|
رد: ماهى مكونات العفشة بالتفصيل مع توضيح معنى المصطلحات
سمعت ان فى وفد من اليابان جى بتابع معانا ياريت لو حد يتكلم معاهم يابانى علشان يعرفوا يتابعوا معانا:36_1_71:
|
رد: ماهى مكونات العفشة بالتفصيل مع توضيح معنى المصطلحات
أنا شايف إننا نطلب من الإدارة تغير إسم الموضوع لموضوع المتابعة العامة وأهو يبقى إسم على مسمى.:balloons71:
|
رد: ماهى مكونات العفشة بالتفصيل مع توضيح معنى المصطلحات
والله انتو صعبتوا عليا ... وخلوا بالكوا انا تخصصي نقل تقيل وتريللات بس عشان افتح نفسكم او افتح نفس المتخصصين انهم ينهوا اعتصام المتابعه ده ويردوا ... هحاول كده اقول فكره عامه عن العفشه
بص ياسيدي ... انت عارف مكونات العربيه .. هيكل معدني ( جسم العربيه ) وموتور وفتيس و4 فرد كاوتش ... عاوزين جسم العربيه يمشي لقدام هندور الموتور يدينا لفات يترجمها الفتيس لسرعات ( لفات برده بس متدرجه ) عاوزين بقى ننقل اللفات دي للكاوتش علشان العربيه تمشي لقدام عملنا ايه بقى : ركبنا حاجه اسمها الكبالن ده في العربيات الجر الامامي اللي هيا اغلب الملاكي حاليا ... الكوبلن ده بينقل الحركه او اللفات من الفتيس للعجلتين اللي قدام كل عجله عليها كوبلن زي اللي في الصورة دي http://img155.imageshack.us/img155/9...623787file.jpg ودي صورة للكبالن وهما راكبين في العربيه (لونهم احمر ) http://img94.imageshack.us/img94/272...iondiagram.jpg [IMG]ودي صورة كمان لمكانهم بالنسبه للموتور والفتيس http://www.car100100.com/photos/clip_image004.jpg كويس كده .. جينا بقى قولنا مش هنفضل ماشيين بالعربيه لقدام علطول لازم هنلف مره يمين ومره شمال راحوا عاملين ايه بقى :علبة دركسيون(الاسكترا ) علشان التوجيه....انت تلف الدركسيون من فوق واللفه دي تترجم في العلبه لميل العجلتين اللي قدام اما ناحية اليمين او ناحية الشمال ... وزي ماهنشوف في الصورة اللجزء اللي تحت في اقصى شمال الصورة ده بيض الاسكترا او بيض التيش والجزء الاسود اللي وراه ده المقص والمقص مع البيض وظيفتهم توجيه العجله لليمين والشمال وف نفس الوقت تبقى حرة الدوران في اتجاه اللفات اللي جايه من الكبالن http://i43.tinypic.com/nyfn2b.jpg كفايه كده عشان منتوهش من بعض احناكده عرفنا الكوبلن والاسكترا والبيض والمقص لسه فيه شوية حاجات عن المساعدين والسوست والبطاحات ويعني ايه نظام التعليق والكلام ده ... ولو فيه واحد متخصص يدخل يساعد يبقى احسن .. انا اصلا ماليش في العربيات الصغيره دي خالص :balloons71: |
رد: ماهى مكونات العفشة بالتفصيل مع توضيح معنى المصطلحات
HPPYBUSHPPYBUSHPPYBUS
|
رد: ماهى مكونات العفشة بالتفصيل مع توضيح معنى المصطلحات
يا مهون يا الله بدئت تندع أهي.
أحلى حاجة عجبتني في رد أ.تامر إنه مالوش في العربيات الصغيرة بتاعتنا دي :w6w2005041113562663:w6w2 005041113562663:w6w200504 1113562663 على أساس إننا بنركب عربيات ماشية باريموت والبطارية. ماشي ياعم النقل التقيل كله تسلم يا كبير على المجهود وألف شكر على المعلومة. |
رد: ماهى مكونات العفشة بالتفصيل مع توضيح معنى المصطلحات
شكرا يا تامر باشا موش عارفين من غيرك كان زمانا متابعين وال صاحيين هههههههههه وياريت حد يكمل الموضوع ده بس بنفس طريقة الشرح بتاع تامر لان طريقتة فى الشرح ممتازة :CONGRA~238:
|
رد: ماهى مكونات العفشة بالتفصيل مع توضيح معنى المصطلحات
يارب ميحرمني من زوقكم ابدا
بس ياسيدي .. بعد ما عملوا الكبالن علشان يحركوا العربيه وعملوا الاسكترا علشان التوجيه بصوا لقوا ايه ؟ لقوا اللي قاعد في العربيه عمال يتشال ويتهبد مع كل مطب او حفره طالع نازل .. قالك طيب نركب المساعدين والسوست علشان تمص الاهتزازات والصدمات وتحاول تخلي جسم العربيه في وضع افقي ... يعني يبقى الكاوتش بيتجاوب مع الطريق طلوع ونزول والمساعد ده بيفتح ويقفل لفوق وتحت بحيث الاربعه مع بعض يحافظوا على توازن العربيه ويدوا احساس بالراحه للي راكب جوا العربيه دي صورة للمساعدين ومكان تركيبهم في العربية من قدام http://a8.sphotos.ak.fbcdn.net/hphot..._7329742_n.jpg خلي بالك بقى المساعد ده متثبت في جسم العربية ( الصاج ) في قطعه اسمها البطاحه دي قطعه معمول لها تقوية وجواها كاوتش علشان تكون قاعده متينه للمساعد والبطاحات دي اتنين قدام واتنين ورا خد بالك كمان ان كل الاجزاء اللي انت شايفها دي موش مربوطه في صاج العربية .. او بمعنى ادق في هيكل العربية او شاسيه العربية ... لا دي متعلقه ... بص كويس في الصورة الحاجه اللي انت شايفها قدامك دي هيا العفشه الامامية للعربية مش ناقصها غير الكبالن اللي قولنا انها بتوصل بين الفتيس والعجل .. كويس .. ايه اللي ماسك العفشه دي في العربية ؟ الاتنين المساعدين ... اللي هما متعلقين في جسم العربيه . علشان كده سموه نظام التعليق اللي عاوز اوصلهولك ان كل حاجه سهله وبسيطه ومافيش تعقيد بس هما الميكانيكيه اللي بيحسسوا الزبون انهم هيخترعوا الذره وان العربيه فيها طلاسم واسرار .... بس مش معنى كده ان ده كل شئ عن العفشه .. ولكن ده مدخل مبسط عن العفشه والبحر واسع ومليان معلومات كتييير اوي .... |
| الساعة الآن 10:45 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017