رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

عملت فحص كومبيوتر فى اكتر من مكان ومفيهوش مشكلة كنت غيرت الكنترول فى فى البداية مكنتش بتنقل خالص على الكنترول الاول دة لما رجعت للراجل غير الكنترول نقلت اول وتانى و3 بس مبتنقلش رابع انا شاكك ان العيب فى الكنترول بس جربت اكتر من كنترول عند نفس الشخص بس مبيعملش حاجة غيرت حساسات الفتيس برضو متحلتش واوقات كانت علشان تنقل كنت لازم اضغط على زرار هولد الى فى الفتيس

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

العربية معاك بقلها قد ايه
الرابع بيجي مع الضغط علي الهولد

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

بعد اذن حضرتك انا لسه شاري عربيه جديده من 27 يوم بالظبط وفيتيسها ستربتونيك والنهارده كنت ماشي بيها حوالي نص ساعه جوه البلد زي الفل وبعدين ركنتها حوالى ساعه وجيت امشي بيها لقيتها قافشه على غيار p ومش عايز ينقل خالص على اي نقله تانيه
وبعدين كلمت حد في التوكيل قالى ادوس على زرار اسمه shift/lock release جمب عصا الفيتيس انا فتحت الغطا ودوست على الزرار وفعلا العربيه نقلت كويس وخدتها وركنتها تحت البيت الحمد لله وهروح الصيانه عشان يشوفوها
بس انا كنت عايز اعرف من واقع خبرة حضرتك الكبيره سبب القفشه دي ايه وهل الفتيس كده فيه مشكله
معلش انا مش عايز اقول نوع العربيه عشان هيا لسه نوعها جديد ودي اول دفعه ومش عايز اعمل سمعه مش كويسه لانها ممكن تكون مشكله فرديه
ياريت تطمنى بعد اذنك لان العربيه لسه جديده ومكملتش شهر واسف للاطاله
معلش سؤال كمان هل هناك علاقه بين دوسة الفرامل والنقل ولا ممكن انقل عادي من غير ما ادوس على الفرامل انا قصدي من p الى r او d

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

فيه عندك مشكلة في السولونيد اللي جنب عصاية الفتيس
لازم تدوس فرامل عشان تعرف تنقل العصاية ودا لحمايتك اثناء تحريك عصاية الفتيس

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

الموضوع بسيط وسهل بس كان لازم تقول نوع العربية ولا يوجد اي اساءة لاحد في حالة اعطاء بيانات عن السيارة

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

معلش العربيه لسه جديده ومش معروفه واعذرنى لعدم ذكر اسمها
وشكرا لاهتمامك بس انا فعلا بدوس فرامل وانا بننقل
هو ايه السولونيد ده والمشكله دي تتحل ازاي

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

في الحالة دي ومع عدم معرفة نوع السيارة اول حاجة نفكر فيها
انك تدوس دواسة الفرامل وتشوف فيه صوت ولا لا الصوت دا بتاع اللوك بتاع العصاية لو مفيش صوت
شيك علي الانارة الخاصة بالفرامل بتنور لما تدوس فرامل ولا لا
اغلب الظن السويتش بتاع الفرامل فيه مشكلة --- دا اول الاسباب اللي تسبب المشكلة دي --- متابع معاك