رد: رابطه مالكي بيجو 305
 

السلام عليكم ورحمة الله وبركاته
عندي سيارة بيجو 305 موديل 79 ذهبت للميكانيكي لتغيير جوان وش السلندر كسر فارغة الموتور ، زهقت منها وعايز أبيعها .
01000280101

رد: رابطه مالكي بيجو 305
 

الفارغة بتتلحم الامنيوم عادى وبتبقى كويسه نفس اللى حصل معايا وانا بغير الجوان شرخ الفارغة برضه وبص يا ابوخليل ضبط العربية قبل ماتعرضها للبيع وربنا يكرمك فيها

انا بقى كنت داخل اسال عن الكربراتير انا عايز اشترى واحد جديد ومن فترة كان فى السوق الفرنساوى والارجنتينى والصينى امبارح اتصلت بكام محل منهم المسيرى قالولى ناقص فى السوق ياريت اللى يعرف محل بيعامل معاه يسالى على الكربراتير وصناعة وثمنة وشكرا جزيلا

رد: رابطه مالكي بيجو 305
 

ا
السلام عليكم و رحمة الله و بركاته
كيفكم اسود البيجو اتمني للجميع الخير . انا اسف مش عارف اضيف موضوع لاني لسه مسجل اشتراك معاكو قريب و اتشرف ان اكون معكم دائما لذلك وضعت المشاركة في رد. انا من دمياط و صادفت الاعلان ده في موقع contactcars

انا اسف يا شباب يظهر فيه مشكلة في وضع اللينكات علشان كده جربت افتحه و مفتحش انا هاكتب الاعلان كما ورد في موقع contactcars

سيارة بيجو 305
1500 سى سى |1 كم
مطلوب <cite>13,500</cite>السياره بيجو305/دواخل فبريكه بالكامل/اللون ابيض/فوانيس اماميه وخلفيه جديده/تابلوه طياره بتاع الموديل الحديث/والسياره موديل 80وليست 78 او 79 الموديل الحديث sr/عفشه مجدده بالكامل/موتور ممتاز/وافضل من الفيات 128 بكتير وتقريبا فى نفس سعرها بل هى افضل واكبر لانها فرنساوى اصلى/وقطع الغيار رخيصه مش غاليه ومعمره كمان جداا/ارجو الاتصال عبر التلفيون فقط/الحاج صديق

• ناقل يدوي
• 4 باب
• للبدل ب:لا

• اتصل بالمالك
• ميمو محمد
• http://www.contactcars.com/images/mob.gif 01001917296
• http://www.contactcars.com/images/em.gif mme_cma@yahoo.com
• http://www.contactcars.com/images/location-ico.gif الجيزة

اتمني ان حد يكون عنوانه قريب من المكان الي فيه السيارة و يقدر يكلم صاحبها و يشوفها و يقيمها بما له من خبرة و يكون ليه الف الف شكر علشان حضراتكو اكيد عارفين ان فيه كتير كلام في الاعلانات و مش بيبقي صح و الواحد بيعرف الموضوع ده بعد ما ياخد اجازة من الشغل و يسافر و يتكلف اجرة عربية و أجر يوم للميكانيكي الي هيكشف عليها و في الاخر تطلع ماتستاهلش


ارجو المساعده كما تعودت منكم دائما ولكم جزيل الشكر

في حفظ الله جميعا

محمد عبد الفتاح

رد: رابطه مالكي بيجو 305
 

ايه يا رجالة مفيش حد هيقدر يساعد ؟؟

رد: رابطه مالكي بيجو 305
 

السلام عليكم
كان عندي مشكله في عداد الينزين مش شغال, فروحت لكهربائي فك العوامه وقالي انها بايظه ولازم تتغير المهم بعد عده محاولات علشان اجيب واحده زيها جبت واحده وركبتها ولكن وهو بيركبها رمى شويه حاجات وقالي دي ملهاش لزمه المهم بعد ما ركبت روحت ازود بنزين واذا بالبنزين كله بيقع على الارض لما رجعتله فكها وركب قطعه من اللي رماهم واللي كانت جوه الشنطه اظن في قطعه تانيه رماها بره في الشارع ومالقتهاش, غالبا ده جلده علشان ما يسربش

حاليا العربيه كل ما ازود بنزين لازم شويه يقعوا في الارض, وبعد ما افول طول ما انا ماشي العربيه بتسرب بنزين وده غير ان البنزين بيخلص بسرعه خطر جدا ممكن اي حد معدي بسيجاره ولا حاجه يولع فيها, بالاضافه الى ان صدري وجعني من ريحه البنزين المستمره. روحت لواحد تاني قالي لازم تجيب الجلد الناقص ده علشان نركبه ولما مالقتهوش قولت اجرب السليكون فجبت سليكون حراري وغطيت الغطاء بالكامل بس مفيش فايده بتسرب برضو, فكيته وحطيت عجينه اسمها عجينه السباك ودي المفروض بتدعكها وتسد بيها الفتحات وهي ضد المياه والبنزين بس مش عمليه في المنطقه المعقده دي وبتنشف بسرعه ومش عارف اركبها واظنها ملهاش لزمه.

مفيش حد عنده حل للموضوع ده اي فكره مفيده لاني تعبت جدا ومفيش فايده.
وانا بفكر دلوقتي اصب عليها جبس واسمنت تعتقدوا ده ينفع ولا هيذوب بسبب البنزين ويسرب برضو ؟