مصر موتورز مجتمع السيارات - تجنب أسباب النوم اثناء القياده..

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - تجنب أسباب النوم اثناء القياده.. (https://www.masrmotors.com/vb/showthread.php?t=64007)

رد: تجنب أسباب النوم اثناء القياده..

مشكلة النوم اثناء القيادة فعلا زي ما حضرتك قلت بتظهر مع القيادة في السفر بالذات للرتابة وعدم وجود سيارات مجاورة فبالتالي يقل التركيز الشديد ولو في تكييف كمان بتبقي المشكلة اكبر
طيب لو علي طريق سفر عادي
امال بقي لو في وسط البلد وفي طريق صلاح سالم شخصيا مع الطيران الساعة 2 الضهر!!!
فعلا افضل شئ لو الواحد تعبان او منامش يفضل انه ميسوقش
المشكلة ان الواحد بيستسهل ويقول ان شاء الله هفوق ومش هنام ولو مشوار صغير كلها ربع ساعة وابقي في البيت!!!
وتكون هي دي الربع ساعة الحاسمة
ربنا يسلم طريقنا جميعا

رد: تجنب أسباب النوم اثناء القياده..

اقتباس:

المشاركة الأصلية كتبت بواسطة احمد على 1999 (المشاركة 496181)

موضوع خطير
انا ياما ركنت و انام لما اكتشف اني بغفل حتي لو مجاليش نوم مجرد اني اركن و ريح 5 د بستعيد نشاطي ل نص ساعة علي الاقل و ارجع اركن تاني و لو جالي نوم لمدة ربع ساعة مثلا ممكن ارجع اسوق 3 ساعات

في موقف ظريف حصلي كنت تعبان جدا و راجع من القاهرة و الدائري ماشي تاتا تاتا من غير قصدي روحت نايم طبعا لما كان الطريق واقف و انا لما انام بعمق لما باصحي معرفش انا فين و ليه و امتي و ازاي
طبعا لما الطريق ابتدي يتحرك الي ورايا ادرك ان الي في العربية الي قدامه الي هو انا مات !

بالضبط ده اللى كنت بأتكلم فيه ان الانسان لو مش واخد قسط كافى من الراحه قبل القياده خصوصاً لوالقياده لمسافه طويله ممكن فى لحظه تاخده سنه من النوم اوحتى ينام تماماً والحادثه بتحصل فى لحظه.....

وكويس انك نمت وانت واقف فى الاشاره ده ستر ربنا واضح انك كنت مرهق اوجاى من سفر.

رد: تجنب أسباب النوم اثناء القياده..

انا بقى بسوق فترات رهيبه ممكن500 كيلو
وطبعا فى الغالب بكون لوحدي او اللى معايا نايمين
وبضطر بقى انى اشغل اغاني بصوت عالى واغني معاها انا كمان

رد: تجنب أسباب النوم اثناء القياده..

انا بقا أى مشوار سفر لو الى معى نام أو متكلمش معى بنام
أول محس بكده أركن العربيه وأصب على رأسى زجاجة مياه ومنشفش المياه عشان أفوق
وياسلام لو الجو صيف والمياه الى فى الزجاجه سخنه يبقا فوق لتانى يوم
موضوع جميل ألف ألف شكر
شكر وتقدير

رد: تجنب أسباب النوم اثناء القياده..

هو تجنب النوم اثناء القياده اعتقد يختلف من شخص لشخص انا شخصيا لما اكون مسافر و حاسس انى بانام بازود السرعه جامد و بافتح الشباك شويه لان احساس السرعه مع التركيز و صوت الهواء بيخلينى اصحى و انسى انى محتاج انام لكن الحل الذى لا خلاف عليه و الامثل ان الواحد يركن العربيه فى مكان امان و ينام شويه حتى لو 5 دقائق نوم هاتفرق جامد و ربنا يستر على الناس كلها .