المشاركة الأصلية كتبت بواسطة sergeant (المشاركة 530299)

السؤال بس هي ايه الكروز دي عباره عن عربيه قديمه كوري ميه بالميه متور قديم ومتنيل بستين نيله وبعدين ثق قي الارقام الكوريه ومتقلقش كلو كوري
وبعدين الامان ملوش علاقه بصاج نهائي العربيات الجديده مش فيت 132 ولا 1300 دي كلها صجها ضعيف
وبعدين التسارع بتاع الكورز 12.5 ث 0-100 طب وبعد الميه بتوصل لل140 في اد ايه بقا ساعه مثلا
انا بحب الشفر بس للأ سف مفيش شفر في مصر دي كلها عربيات جديده بمتوتير قديمه مع اشكل جديده
وفعلا السيراتو ثبتها ضايع

وتسارعها ضعيف بس زي الكروز طبعا
وبعدين النهرده السيراتو نزله بفتيس 6 غيار
والسيراتو اقل في استهلا البنزين من الكروز ودا لاختلاف المتور والتكنولجي بين المتورين
وبعدين هي السيراتو والانترا بينفسو مين ما الانترا والسيراتو والكروز والكرولا و الهوندا السيفك والمزدا ماكل دول كومباكت كار وبينفسو بعض مع اختلاف الاوشن والتكنولوجي والتصميمات
وممكن تشوف الموقع دا وخضرتك تتأكد
http://wikicars.org/en/List_of_recen...F_compact_cars
وانا عن نفسي مش بحب الكروز وعن تجربه شخصيه برضو ومش راضي عن اداء اي عربيه شفورليه تحت الكروز
يمكن كلامي يزعل ناس اصحاب العربيات دي بس دا رأي الشخصي ومن تجربتهم فلو خدنا مثل الاوبترا والكروز يتميزو بالتصميم والوسع الداخلي بس دا على حساب الاستهلاك العالي للبنزين والمتور القديم والتسارع الكسلان ...

المشاركة الأصلية كتبت بواسطة HaMaDa-ToUBaR (المشاركة 530315)

بص ياباشا احنا مشكلتنا هنا اننا مش بيجيلنا عربيات زى الناس او زى ما المصنع مطلها

يعنى مثلا الكروز بتنزل من المصنع ب3 محركات فقط

محرك 1400 تربو تشارجر بيخرج 138 حصان
محرك 1800 بيخرج 138 حصان
محرك 2000 بيخرج 150 حصان
مع العلم ان كل المحركات دى المانى 100% وهى نفسها المحركات الى بتنزل فى اوبل

الباشا منصور هو الى قضى ع العربية دى لما نزلها محرك الاوبترا 1600 مع 1.7 حصان طبعا ع الجسم دة كلة مستحيل ... فطبعا مينفعش نظلم عربية بسبب ان احنا عندنا وكيل غبى مش بيفهم حاجة غير انة يلم فلوس وبس

بجد الى عاوز يركب عربيات ميكربش عربية من وكيل يجيبها من برة انضف مليون مرة ولو المشكلة ع الصيانة ما هما كدة كدة بيطلعو عنينا وبيطفحونا الدم والضمان دة بنبلة وبنشرب ميتة فى اغلب الاوقات فلو ميكانيكى شاطر موجود برقبتة

الامان فى الصاج معناة مثلا ان كل باب موجود فية دعامات فولاذ وان الصاج نفسة فى نسبة من المادة دى علشان مشى يبقى ورقة ولو اتخبط من ناحية الباب مش كل يدخل فى قلب العربية .. لا يكون فى عمود فولاذ يحوش عنك الصدمة هى دى الفكرة بس مش اكتر

المشاركة الأصلية كتبت بواسطة sergeant (المشاركة 530872)

كلام جميل بس عندي كام نقطه احب اوضحها الصاج مليش دعوه بالفولاز الصاح بيمتص الصمه عشان رققتعه وتمصميو والخامه
موضوع الوكيل الي اغبا منو الجمارك والضريب على العربيات لدرجه ان اكرت البيبان الداخليه لو نيكل عليها ضريبه وعدد الاحزمه
وبنسه للمتور بتاع الاوبل والشفورليه خدعوك فاقو انه الماني وكمان ب 100 بال 100 دا من انتاج GM هي المتوير المستعمه في الدايو الاوبل دي موتير صناع كوريه الصنع او نمساويه مش متأكد من البلد التانيه بتكنولجي جدا قديمه وبيطور فيها الرشاشات والباستم والمنفولد لكن كا تكنولجي زي cvvt .vvt-i.ivtec لا عشان كده دي مواتير بتستهلك بنزين كتير ودائها في التسارع تعبان مع زياده وزن العربيه

ودا الموقع الي يثبت كلامي من ناحيه اصل المتور Ecotec

http://en.wikipedia.org/wiki/GM_Family_1_engine#Ecotec

وتقبل مروري

المشاركة الأصلية كتبت بواسطة HaMaDa-ToUBaR (المشاركة 530922)

ياباشا انت مرورك وكلامك ع عينى وراسى من فوق

وكلامك ع الجمارك مفيش علية كلام .. بس الى انا كنت اقصدة ان الوكيل مش طبيعى لكن الجمارك اهى اسمها فى الاول والاخر جمارك وهنضحك ع نفسنا ونقول المفروض انها رايحة للبلد كدة ولا كدة ... لكن الوكيل بيسرق وبيستهبل ع عينك يا تاجر

طبعا بالنسبة لموضوع المواتير فانا مش هختلف معاك ان التكنولجى الحديثة مش مطبقة معاة بشكل كامل ... بس علشان مش نظلم بأمانة فعلا انا الموتور الى معانا ايكو تيك 1.8 وما شاء الله علية وعربيات كتير من المواتير الى cvvt .vvt-i.ivtec مش بتقدر تعمل معايا حاجة فالمحرك عندى بصراحة فوق الممتاز كقوة وتسارع

استهلاك البنزين انا اؤيدك فية بشدة ان محركات ايكو تيك ملهاش علاقة بالاقتصادية فى استهلاك البنزين ... بس لو جينا نشوف هتلاقى انا الالمانى عموما كدة معروف بصوت مرتفع نسبيا واستهلاك بنزين عالى .. لانهم مش بيفكرو فى اقتصادية قد ما هما بيفكرو فى عزم وقوة ع عكس اليبانين ... اولى اهتمامتهم الاقتصادية والراحة والهدوء

وعموما ياباشا انا استمعت كتيييييير بالمناقشة معاك ويارب دايما يكون فى كلام متبادل بينا