رد: كل اللي نفسه في حاجة عن اللوجان يدخل هنا
 

شكرا ياباشا على المعلومات

رد: كل اللي نفسه في حاجة عن اللوجان يدخل هنا
 

اخ رينجو جزاكم الله خير الجزاء وانا بشكرك جدا على ردك ليه وان شاء الله نكون اصدقاء
انا باذن الله هاشترى العربية عشان انا مصدق كلامك وارتحت له بس ربنا يسهل وان شاء الله هاشتريها قسط وانا ناوى اشتريها من التوكيل عشان مش عايز اتعامل مع البنك بس ربنا يسهل ادعيلى وبرجاء التواصل ان شاء الله

رد: كل اللي نفسه في حاجة عن اللوجان يدخل هنا
 

العفو يا فندم تحت امرك ومبروك على العربية وربنا يباركلك فيها

يا باشا الله يخليك وانا لى الشرف ان اكون صديق حضرتك
وان شاء الله ربنا يوفقك لما فيه الخير وتشترى عربية بنت حلال تلبى احتياجاتك واحتياجات عائلتك
اهم حاجة ان حضرتك ما تستعجلش ... اسأل ودور واعرف امكانيات ومميزات وعيوب كل العربيات
اللى فى نفس الفئة السعرية وشوف اكتر واحدة بتلبى احتياجاتك اكتر وتصلى صلاة استخارة وتتوكل على الله
فى بردو عربية جديدة من بروتون اتفرج عليها وسامع الناس بتشكر فيها وقارن بينها وبين اللوجان وان شاء الله موفق
واى استفسار انا تحت امرك

رد: كل اللي نفسه في حاجة عن اللوجان يدخل هنا
 

ربنا يصلح حالك يا رنجو متشكر
انت تقصد الساجا بس بصراحةانا دخلت دماغى الوجان من كتر ما قريت عنها على فكره انا قريت كتير من ردودك هنا فى المنتدى وردود الناس مش عارف ليه مش عايز ادور على عربية تانية من نفس الفئة انا الى عجبنى فى العربية ده ما شاء الله المتانة الى انا سامع عناها منكم هنا فى المنتدى وكمان هى عليه يعنى تنفع اوى فى الطرق المصرية بس خايف من موضوع قطع الغيار
فى سؤال معلش يا رنجو بتقل عليك هو لما اروح اجيب العربية مهم جدا اخد معاية واحد فاهم عشان لو فيها حاجه مش مظبوطة اعرفها ولا اطمن عشان انا بجبها من الوكيل
انا على فكرة لسه مبتدء جدا فى موضوع العربيات ده يعنى مكنش عندى عربية قبل كده ب

رد: كل اللي نفسه في حاجة عن اللوجان يدخل هنا
 

ولا يهمك انت ممكن تجيبها ديلفري اصلا