رد: صور سيارتى بالكويت
 

ماشاء الله تبارك الله مرة حللللللوة

وانا بصراحة من عشاق الكوابرس بصفة عامة ,,,

وبصراحجة الكابريس فخمة ولها هيبتها ,,, والمكينة ماشاء الله قوية

الله يديك خيرها ويكفيك شرهااااا

تقبل مروري وارق التحيااات

رد: صور سيارتى بالكويت
 

جميله الصور...
ربنا يبارك لك.

رد: صور سيارتى بالكويت
 

شكرا يا باشا لردك و متابعتك و ربو دعوتك الحلوة :) نا يرزقك الكابريس و اللى احسن منها كمان

بص يا باشا بالنسبة للتجميع الاسترالى هو فعلا مش زى القديم الامريكانى بس لو قارنتها بالعربيات بتاعت االيومين دول حتى المتجمعة فى امريكا مابتلاقيش فرق تقريبا فى الخامات و التقفيل لأن عموما العربيات زمان كانت بتستحمل و جامدة (حديد على حديد) :) لكن هى عموما سيارة بتديك قيمة عالية جدا بالنسبة لسعرها و الحمد لله اهى ماشية كويس

رد: صور سيارتى بالكويت
 

حبيب قلبى ... كلك ذوق والله
و شكرا عل مرورك الجميل و ان شاء الله زى ما اتفقنا نعمل تجمع الكوابس فى مص بإذن الله :)

رد: صور سيارتى بالكويت
 

الله يخليك ياباشا وربنا يرزقنا بس بحته كابريس SS صابونه 96 مش عايز اكتر من كده وربنا يقدرنى ادفع بنزينها

فعلا كلام حضرتك الاسترالى مش هيبقى زى الامريكى بس برضه مش ضايع زى ما بعض الناس مطلعين عليه خصوصا (راعى الفوردات ) ههههه بلغتهم اللى بيركب فكتوريا وماركيز على اساس انهم بيتصنعوا فى كندا امريكا الشماليه يعنى بس استراليا تقفيلها مش وحش اوى كده ما التويوتا كامرى دلوقتى استرالى
كنت عايز اسالك لما اشتريتها كانت زيرو ولا مستعمل وهل فكرت فيها على طول ولا مثلا قارنت بينها وبين الماركيز المنتشره جدا فى الكويت وبرضه المنافسين زى الدودج تشارجر والالتيما V6 ... وايه اخبار البنزين معاك
وربنا يباركلك فيها

رد: صور سيارتى بالكويت
 

زى ماقلتلك ياباشا هالقطلى حته صابونه SS تسعينات واجى معاكم المقابله ptmnlo123per122

رد: صور سيارتى بالكويت
 

شد حيلك يا باشا و هات الصابونة (قصدى الكابريس) :) علشان التجمع ربنا يكرمك

انا اشتريتها يا باشا مستعملة .. اشتريتها شهر 1 سنة 2007 و كانت ماشية 38 الف و هى موديل 2004
انا اساسا كنت عاوز مرسيدس حوت أو على الاقل عيون لأنى كان معايا زلمكة و بعتها و فعلا اللى يركب الالمانى و خصوصا المرسيدس مايقتنعش بأى حاجة تانية بس الزلمكة كانت قدمت و مشاكلها كترت فا بعتها و لأنى كنت عرفت كل مشاكلها كنت عاوز مرسيدس بحالة معينة المهم الحوت كل الناس خوفتنىمنها عشان الهيدرولك بتاعها بيبوظ و تصليحه نااااااااااااار يا حبيبى نار فا قررت اجيب عيون320 كنت عاوز اجيب موتور جامد عشان كنت زهقت من الزلمكة ال 200 اللى معايا و اعلى حاجة فى العيون هى 320 ... طبعا فيه 430 و فيه 500 و فيه amg بس دول مش منتشرين قوى و عشان كدة قطعهم غالية و نادرة .... المهم دورت كتييييير قوى و ملقيتش عربية حالتها زى ما ان عايز كان الوقت أذف ولازم اجيب عربية و كان واحدصاحبى معاه لومينا بس كان مظبطها تظبيط ماشاء الله كانت تحفة ... بس فيه عيب قاتل ... الثبات ... الثبات وحش جدا جدا بالمقارنة بالمرسيدس طبعا فا عرفت ان الكابريس محلولة فيها شوية مشكلة الثبات و حاطين فيها تراكشن كنترول فى تانى فئة و انت طالع اللى هى ال تى زد ور حت شفتها و شفت وسعها و متورها و تكييفها .... عجتنى و الحمد لله ربنا سهل و جبتها ....

اما عن الكراون فكتوريا و الجراند ماركيز مافكرتش فيهم اصلا و بكرهم لله فى لله :) شكلهم ماتغيرش بقاله عشرين سنة :)


اما الدودج تشرجر شكلها بجد وهميييييييييييييييييي و بحب جدا بش مشكلتها انها 3500 سى سى و ال 6000 سى سى منها غالى شويتين غير ان الدودج سمعتها وحشة قوى هنا و اكتر عربية بوظت سمعتها كانت الانتربيد عربية للأعطال فقط .... فا دودج فى السواقة عربية جامدة جدا بي مشاكلها ... عربية مابتستحملش وقت كتير يعنى بتبوظ بسرعة و قطع غيارها غالية جدا و لما تيجى تبيعها هتخسر فيها كتير جدا فاستبعدتها

اما الالتيما عربية .............. حرام تبقى القوة دى على عربية دفع امامى بجد سوقتها ماعجبتنييييييييش خااااالص ورقة ... وتروح السكراب تلاقى منها متقطع بالهبل ..مع احترامى للأوبشنز اللى فيها و الجير بوكس


اما عن البنزين :) :) بس للأمانة لو الواحد مشى هادى يعنى من غير شد كل شوية و لعب الاستهلاك بيقل شوية :)


و صباحك زى الفل يا باشا