مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة acer (المشاركة 114101)

عايز اعرف بعد اذنك اى معلومات اضافيه عن الرينو لوجان لان مفيش اى معلومات متوفر عى العربيه لوجان اللى سعرها 55الف ياترى فيها بورستيرنج ولا تكيف بس وجازاك الله كل خير على مساعدتك

باشا مفيش معلومات عن اللوجان الفاضيه لانه مفيش اى حاجه تتقال
العربيه فاضيه مفيهاش باور ولا تكييف ولا زجاج كهربائى ولا اى حاجه زيها زى اللادا 2107 الفاضيه بس بتستفيد ان اللوجان ناعمه عن اللادا عفشتها اريح شكلها افضل بكتير وفى المقابل اللادا قطع غيارها فى السوبر ماركت وتروقها ب20 جنيه :HAPPY_~211:

رد: اى حد محتاج اى معلومه عن رينو

صباح الفل يابوب معاك شريف عاوز اسأ لك عن حد يكون بيبيع زجاج كهرباء بالعلب والزراير بتعتة لرينو كليثو 2003 لانى كنت شاريها زجاج مانيوال ومرة اشتريت 2 ماكينات اصلى من الحرفيين ولكنى ملقتش العلب بتعتهم وبعتهم بعد كدة ارجو المساعدة

رد: اى حد محتاج اى معلومه عن رينو

السلام عليكم ورحمة الله وبركاته
أريد نصيحة لوسمحت يا بوب
اريد شراء سيارة وقدامى سيارة رينو اوبتيما 97 مع العلم انى اول مرة اركب
فما رايك فى هذه السيارة وهل قطع غيارها غالية ولا رخيصة وما عيوبها
لان مبفهمش فى السيارات ولكم جزيل الشكر

رد: اى حد محتاج اى معلومه عن رينو

شكرا على مجهودكم ارجو المساعده عايزه اشترى سياره و فكرت فى لوجان بس خايفه من سعر قطع الغيار و هل هى متوفره خارج التوكيل و لو فى منها بالغاز طبيعى .
و لو فيها عيوب ارجو الافاده و شكرا

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة basmala (المشاركة 116158)

مفيش منها غاز طبيعى للاسف وبتستخدم بنزين 90 او 92 افضل
قطع غيار العربية موجود منها خارج التوكيل عند بعض التجار اللى شغالين فى رينو ( الكلام دة عندى فى اسكندرية )
وبالذات قطع الغيار الميكانيكية والكهربية مثل البوجيهات والفلاتر وقطع غيار الماتور متوفرة جدا لانه نفس ماتور ميجان 99 وفى بعض قطع السيارة بتشترك مع الرينو كليو عموما موضوع قطع الغيار دة غير مقلق بالمرة لان احنا بنتكلم على عربية حتكون من اكتر العربيات انتشارا فى مصر فى الفترة القادمة ان شاء الله ودة واضح جدا ومش محتاج كلام
بالنسبة لعيوب العربية هى مفيهاش عيوب جوهرية تؤثر على الاداء لكن فيها بعض الملاحظات البسيطة زى رعشة الفتيس ودى مش عاملة معاية اى مشكلة ومش حاطتها فى الملاحظات اصلا بس انا بقولها للامانة عشان انت بنت وممكن حاجة زى دى تفرق معاكى (الله اعلم) وحاجة تانية ابعاد العربية مش سهلة يعنى منصحش حد يتعلم السواقة عليها لكن مش لدرجة انه لازم يكون محترف عشان يسوقها يعنى لكن فى المجمل عربية ممتازة على سعرها التحفة وكل يوم بيزيد اقتناعى بيها بالذات مع اختبارات الطرق المصرية الجميلة بتاعتنا وكثرة المواقف الصعبة اللى بتبين العربية الكويسة من الوحشة
ربنا يوفقك لما فيه الخير واى استفسار قسم رينو تحت امر