مصر موتورز مجتمع السيارات - تويوتا كورولا 2007 مميزات وعيوب وصور

مصر موتورز مجتمع السيارات (https://www.masrmotors.com/vb/index.php)

- تويوتا TOYOTA (https://www.masrmotors.com/vb/forumdisplay.php?f=28)

- - تويوتا كورولا 2007 مميزات وعيوب وصور (https://www.masrmotors.com/vb/showthread.php?t=87968)

رد: تويوتا كورولا 2007 مميزات وعيوب وصور

بشكر حضرتك على الموضوع الجيد ..... انا متفق معاك فى 90% من الى حضرتك ذكرته ... و مختلف معاك فى 10% بس

انا كان نفسى اشترى كورولا و ليا حكاية صغيرة كدة
من خبرتى 3 سنوات فى الشغل فى استخدام العربيات الملاكى اليابانى .... كان ترتيبهم .... الكورولا ... اللانسر ...الصنى
كنت عاوز اشترى كورولا ...بس الكلام ده كان فى اول 2008 ... سألت فى توكيل تويوتا .. فقالوا ان مفيش الشكل القديم ... و لو عاوز احجز للشكل الجديد 1400 سى سى اوتوماتيك تجميع جنوب افريقيا ... سالت فى فرع ليهم فى الخليفة المامون على الشكل القديم ..... كان فيه عربية واحدة ... بتتباع كسر زيرو .. عاملة 8 الاف كم بس ... سى سى اوتوماتيك 1400 بيضاء ... بتتباع بضمان التوكيل !!!! انا مش فاهم ازاى ... بكام يا عم ؟ 140 الف جنيه ......طيب و الجديد بكام ؟ برضو بـ 140 الف !!!!!
بغض النظر انى اكتشفت ان الى بيعمل الموضوع ده واحد بيشتغل فى المبيعات فى التوكيل ... مش التوكيل نفسه

المميزات
انا اتفق مع حضرتك فى جودة عفشة الكورولا .... و جودة قواعد الموتور ... و تسارع موتورها الجيد جدا مقارنة بالانسر مثلا
الكابينة الداخلية .... تقريبا متشابهة مع اللانسر
الكورولا اعلى على الارض من اللانسر
موتور الكورولا ليه رنة بتعجبنى جدا

العيوب ....
الكورولا مش ثابتة اوى على الطريق و خاصة على السرعات العالية .... انا كا منتش مجرب الموضوع ده الا لما جربتو بنفسى ..... كنت حتقلب بالعربية ... ماشى على طريق الواحات بسرعة و فى المقابل عدت تريلا بسرعة .... العربية اتمرجحت بيا ..... ربنا ستر الحمد لله

قطع غيارها اغلى شوية من اللانسر و شويتين من الصنى ... دى مش مشكلة كبيرة .. علشان سعر الكورولا اصلا اغلى من اللانسر

موضوع مسك السعر ...انا شايفه عيب مش ميزة ... انا عاوز اشترى كورولا ... مستعملة ....الاقيها بسعر عربية تانية جديدة ؟؟؟؟ او بسعر بى ام 2003 316 !!!!! كتير شوية
انا لو كان معايا فلوس فى 2007 ... كنت اشتريت الكورولا بدون نقاش

اشكرك على الموضوع

رد: تويوتا كورولا 2007 مميزات وعيوب وصور

اقتباس:

المشاركة الأصلية كتبت بواسطة abdohtaby (المشاركة 682838)

بسم الله الرحمن الرحيم

اولا الصور :
http://www.car100100.com/car_images/8487.jpg

http://www.car100100.com/car_images/8489.jpg
http://www.car100100.com/car_images/8492.jpg
http://mubawba.com/screens/144940050...010f6le7ho.jpg

http://i.dbzstatic.com/images/user_i..._CP_photo.jpeg
http://d3i3ot9gqop30i.cloudfront.net...1_DSC02199.jpg

http://d3i3ot9gqop30i.cloudfront.net...8_DSC07469.jpg

http://www.toyota.com.kw/arabic/toyo..._gallery/9.jpg

http://www.toyota4arab.com/upload/i/...e3urzk5omr.jpg

ودي الصور.

المميزات:

عربيه جميله اوي اوي وكفايه ان هي ياباني ولسه ماسكة سعر في السوق النضيفه دلوقتي ب115الف يعني في سعر التيريوس الجديده اول فئة وعاليه عن الارض وبسيطة في استهلاك البنزين
وشكلها جميل و اعاده البيع بتاعها مش وحش خالص وده بشهاده ناس كتير ولها سمعة واسم في السوق و اداءها جامد جدا وتستحمل مطبات مصر الحبيبه والطرق الوعرة والمكسرة وثابته جدا انا مجربها والله -تكيفها تلاجة - تشغلها على مروحة 1 فقط والا هتتجمد - ولا يؤثر على سحب العربية ولا يكلبش الموتورعكس الانسر.

عفشة وباور ومساعدين ودواسات ناعمين جدا عكس الانسر.
اوتش للخدمة الشاقةلزوم مطبات ونقر شوارع مصر.
الثبات والهدوء (ترمى الابرة ترن فى الصالون) حتى فيالسرعات العاليه تحس انك ماشي على سرعة 20كم .
تابلوه ابانوس وصالون فخم.
-واسعة من الداخل والكراسى واسعة و مريحة.
-ميزة ضم المريات بالكهرباء دى مشموجودة فى اغلب العربيات ودى تنفعك اوى لو ماشى فى شارع داخلى زنقة وفى عربية داخلةعكسك – تضم المريات فى السريع بدوسة زرار

-اضائة شديدة فى الفوانيس الاماميةتخليك تشوف الطريق بوضوح فى الليل وايضا نور الصالون جامد اوى.

-ميزة الشريحةالالكترونية فى المفتاح - لازم المفتاح الاصلى هو ال يدور الموتور فقط .

-معزولة بلكك وفلتو كويس وخصوصا فى الخلف - يعنى مفيش صدا ولابرومة.

-ممكن تسوجر الشنطة الخلفية لو هتضع فيها اشياء ثمينة وتلغى خاصية فتحالشنطة من الداخل – وكمان عاملين مفتاح مخصوص احتياطى لا يفتح الشنطة علشان تسيبالمفتاح ده ما سايس الجراج وتبقى مطمن انه مش هيعرف يفتح الشنطة ولا من جوه ولابالمفتاح ال معه.

-احزمة الامان ناعمة اوى ومش خنيقة ولاتقفش على صدرك كما فىالسيارات الاخرى – تحس انك مش لابسها.

-شكلها شيك وبرستيج عالى جدا.

-سعرهاثابت ومش هتخسر فيها لو حبيت تبيعها بعد كده لانها مطلوبة ومعروف سعر سوقها كام.

-بيعها سهل اوى ومطلوبة دائما وخصوصا الاتوماتيك (اغلب الستات مبيعرفوش يسوقواالمانيوال والستات هى صاحبة القرار فى الاغلب) يعنى الكورولا مش هتقعد فى ارابيزكزى عربيات تانية تقيلة فى بيعها و ملهاش سوق فى مصر زى الالفا روميو والاودى.

-عربية متدوالة بكثرة يعنى الصانيعية اشتغلوا فيها كتير وشافوها كتير وعارفينبيفكوا كل قطعة فيها ازاى ومش هيعكوا ولا يستكشفوا فيها ولا يلعبوا فيها البخت عكسالعربيات القلة ال تلاقى الصنايعى يقف يبلم ادامها ومتعرفش تركب ليها انذار ولاسنتر ولا كاسيت لان محدش عارف اولها من اخرها ولا فيوزاتها واسلاكها مشاية ازاى (زىالمازدا 3 الجديدة مثلا) .

-قطع غيارها متوافرة بكثرة وفى منها استعمال الخارجوالتايوانى واخيرا الصينى (مثلا ممكن تجيب فانوس تايوانى او صينى رخيص – مش لازمتجيب الاصلى فى الفوانيس مش قضية) .

-اسعار قطع غيارها متوسطة يعنى مش غالية اوىزى العربيات الاوربية (الفيكترا والاوكتافيا) ولا رخيصة زى الكورى (الهونداىوالدايو) .

-تعتبر السيارة الاكثر مبيعا فى العالم العربى.

عيوبها :
-اخر سرعة ليها 160 كم فى الاتوماتيك ولو جبت اخرالدواسة بتنزل للترس التالت وتلاقى صوت الموتور علَى جدا و عملك فضيحة على الطريق.

-الاوتوماتيك بتاعها مش بيجمعبسرعة علشان توصل لسرعة 150.

-كل العربيات الكورولا فى مصر XLI يعنى مفيهاش عداد RPM .

-وضع الكاسيت فى التابلوه صعب

-فيها مشكلة كبيرة من وجهة نظرى- المفتاح لا يخرج من الكونتاكت الا على وضع P .
زحمة الصيانة فى التوكيل (العباسية وابو رواش) – لازم تاخدميعاد قبلها بشهر هههههههههههههه.

بشكل عام ملهااااش عيوب كتييير وهي افضل السيارات في فئتها افضل من الانسر البومة والاوبترا 2012 .

على الفكرة الكوريلا افضل سيارة في العالم من فئتها هيا والهوندا سيفك شي معروف سيارة ممتازة .

شكر وتقدير:14FEAD~151:

شكررراااا

بارك الله فيك

و جزاك الله كل خير

رد: تويوتا كورولا 2007 مميزات وعيوب وصور

الأستاذ/abdohtaby تحياتي على التقرير المبدع
:loveu::loveu::loveu:
و إن كنت لا أرى في العيوب اللي ذكرتها عيوب لان السرعات العالية دي سيبك أنها أصلاً ممنوعة فيه ناس زي حاللاتي كتير ما بيحبوش يمشوا أكثر من 90 كم/الساعة بالتالي العربية بالنسبة لهم بلا عيوب

رد: تويوتا كورولا 2007 مميزات وعيوب وصور

الف شكر ليكم يا جماعه وربنا يباركلكم يارب :1497EA~150::1497EA~150:: 1497EA~150::1497EA~150::1 497EA~150::1497EA~150::14 97EA~150::0369B3~177::260 309~146: