مصر موتورز مجتمع السيارات - فيديوهات مصر موتورز

اسف اولاً على العنوان الصادم لكن ملقيتش حاجة غيرها اكثر وضوحاً لاوصف بيها محتوى الموضوع

وخلينى اشرحلكم واحدة واحدة

احنا فى عصر حرية ماشى
وبنطالب بالحرية كلنا اكيد
والاعلام الحر على عينى وراسى من اولها
ووارد فى اى نافذة اعلامية يكون فيها بعض الخروج عن النص بغير قصد
او حتى بقصد من شخص غير مسئول لكن يكون فيه محاسبة ومراجعة

فمثلاً لو اعلامية فى قناة محترمة قعدت تضحك بهستيرية فى نص نشرة اخبار ممكن نقول هبالة ونعديها
تقلت العيار حبتين ومش هتعمل كده تانى
http://www.youtube.com/watch?v=_kGZwD4QxyI

ولما لبنى عسل تبقى لهطة قشطة تبقى هيافة وسفه بس معلش غلطة وممكن متكررش
http://www.youtube.com/watch?v=7sRoogAk2BI

ولما مزيعة تدافع عن حرية الرقص بره البيت تبقى سفه وعباطة بس اهية قناة خيابانة وبرنامج خيبان يمكن محدش يهتم بيه

http://www.youtube.com/watch?v=4uW2fvbddGs

لكن لما يبقى فيه قناة طول اليوم عمالة تقدم سفالة وقلة ادب خالصة ومركزة ومستمرة وممنهجة يبقى ده اسمه ايه ؟؟

هما مسمين ده صراحة .. وانا شايف انه سفالة وقلة ادب احكمو انتو
((( واعتذر لما تحتوية الفيديوهات من اسفاف لكن هذه ما عرض على الاثير الفضائى المصرى وعلى القمر الصناعى المصرى نايل سات )))

http://www.youtube.com/watch?v=6eD5N9Hpr9w

http://www.youtube.com/watch?v=agL9fnD4ToQ

http://www.youtube.com/watch?v=Y8wykjKPZzU

بالذمة ده اسلوب ولا ده برنامج اصلاً

ما بنشوف من سنين الدكتورة هبة قطب بتناقش اهم وادق القضايا المتعلقة بالثقافة الجنسية بمنتهى الادب واللياقة والجدية

انا طبعا مش بقارن الدكتورة هبة قطب بواحدة زى ديه بس بدلل على وجوب واهمية تناول الثقافة الجنسية على الساحة الاعلامية بضوابط ومحاذير مش بالاسفاف ده

والا كل واحد معاه فلوس هيطلع يقول اللى هو عايزة وبطريقتة الخاصة وحرية بقى
ماهى اصلها حرة ترقص بره البيت عادى حسب كلام مزيعة ليبرا

يا جماعة الموضوع لازم ناخدة بجد ولازم الاخوة المحاميين الشرفاء ياخدو مواقف ويرفعو قضايا على القنوات اللى زى ديه

قبل كده انا شوفت بعينى فيلم اميركان باى الاباحى شكلاً وموضوعاً بيعرض على قناة او تى فى اللى بيملكها ساويرس فى اول ايام افتتاحها

او تى فى OTV مش اون تى OnTv وان كان الاتنين بتوعة مش فارقة كتير بس للشهادة

يا جماعة القنوات ديه بتبث من قمر النايل سات وده اتعمل بفلوسى وفلوسك ومن حقنا نقبل او نرفض ايه اللى بيتعرض فيه من هنا ورايح

ومحدش يقولى ان النايل سات ده شركة واقتصاد حر ومش عارف ايه
النايل سات بيمول وبيتحكم فيه بالكامل اتحاد الاذاعة والتلفيزيون ممثلاً عن الاعلام الحكومى وباقى الممولين للشركة بنوك مصرية حكومية تحت امرة الحكومة ايضاً او داخلة تسترزق

فعيب اوى فى عصر الحرية ينفق من المال العام على الاستثمار فى التفاهه والسفاهه ديه

ولا ايه رايكم