رد: موضوع استطلاعى لاراء الاعضاء من مالكى الشارك فيها
 

انا مش من ملاك الشارك فطبعا معرفش عنها كتير، ولكن انا من فترة كده أجرت لانسر بومة 2010 وبصراحة معجبتنيش خالص ورجعتها تاني يوم وخدت بدالها اوبترا ، اللي في رأيي المحدود وعن تجربة 5 ايام مش اكتر كانت احسن بكتير من البومة.
بالنسبة للشارك فأنا سوقت موديل 2011 في مشوار واحد فقط لا غير وكان انطباعي انها عربية مش بطالة

عندي سؤال سريع للأستاذ ياسر، انا مش فاهم وجهة نظر حضرتك في ان ال cvt فيه امان اعلى من الستيبترونيك، ياريت - بعد إذن حضرتك طبعا - لو تشرح النقطة دي بتفصيل اكتر. وكمان أنهي فئات الشارك اللي بتنزل ب cvt وانهي بينزل بالستيبترونيك؟ لأن اللي انا جربتها كانت ستيبترونيك وبصراحة اللي يقول عليها بطة يبقى مجربهاش، فوق ال60 ولا تحت 60، كانت زي الفل معايا

رد: موضوع استطلاعى لاراء الاعضاء من مالكى الشارك فيها
 

اخويا الغالي ..احب اوضحلك فكرة الامان في cvt بعنى الكتير من الشباب بيحب يفرك العربية في الطلعة ..بيضغط بنزين جامد والفتيس بيكون على n وفجأة يحط الفتيس على D وبكدة لو الفتيس عندك ستبترونيك بتطلع العربية على نفس سرعة العداد اللي مؤشر عليها .. مثال .. ضغطت على الدواسة لغاية لما وصلت 70 والعربية واقفة لانك على وضع N وفجأة نزلت على D هتطلع العربية على سرعة 70 وبكدة الكوتش هيفرك زي عربيات السباق ... وببيان اوي لما تكون واقف في اشارة مرور ... وكل ده حمل على العربية والفتيس وبيتعب الماتور وممكن يسبب في كسر الفتيس ...
اما ال CVT لو ضغط على الدواسة ووصلت معاك ل 70 وانت على الN وفجأة نزلت على الD هيرجع العداد لغاية صفر ويبدأ يطلع من تانى ... الحركة دى بتخلي الناس تقول ان العربية تقيلة وبطة .وميعرفوش ان ده هو الامان بعينه والمحافظة على الفتيس والمتور بتيجي من الحركة دى ...تقدر تقولي مين احسن دلوقتي ال CVT ولا ستيبترونيك ؟

رد: موضوع استطلاعى لاراء الاعضاء من مالكى الشارك فيها
 

thanks brother

رد: موضوع استطلاعى لاراء الاعضاء من مالكى الشارك فيها
 

تمام كده وصلت وجهة نظر حضرتك
بس انا لسة شايف ان الستيبترونيك احسن، لأن انتا لو حبيت تمشي بيه براحة مش هايقولك لأ. لكن لو حبيت تنط تجري لأي ظرف ومعاك CVT هايعاكسك
مجرد حرية اكتر لو معاك ستيبترونيك

رد: موضوع استطلاعى لاراء الاعضاء من مالكى الشارك فيها
 

انا حاسس انها غاليه اوي علي الفاضي مع اني بحبها اوي