مصر موتورز مجتمع السيارات - الناس مش عارفه تعيش من غير ارقام مميزه علي عربياتها :)

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: الناس مش عارفه تعيش من غير ارقام مميزه علي عربياتها :)

اقتباس:

المشاركة الأصلية كتبت بواسطة hazem_khidr (المشاركة 198870)

من حوالي سنتين اول ما الحكومه قالت علي مشروع اللوحات الجديده مكونه من حروف و ارقام
و شددت الحكومه علي عدم وجود ارقام مميزه في اللوحات الجديده
و شددت ايضا علي عدم احتواء اللوحات الجديده علي رقم صفر و عدم وجود رقمين متشابهين
و عدم وجود حروف متشابه ....الخ الخ الخptmnlo123per15

لحد كده كويس و الحكومه نفذت وعدها لفتره من الزمن
لحد ما حصل اللي حصل و خلاني اكتب موضوع انهارده

من فتره بسيطه و انا في القاهره شفت رقم كان عباره عن
د د د 666

و مره اخري ابن خالي شاف
س س س 222

و اتذكر ان الاستاذ شريف المصري و هو عضو معانا في المنتدي عمل موضوع انه شاف رقم

أ ن أ 121

و النهارده بقي انا جايب لكم رقم جديد خالص و بالصور و من اسكندريه كمان

و حبيت افرجه لكل حبايبنا في المنتدي
الرقم هو

.

.

.

.

.

.

.

.
ما تيجوا نشوف :CHUBBY~36:

http://img105.herosh.com/2010/06/14/991287687.jpg

طبعا المعظم جاله حاله دهشه لما شاف الرقم الفظيع الغريب دا و خصوصا انه علي عربيه يبدو عليها الاهميه برضه

و يبدو ان لا الحكومه قادره انها تنفذ وعدها ptmnlo123per1106
ولا الناس كمان قادره تعيش من غير ارقام مميزه ptmnlo123per122

تحس انها احدي مستلزمات الحياه العصريه ان العربيه يكون عليها رقم مميز

عاوز اسمع رأيكم و يا تري فيه اي حد معانا شاف ارقام بالمنظر دا تاني ولا لاء؟؟؟

معلش بقى ياجماعة الصورة دى من اسكندريه:HAPPY_~211: وتلقى عضو فى نادى سبورتنج ولا حاجة هههههههههههه شكرا ياستاذ حازم على الموضوع ....

رد: الناس مش عارفه تعيش من غير ارقام مميزه علي عربياتها :)

شكرا يا استاذ حازم والله الكوسه مش في مصر بس ...يعني في السعودية كمان

النمر كانت عادية 3حروق و4 ارقام تقريبا ....دلوقتي بعد سنه من صدور النظام او اكتر

بقى فيه ناس ....3 حروف ورقم

رد: الناس مش عارفه تعيش من غير ارقام مميزه علي عربياتها :)

لو بلد محترمة ،،

كانت نزلت النمر دي بالمزاد

بس تقول لمين

شكرا يا حزوم علي الحصريات الحزينة

رد: الناس مش عارفه تعيش من غير ارقام مميزه علي عربياتها :)

نمرة شرعى ... ههه يعنى اربع ستات

رد: الناس مش عارفه تعيش من غير ارقام مميزه علي عربياتها :)

والله انا مش فاهم ايه الى هيفرق مع الواحد من نمرة سهلة ولا صعبه انا عن نسى متفرقشمعايا خالص يكش تكون من غير نمر دانا حتى اضل انها تكون صعبه علشان العسكرى ولا الظابط ميلحقش يكتبها

رد: الناس مش عارفه تعيش من غير ارقام مميزه علي عربياتها :)

انا شفت لوحة م ا م 212 امام الميرلاند
وشفت ا ن ا 123 عند نادى الشمس
وشفت ا ل ا 121

رد: الناس مش عارفه تعيش من غير ارقام مميزه علي عربياتها :)

النمرة س س س 6666 بتاعة محمد أبو العينين صاحب سيراميكا كليوباترا