقف معاهم من قيمة اسبوع فى مدينة نصر الطريق حارتين عادى

واحدة كانت ماشية فى الحارة الاولى عادى و انا جاى من ورا بسرعة و مقلب نور و مزمرة زمارة كدة من وسائل الامان

لقيتها مرة واحد راحت طلعا على الحارة الى جنبها و انا جاى بسرعة روحت واقف على الفرامل بكل عزمى

راحت جارية قعدت دقيقة اجمع الى حصل ورحت جايبها ووقف قدامها بالعرض (زى الافلام الاجنبى )

لقيت معاها راجل حمدت ربنا علشان اعرف اضربة

بقولها اية الى انت عملتية دة قلتلى لمواخذة قولتها هيا حاجة زى ديت فيها لامواخزة

راح الراجل قالى اصل انت جاى بسرعة روحت قايلة تيتتتتتتتتتتتتتت

دا انا مزمر و مقلب نور بعد كدة لو اعرف انزل اقولك انى معدى كنت عملتها

عملمتهم الادب مشتهم لغاية مدرسة المنهل على 10 كيلو باظبط الناس كلها بعديها الا هيا

قولى انت اعمل اية تانى

رد: اية رايك فى سواقة السيدات
 

بسوا أنا رأي مش كل الستات مبتعرفش تسوق أنا أسوء ست شفتها بتسوق الوالده وبطلت سواقه بعد ٣ حوادث أجمد من بعض ptmnlo123per127 وأحسن ست شوفتها بتسوق عمتي هي مش بتجري لاكن عمرها ما زنقت على حد وبرتاح أوي جمبها
وأنا كل يوم بسوق من مصر الجديده لحلوان وشوفت ستات بتسوق حلو أوي بس بيغظوني لما تلقيها ماشيه على ١٤٠ كم\س وبتحط روج ولا بطلع الميكاب من التبلوه بتفقع بصراحه ptmnlo123per143 وطبعا كل الستات مزاجهم تعدل الطرحه وهي بتسوق ptmnlo123per131

رد: اية رايك فى سواقة السيدات
 

رد: اية رايك فى سواقة السيدات
 

الحادثة الوحيدة اللى عملتها كانت مع ست هيا مش حادثة اوى يعنى
كنت واقف فى اشارة عند موقف العاشر و نص نقل امامى و افيو راكباها وحدة ست (انسة ) ورايا النص نقل طلع سريع و بعد كدة فرمل فجاة انا لحقت نفسى لكن الست ملحقتنيش خبطت فيا كنت راكب بى ام دبليو قديمة شوية محصلهاش حاجة بس يا عينى الافيو جابت كبود و صدر و شبكة هيا اللى غلطانة لكنى اعتذرت لن عربيتها اتبهدلت
بس بامانة رايى ان الرجالة بردو بيغلطو و الستات فيهم سواقين احسن من مليون راجل الموضوع نسبى ماينفعش اننا نتهمهم بضعف مستواهم فى السواقة عشان احنا كمان بنغلط
بس ممك يكون قلبهم ضعيف شوية و ده مش عيب الحرص طبعا مطلوب

رد: اية رايك فى سواقة السيدات
 

انا رأيى ان الموضوع نسبى وفعلا فى ظل ظروف الشوارع بتاعتنا وطريقة السواقه يبقى كتر خيرهم انهم جاتلهم الجرأه انهم يسوقوا اصلا ptmnlo123per1127

بس من اجمل التعليقات اللى قرأتها على الموضوع ده كان رد ابو نورا لما قال انها ممكن تكون امك او اختك او زوجتك .... يا ريت نحاول التقييم من وجهة النظر دى ... لأنى ساعات بشوف مشاكل بتحصل لبتات و هيه سايقه سواء حوادث او غيرها بادعى ربنا ان محدش فى بيتى يحصلوا حاجه زى دى ... لأن فيه ناس للأسف ى تفرق معاهم ان دى بنت ولا ست ولا اى نوع! بالعكس دا يمكن يستغل الموضوع حتى لو هوه اللى غلطان علشان يطلع منها بأى فلوس قصاد انه يفضل محترم ... و ربنا يستر علينا جميعا .....................