رد: هااااااااااام جدا وضرورى بيكانتو 2012
 

عربية جميله جدا و واسعه جدا من جوه وماتتقارنش بbyd او اى عربية صينى .. فى الاول والاخر دى كيا يعنى عربية كورى محترمه ماتتقارنش ابدا بالصينى.. وماينفعش تتقارن بالماروتى انا لما بمشى بيها جمب الماروتى بحس انى راكبه 4*4 غير ان دى 800 cc و البيكانتو 1250 cc و الماروتى 3 سلندر و البيكانتو 4 سلندر.. ثالثا اللى بيقول ماتنفعش فى السفر هل انت ركبتها وجربت تسافر بيها وقالت لأ.. انا سافرت بيها كتيييييييييييييير جدا وعربيه ماشاء الله عليها كنت بمشى على 140 و 160 زى الفل بجد عريبه ماشاء الله عليها .. وبالنسبه للسعر المعروف ان الهاتشباك اغلى من السيدان لو الموديل فيه هاتشباك و سيدان وبعدين العربيه ملياااااااااااااااانه كماليات مش فى اى عربيه من الفئة دى والكل قالى غاليه بس اى حد ركبها قالى تستاهل .. من الاخر العربية دى ماتتقارنش بأى عربيه.. توكل على الله ومبروك مقدما:Bravo:

رد: هااااااااااام جدا وضرورى بيكانتو 2012
 

السلام عليكم ..
كيا بيكانتو من العربيات الهاتشباك اللى أثبتت نجاحها في مصر وهيا عربية جميلة جدا خاصة إن الشكل الجديد فيه كماليات أكتر وشكل العربية من برة ومن جوة إتحسن كتير عن الشكل القديم .. أما بالنسبة للسعر فأي عربية هاتشباك بتكون أغلى من السيدان عندك مثلا فيات بونتو كلاسيك 1300 سي سي ب 73000، ورينو سانديرو 1600 سي سي (اللى هيا اللوجان هاتشباك) ب 72000 هاف أوبشن مانيوال و76000 فول اوبشن مانيوال، والعربيتين دول لو كان في منهم أتوماتيك سعرهم هيزيد وهيدخلوا في ال80000 ويعدوا كمان، وكيا بيكانتو الشكل الجديد لو هتجيبها مانيوال هاف اوبشن 73500 وفول أبوشن 77500 يعني زي الفيات والرينو
......................... ......................... ......................... ......................
توكل على الله وصلي إستخارة .. وربنا يديك خيرها ويكفيك شرها إن شاء الله

رد: هااااااااااام جدا وضرورى بيكانتو 2012
 

انا من رايى انى مفكرش اركبها
سيارة صغيرة وانا طويل
متناسبش شغلى بما انى بسافر وبتنطط
سعرها غالى عليها حتى لو فيها اوبشن كتير
دخلت ف فئة سعرية اعلى منها وبرغم دا منتشرة
ودا سبب تعجبى
ودا رايى الشخصى وليس فرضا ع حد
تحياااااااااااتى ليك

رد: هااااااااااام جدا وضرورى بيكانتو 2012
 

الاخت الفاضله / sweetrezo
بعد التحبه...
كلام حضرتك مضبوط تماما ولا يستطيع بل ولا يجروء اى منصف ان يقول ان كلامك غلط ولكن . ولكن هذا لايمنع ان السيارة ليست سيارة عائليه فهى ممكن تسافر مرسى مطروح كااداء ولكن هل تنفع تسافر بها عائله للمصيف مكونه من اربع افراد مع احتياجتهم المصيفيه اعتقد ان الاجابه لا علاوة على ان السعر مغالى فيه بعض الشىء .
وتقبلى تحياتى

رد: هااااااااااام جدا وضرورى بيكانتو 2012
 

عربيه شكلها حلو بس السعر انا حاسس انه مبااااالغ فيه جداً