|
رد: عندي مشكلة محيراني
على فكره ياهندسه
لو الرباط على الوش مجبش نتيجه حتجرب تسلك الردياتير وتغسله كويس عند أى واحد بتاع رادياتيرات نفترض ده برضه مجبش نتيجه يبقى طلمبة الميه عندك مشكوك فى أمرها |
رد: عندي مشكلة محيراني
اقتباس:
صحيح يا هندسة احط ميه خضرا وازودها مية مقطرة ولا اعمل ايه؟؟؟؟ |
رد: عندي مشكلة محيراني
لو الردياتير كان مليان أملاح من أثر الميه العاديه الحاليه
لا أرشح أستعمال ماء أخضر وأرشح أستعمال ماء مقطر ______________ ليه أنا بأقول الكلام ده مهما تسلك ردياتير قديم فلازم بيكون فيه نسبه ولو ضئيله من الأملاح التى كانت موجوده بالماء العادى السابق ومترسبه على الجدار الداخلى لمواسير الردياتير ومع تشغيل ماء أخضر يحتوى على مادة الأيثيل جليكول فمن الوارد جدا حدوث تفاعل كيميائى بين الأيثيل جليكول ( الموجود بالماء الأخضر ) وبين بواقى الأملاح المترسبه والاصقه على الجدر الداخليه لمواسير الردياتير هذا التفاعل الكيميائى بيؤدى إلى حدوث تآكل فى المواسير من الداخل وبيعجل بتلفها على أساس ممكن تتعرض من الداخل لتآكل شديد ( فى سمك المواسير نفسها ) ومن هنا وارد جدا حدوث ثقوب ضعيفه ومع ضغط الماء وسخونته حتتسرب مياه من المواسير للخارج وبالتالى باظ الردياتير ______________________ أذا عملية أستعمال الماء الأخضر بتتوقف على مدى حالة مواسير الردياتير والله الردياتير جديد أو مواسيره سالكه وتمام وحالتها جديده يبقى ممكن تستعمل ماء أخضر على أساس هنا بنستبعد تعرض المواسير للتلف الحادث من التفاعل الكيميائى بين أى نسبة أملاح قد تكون مترسبه على الجدر الداخليه للمواسير وبين مادة الأيثيل جليكول التى تدخل ضمن عملية تصنيع الماء الأخضر |
رد: عندي مشكلة محيراني
اقتباس:
اول مرة جبت الجركن 4 لتر دا السعودية كان الريداتير استيراد وكانت المية كمان مركزة فلقيت احد جناب الريداتير كله بيجيب مية من التفاعل الكيميائي اللي انت قولت عليه تاني مرة غيرت بقى الريداتير قلت احط مية خضرا بقى حطيتها فعملت ايه كنت بالاقي مية على الدواسة اللي جنبي فروحت التوكيل قاللي حاجات غريبة كدا بس تغيرها غالي والحل هو الغاء التكييف السخن وطبعا غير المية وحط مية عادية لان الخضرا بتبقى غالية جدا في التوكيل هو قالي كدا برضة ثالث مرة رحت غسلت الريداتير كان بقاله سنة تقريبا وبقيت المية مصدية في القربة فقلت اعمل دورة واحط مية خضرا في موبيل النزهه طلع الراجل بتاع البنزينة لص ليه بقى عشان ضحك عليا وقاللي المية اللي هي زي الكانز دي تحقة تحطها مركة قلتلة كام واحدة قاللي مش اكتر من سبعه فوجئت باننا بنحط لغاية 17 واحدة والواحدة ب25 جنية احسب انت بقى المهم معرفشي ايه حصللي بللمت وامانطقتش مش عارف ليه المهم المية دي بقة وقعت ازاي لما في التوكيل قطع الخرطوم بتاع المية اللي واصل من الموتور الى تقؤيبا حاجة ورا التابلوة تقريبا عشان التكييف السخن اللي هما لغوة الخرطوم المقطوع دا قسمة بعد ما قطعه الى نصفين واحد جاي من التابلوة وراجع فية وواحد جاي من الموتور وراجع فية المهم الخرطوم التاني دا اتخرم معرفشي ازاي والمية على طريق محور 26 يوليو كلها نزلت ...ليا بقى حق اكرة المية الخضرا ولا لأ؟؟؟؟اسف للاطاله |
رد: عندي مشكلة محيراني
اقتباس:
دا اللى حصل معاك ده عباره عن فيلم هندى أنا توهت الصراحه |
رد: عندي مشكلة محيراني
اقتباس:
والله انت عامل زيى برضه يا باشا .. برضه فى عداء بينى وبين المية الخضرا .. لان مرة كانت العربية متلتة منى وكنت دايخ فيها واجيب بوجيهات متطلعش السبب .. اجيب رشاش استيراد واركبه وبرضه المشكلة موجودة ورجعت الرشاش تانى .. كشفت كمبيوتر ومطلعش حاجة .. نظفت البوابه ومفيش فايدة .. وبالصدفة اكتشفت ان سلك من سلوك البوجيهات وحش مع انه كان بيطلع شرارة تمام والميكانيكى راح لفة بالشيكرتون لفتين والموتور اتظبت وبقى ميه ميه (الواحد مبيتعلمش بالساهل) .. المهم بقيت فرحان وكأن هم وانزاح لانى قعدت 3 ايام فى حيرة بسبب الموضوع ده ... وبعدين وانا راجع من عند الميكانيكى ومروح راح خرطوم الريداتير ضارب والميه الخضرا كلها وقعت (مكنتش كملت اسبوع) ههههههه .. وحصلى عقدة منها زيك كدا ... دلوقتى بستعمل ميه من الفلتر بتاع البيت وشغالة زى الفل .. لكن الميه الخضرا معاك برضه كويسة يعنى مفيش فرق .. بس متحطش ميه خضرا الا لما المشكلة تنتهى باذن الله .. اول حاجة بس الاول تعمل غسيل لدورة الميه ودى زى ما قلتلك ممكن تعملها بنفسك .. او اى واحد بتاع ريداتير يعملهالك بسهولة وتديلة 15 جنية ولا حاجة ... وتجرب بعد كده يوم ولا حاجة ... لو كان عندك صدا فى الريداتير قبل ما تغسل دورة الميه .. وفضلت السخزنة زى ما هيا .. تقوم تروح تانى لبتاع الريداتير (بس لازم يكون كويس ومعروف) وتفك الريداتير ويسلكهولك وبعدين يحطلك مزيل صدا وبودرة (عشان لو في اى تسريب) يعنى الحاجات اللى هيطلبها منك .. والموضوع ده هيكلفك حوالى من 80 الى 120 جنية بس روح لصنايعى شاطر ومعروف وخليك واقف على ايده وحسسة انك فاهم ... وجرب وربنا يسهل .. وباذن الله هتابع معاك لغاية لما المشكلة تتحل باذن الله ... واسف على التاخير يا كبير ... |
رد: عندي مشكلة محيراني
بسم الله
أول حاجة تسريب الميه أكيد دورة التبريد بتاخد هوا عشان كده الأول شوف التسريب منين بعمل أختبار الكبس ببساطه منغير أجهزة خلى الصنايعى ينفخ فى قربة المياه وشوف التسريب منين ممكن كوعة مياه أو كاوتشة مشققة أو ناشفة فى حاجة تانية بقى عايز أقول عليها بمناسبة المياه الخضراء الب 25 جنيه ديه أحسبها صح تعيشها صح إزاى يعنى تدفع أكتر من تمن الردياتير علشان تحافظ عليه أو تزود عمره الأفتراضى شوية طيب هتزود عمره سنة ! السنة ديه تساوى كام من عمره 50 جنيه لأ حط فيه ميه عادية أحسن |
| الساعة الآن 06:05 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017