رد: رابطة مالكي الكيا سيفيا فيد واستفد ( صداقة - نقل خبرات )
 

انا كنت عاوز افهم منك الميكانيكى هايعمل ايه بالضبط لانى ماعنديش خبرة فى الميكانيكا
يعنى هايغير طقم جلد الصباب مش هايحتاج يفك حاجة فى المكنة وتظهر حاجة تانية تحتاج تتغير

رد: رابطة مالكي الكيا سيفيا فيد واستفد ( صداقة - نقل خبرات )
 

كانت عندي نفس المشكله بتاعتك .. في اول الدواره دخنه بيضه لمدة دقيقه كده وبتروح ،،، ولو قرصت جامد بتطلع بردو،، وده كان بسبب كاوتش الصبابات زي ما اخونا midohema ما قالك ،،،، بتسيب العربيه طول الليل والكاوتش ده بيسرب زيت ترشيح بسيط بيتحوش وتيجي تدور الصبح بيتحرق وبيطلعلك الدخنه دي
عموما انا غيرت معاه طقم شمبر بالمره قلت طالما كده كده فاكك والعربيه كانت ماشيه تقريبا 180 الف فقلت كتر خيرهم اوي واغيرهم واخلص ،، طقم الشمبر اصلي وماتجيبش غير اصلي طبعا لو حتغيرهم كان ب 180 جنيه ،،، بالمره غير طبات المايه ومش حاجه يعني الواحده ب 5 جنيه وحيبقا متاح لان الميكانيكي حيبقا كده كده فاكك وباينه قدامه ، لكن تغيرهم بعد كده شغلانه ، فغير واخلص اريح ليك ،،

ملحوظه : في الفتره الاخيره وخاصه بعد الثوره بقيت الاقي فرق ملحوظ جداااا في اسعار قطع الغيار،، اللي كان عنده بضاعه قديمه بيبعها بالسعر القديم واللي جاله بضاعه جديده طبعا بتجيله اغلى فبيبيع بسعر اعلى ،،،،، فسأل في كزا مكان لو بالتليفون قبل ما تشتري حتفرق كتير لو بتجيب كذا حاجه ،، انا لقيت الصره الاماميه اللي بيركب عليها الطمبوره ب 220 اصلي ، لقيتها في مكان تاني ب 130
في عندك الجندي شارع دمشق وفي حلمي سليمان عند سنترال رمسيس وفي ابو زيد في اخر فيصل وفي تارجت في اول فيص وربنا معاك ..
تحياتي ،،

رد: رابطة مالكي الكيا سيفيا فيد واستفد ( صداقة - نقل خبرات )
 

بجد متشكر جدا على الافادة وربنا يباركلك

رد: رابطة مالكي الكيا سيفيا فيد واستفد ( صداقة - نقل خبرات )
 

هو‏ ‏لازم‏ ‏نفرق‏ ‏بين‏ ‏انواع‏ ‏الدخان‏ ‏اللي‏ ‏بيطلع‏ ‏من‏ ‏‏ ‏شكمان‏ ‏العربية‏ ‏,‏ ‏‏ ‏اولا‏ ‏في‏ ‏دخنه‏ ‏لونها‏ ‏سوداء‏ ‏ودي‏ ‏سببها‏ ‏حاجة‏ ‏في‏ ‏دورة‏ ‏البنزين‏ ‏، ثانيا‏ ‏في‏ ‏دخنة‏ ‏لونها‏ ‏بيضاء‏ ‏و‏ ‏معاها‏ ‏‏نقص‏ ‏في‏ ‏الزيت‏ ‏يبقي‏ ‏لازم‏ ‏تغيير‏ ‏طقم‏ ‏الشمبر‏ ‏مع‏ ‏تغيير‏ ‏كوتش‏ ‏الصباب‏ ‏، ثالثا‏ ‏دخنه‏ ‏لونها‏ ‏زرقاء‏ ‏مع‏ ‏نقص‏ ‏شديد‏ ‏في‏ ‏زيت‏ ‏الماتور‏ ‏يبقي‏ ‏تغيير‏ ‏كوتش‏ ‏الصباب‏ ‏فقط‏ ‏لا‏ ‏غير‏ ‏، واخيرا‏ ‏في‏ ‏دخنه‏ ‏من‏ ‏غير‏ ‏لون‏ ‏مع‏ ‏رائحة‏ ‏‏ ‏بنزين‏ ‏شديده‏ ‏ودي‏ ‏سببها‏ ‏ان‏ ‏الحرق‏ ‏‏ ‏البنزين‏ ‏غير‏ ‏مكتمل‏ ‏‏ ‏يعني‏ ‏ني‏ ‏‏ ‏يبقي‏ ‏اكيد‏ ‏حساس‏ ‏الاكسجين‏ ‏لا‏ ‏يعمل‏ ‏بكفاءة‏ ‏او‏ ‏الرشاشات‏ ‏فيها‏ ‏حاجة.

رد: رابطة مالكي الكيا سيفيا فيد واستفد ( صداقة - نقل خبرات )
 

ممكن اعرف مكان الحساسات دى موجودة فين ف الموتور وايه وظيفتها
ايدل (السلانسيه). حساس الكامه . حساس الشكمان . الماف . الكنترول .