رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
موضوع متميز كعادتك دائما يا ابو كامل (مع الاعتذار لأيمن عبدالرازق) :)
انا متخيل يا باشا المجهود اللى انت بذلته لتجميع كل المعلومات و الصور دى و ترجمتها و سردها بالطريقة الاكثر من رائعة دى بجد تسلم ايدك يا باشا بالنسبة للجزء بتاع تنبيه السائق اذا كان مرهق ده كانت لكزس عاملاه بطريقة تانية و انتو عارفين يا شباب لكل شيخ طريقة :) و الطريقة دى عبارة عن حساسات أو كاميرات داخل السيارة نفسها بتتعرف على وجه السائق و تنبهه فى حالة الميل (يعنى لو الباشا نام و هو سايق) اما مرسيدس فا بتعرف ان السائق مرهق من اسلوب القيادة نفسها .. يا لهوى عموما هو كله فى الاخر بيصب فو بوتقة الحرية ... قصدى مصلحة راكبى السيارات (الفخمة طبعا) و بالنسبة للأستاذ فادى انا بقوله برده ان الانظمة دى ماتعملتش علشان تقيد السائق انما اتعملت لحمياته وراحته و تخفيف الاضرار قدر المستطاع فى أوقات الحوادث او مواقف القيادة الحرجة و اظن ماحدش بيبقى نازل من بيتهم الصبح ناوى يعمل حادثة اما الحوادث دى بتحصل اكيد غصب عننا كلنا (قضاء الله ولا راد لقضاءه) يعنى لو مكتوب لحد يموت انشالله حتى يكون راكب سفينة فضاء ... هيموت لكن انا شخصيا اعرف اكتر من واحد الانظمة دى و غيرها كانت سبب فى انقاذ حياتهم و انا واحد منهم فى لحظة تهور كنت هاضيع لولا ستر ربنا طبعا مسبب الاسباب و هى نظام(التراكشن كنترول) اللى هو طبعا مش متقدم زى الانظمة اللى تم ذكرها فى التقرير... و صدقنى لو حصل حادثة ليك أو لحد من اللى بتحبهم (لاقدر الله طبعا و عافانا الله و اياكم و جميع المسلمين من كل الشرور) هتقول ساعتها يا ريتنى كنت معاهم.... |
رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
بجد موضوع رائع جدا جدا جدا
فى انظمه كتير من الانظمه دى ما كنتش اعرفها بالظبط او كان عندى معلومات بسيطه عنها لكن دلوقتى الحمد لله اتظبطت بجد الف الف شكر ليك |
رد: أسرار مرسيدس (لماذا ندفع بها كل هذه المبالغ) ؟!! ..... هنا الجواب
اقتباس:
انت محسسنى انك نازل الشارع تتخانف مش تسوق يافادى انا معاك السواقه لوحدها متعه بس مع التكنولوجيا المتعه هاتكبر احنا ممكن نبعت لبتوع مرسيدس نخليهم يعملولك واحده بكون فيها زرار فصل للانظمه دى تشغلها و قت ما تحب و تلغيها وقت ما تحب و لا اقولك لما تجيبها قولى و انا اعملك الزرار ده زى اللى انا عامله كده فى الفيرنا عندى |
رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
مشكور على الموضوع الشامل ده ptmnlo123per159 تحياتي ptmnlo123per112 |
رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
ممكن اتكلم
؟؟؟ |
رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
إنت بتستأذن !!!!!!!! طبعا تفضل إنت بتستأذن إزاي ياباشا ........ كل سنه وإنت طيب يامحمد والله وحشتنا ونفسنا كنت تظهر من زمان فادي بيسلم عليك كنا محتاجينك في مواضيع كتيره معانا
|
رد: أسرار مرسيدس (لماذا ندفع فيها كل هذه المبالغ) ؟!! ..... هنا الجواب
الله يكرمكم
انا كنت عايز بس اقول رايي في LKA lane keep assist بأسمائه الكتيره عند كل شركه افضل تطبيقات وجدتها في مرسيدس و فيراري و تويوتا / لكزس بس الصراحه عجبني زرار كده موجود في كراون رويال الجديده بيقفل الموضوع ده لو زي ما فادي عايز يعدي و ياخد غرز و ده هيبقى تحفه |
الساعة الآن 01:03 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017