رد: اى استفسار بخصوص البنوك
 

حضرتك قول عايز تقسط بنظام اية يعنى لو فى مفردات مرتب هيكون مقدمك 25% من ثمن السيارة
ولو مفيش مفردات مرتب وهتدفع 50% مقدم مش محتاج ضمنات
ححد ضمناتك اية علشان تشوف افضل برنامج تقسيط يتناسب معك

رد: اى استفسار بخصوص البنوك
 

بنك ناصر وبنك اسكندرية لتحويل المرتبات اقل فوايد وحسب وظيفة حضرتك

رد: اى استفسار بخصوص البنوك
 

كتر خيرك ..
أنا زرت بنك ناصر النهارده علشان أعرف نظامهم ، وبناء على الزيارة دى فيه اقتراح تبلور فى ذهنى وأنا مروح وشايف انه كويس ، بس عشان ماعنديش خبرة فى موضوع الفلوس والبنوك والتقسيط يا ريت أصحاب الخبرة يقولوا لى رأيهم ، لأنه جايز يكون فيه تــركة واللا حاجة أنا مش واخد بالى منها ..

أنا معايا فلوس الزيرو كاش والحمد لله ..
وفى محاولة للتقليل من ثمن العربية بافكر أعمل التالى :

بنك ناصر بيعمل فائدة 6% على قسط السيارة
فأنا أقسط معاه ، بس مش بضمان وظيفتى ، وإنما بضمان وديعة أحطها عنده بمقدار ثمن العربية + قيمة الفائدة
وفى الحالة دى ، مش هيطلب منى تأمين أو ضمان على الحياة أو حتى يعمل للعربية حظر بيع
وهيدينى فائدة الوديعة دى ، وهى الفائدة المعتادة اللى بيديها البنك لأى عميل (وفائدة بنك ناصر متغيرة وكانت 10.6% السنة دى).

وفى المقابل أنا هادفع كاش 15% من ثمن العربية (أقل مقدم يسمح به بنك ناصر) بالإضافة إلى الأقساط الشهرية على خمس سنين مثلاً بفائدة 6%

بكده هابقى أنا وفرت فرق لفائدة قدرها من 3-4% على مدى خمس سنين
يعنى لو العربية تمنها 100 ألف جنيه ، هاوفر من ثمنها حوالى 20 ألف جنيه

هل الكلام ده معقول؟؟؟

رد: اى استفسار بخصوص البنوك
 

عزيزى طبعا ضمان الوديعة شى كويس جدا جدا وهيديك مزايا كبيرة بس الفرق مش هيكون كبير كدة لانك هتدفع مقدم لثمن السيارة وهيتم الحفاظ على مبلغ الوديعة بالكامل
المهم هو نظام كويس بس نصيحة تروح البنك الاهلى او بنك مصر افضل من اجرائات بنك ناصر وبة سرعة افضل وهيطلبوا منك عرض سعر للسيارة من اى معرض انت هتشترى منة سعتها لا تقلق ان شاء الله اوفرة لك
او هيتم عمل الوديعة وربطها وبعدين يتم اقراضك مبلغ من 80% الى %90 من قيمة الوديعة وسعتها تنزل تشترى السيارة التى تريدها وتكمل فرق المبلغ كاش من معاك
للاستفسار السريع
0125485222

رد: اى استفسار بخصوص البنوك هام جدا جدا جدا جدا
 

وهل بنك ناصر بيمتلك العربية ويبيعهالك او هل لة اماكن وصالات يمتلكها لبيع السيارات ،ام مثل اي بنك بيكون القرض عبارة عن قرض تمويل سيارة وبالتالي اصبح موضع شك وحرمانية

يا جماعة بين البيع والربا شعرة وقبل ان يفكر فية أي منك تذكروا

قولة تعالي

" الذين يأكلون الربا لا يقومون الا كما يقوم الذي يتخبطة الشيطان من المس ذلك بأنهم قالوا انما البيع مثل الربا وأحل الله البيع وحرم الربا فمن جاءه موعظة من ربه فأنتهي فله ما سلف وأمره الي الله ومن عاد فأولئك أصحاب النار هم فيها خالدون"


وأكمل باقي الايات من 274 الي 281 سورة البقرة

وبالطبع المنتدي قد أفرد لهذا الموضوع قضية حرمانية الربا الكثير من المواضيع التي يمكنكم تصفحها بسهولة

فتحية عظيمة جدا أقدمها للمنتدي ورجالة لمناقشتهم أمر كهذا وافراد الفتاوي بكل وضوح

وجزاكم الله كل خير

:12C186~161: :12C186~161: :12C186~161:

رد: اى استفسار بخصوص البنوك
 

شكراً على نصائحك القيمة .. وأنا قرأت كل ما يتعلق بهذا الموضوع وكونت رأى مقتنع بيه.


ده كلام عظيم وشكراً جزيلاً على اهتمامك ..
بس هل فائدة البنك الأهلى أو بنك مصر هى 6% مثل بنك ناصر؟

وازاى الفرق هيكون أقل من اللى أنا حسبته ، ممكن تدينى مثال بالأرقام؟

رد: اى استفسار بخصوص البنوك
 

تعال نعرف حاجة مهمة جدا وانت بتشترى عربية اية هى ان الكلام شى والتنفيز الفعلى شى تانى خالص
يعنى انت مثلا لو كنت ناوى تشترى عربية وسعرها الرسمى مثلا 100 الف جنية فعلشان تستلمها الان وبسرعة هتدفع مبلغ ازيد شوية ممكن 3 او 5 الف جنية
دة اول شى تانى شى بنك ناصر ساعت التوقيع على طلب القرض بتاعك بعد عمل الوديعة هيقولك ان الفائدة على القرض 6% بس ساعت التوقيع هتجدها اعلى شوية علشان هيقولك فى ضريبة ودمغات حكومية فهتجد نفسك موقع على فائدة اعلى تصل الى 6.4% او 6.5%
وكمان لما هيسلم لحضرتك فلوس القرض هيقوم بخصم مبلغ منها وهيقولك دة مصاريف القرض
ال انا عايز اوضحة ليك ان موضوع ضمان الوديعة مش شى وحش ولا حاجة انما مش هيحقق نسبة الفرق الكبيرة ال حضرتك قولتها لان المصاريف النسرية كثيرة وهتجدها عملت مبلغ مجمل فى الاخر وكمان الفرق بين بنك ناصر وبنك الاهلى او غيرة بسيطة جدا جدا الفرق فى سرعة الاجرائات ونسبهم واحدة بس برضة ناصر مش وحش قوى
على فكرة انا لا اعمل فى بنك
ولكن اعمل فى بيع السيارت وتعاملى مع كل البنوك
للاستفسار السريع
0125485222