رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
 

مساء الخير عليكم جميعاً

كل سنة وانتوا طيبين مر رمضان بسرعة ومر وراه العيد

اولاً احب اقولكم على خبر جميل اوى وهو ان موقع مصرموتورز قرر يساندنا فى الحملة وبالفعل وافق على وضع بانر خاص بالحملة وان شاء الله هصمم البانر فى اقرب فرصة

بالنسبة للى بيقول لما الاقى عربية لقطة هشترى احب افكركم بإن الحملة للعربيات الجديدة والعربيات الجديدة سعر موحد اختلاف لايزيد عن 50 جنيه من معرض للتانى وغالباً مش بتلاقى اختلاف اصلاً

اما اللى بيقول كلنا بنشجع والكلام دا فأحب اقوله ياريتك تنضم معانا او لو مش عاوز تنضم مفيش اى مشكلة لاكن ياريت كمان متجرحش الحملة بأى كلام ملوش لزمة


فكرة عجبتنى جداً بتاع توزيع المنشور فى الجامعات

عن نفسى ابتديت بالفعل بالفكرة واتفقت مع صديق ليا فى جامعة عين شمس هيوزع بإذن الله فى مجمع كلية تجارة وكلية ألسن ووعدنى انه يشوف فى باقى المجمعات بتاع الجامعة

دلوقتى عاوز واحد يطلع يقولى

انا هوزع فى جامعة القاهرة

وتانى يقولى هوزع فى جامعة اسكندرية وهكذا

دى الخطوة اللى جاية يارجالة عاوزين نحدد الشباب بتوعنا اللى هيساعدونا فى جامعات مصر

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
 

ساعدونى لوجه الله تحويشة عمرى راحت فى الفيتارا اللى اتسرقت فى نهار رمضان بدون أى ضمير أو مراعاه للشهر الكريم ....... ووالله مكافأة منى للى يدلنى عليها
هى لونها كحلى غامق والعتب فضى نمرتها (س ج ب \ 6415 ) واللى يشوفها أو عنده أى معلومات يتصل بيا على الرقم ده (0124590670)
وربنا يجزيكم كل خير وللعلم اتسرقت يوم 20 رمضان \ 30اغسطس 2010
<!-- / message -->
<!-- / message -->

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
 

واللة فكر حلوة انا عن نفسى هطبع المنشور وهدية لمجموعة من اصحابى فى جامعة المنيا وربنا يوفقنا جميعا

رد: حملة خليها تصدى وموديلها يعدى تناشد مؤيديها : 5 جنيه لن تخسرك كثيراً
 

انا ان شاء اللة بدات اطبع المنشور وان شاء اللة هيوصل جامعة المنيا وبعدين المراكز التابعة ليها علشان دة فايدة لينا كلنا وياريت كل المحافظات نلاقى ناس تعمل كدة زينا وان شاء اللة صوتنا هيسمع كل الناس فى مصر

رد: حملة خليها تصدى وموديلها يعدى تناشد مؤيديها : 5 جنيه لن تخسرك كثيراً
 

ألف شكر يا استاذ عادل وربنا يكتر من امثالك