مصر موتورز مجتمع السيارات - تصميم موتور الاسبيرانزا ومشكلة السحب

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - تصميم موتور الاسبيرانزا ومشكلة السحب (https://www.masrmotors.com/vb/showthread.php?t=561)

رد: تصميم موتور الاسبيرانزا ومشكلة السحب

اقتباس:

المشاركة الأصلية كتبت بواسطة utopian (المشاركة 11412)

يا استاذ الكلام الي انت كاتبه ده بعيد تماما عن الكلام العلمي و ابعد ما يكون عن هندسة محركات الاحتراق الداخلي
حضرتك عارف يعني ايه خريطة المحرك (engine map) او (engine characteristic curves) ؟
بلاش فتي ونبي يا جماعة ptmnlo123per172

الى الأخ العضو الجديد حضرتك احنا معندناش حد بيفتى زى ما انت قايل احنا عندنا ناس بتقول أراء بيبقى كل واحد متحمل نتيجة صحة كلامه ولو فى خلاف تقدر حضرتك تطرحه او ترد عليه بموضوعيه لكى نستفيد جميعا و خد بالك ان ده الهدف الرئيسى للمنتدى .
يعنى المسأله مش حرب دى مجرد مناقشات المقصود بها الفائده للجميع...
واهلا بك عضو جديد..
ptmnlo123per1127

رد: تصميم موتور الاسبيرانزا ومشكلة السحب

اقتباس:

المشاركة الأصلية كتبت بواسطة utopian (المشاركة 11412)

بصراحة مش عارف لى حق اتدخل فى الحوار ولا لاء بس بما ان الكلام على العام اسمحولى ارفض الاسلوب ده فى الحوار للاسباب التالية

اولا الموضوع تجربة وراى شخصى مش محاضرة علمية واحنا مش طلبة فى هندسة عين شمس فلازم الكلام يكون علمى بحت

ثانيا عن تجربة شخصية فعلا العربية لازم تشبع الغيار فيها علشان تحس بعزمها علشان العربية تقيلة وده ملحوظة يقدر يفهمها ابسط سواق تاكس حتى مش محتاجة مهندس علشان يحسها وباقى الموضوع كله نصائح ميختلفش عليها اتنين

ثالثا انا لما اكون انسان متعلم ودارس تخصص معين واخش منتدى الاقى كلام لا يتفق مع اللى درستة المفروض اخش اكتب المعلومة الصحيحة بتواضع وبدون استعراض او استهزاء ده ان مشكرتش صاحب الموضوع على انه اجتهد وكتب نصيحة بهدف افادة الناس

وعلى اى حال اهلا بيك فى المنتدى احنا كلنا داخلين نفيد بعض ونتعلم من خبرات بعض واذا حضرتك عندك حاجة تفيدنا بيها نكون شاكرين ليك جدا

رد: تصميم موتور الاسبيرانزا ومشكلة السحب

اقتباس:

المشاركة الأصلية كتبت بواسطة utopian (المشاركة 11412)

اولا .... انا احب اشكر حضرتك ....
لانك نبهتني للموضوع ده .... لأني اعتبر عضو جديد في المنتدى ومشاركه حضرتك خلت الموضوع يظهر وبالتالي انا قريته

ثانيا احب اشكر استاذ وائل على الموضوع واجتهاده فيه... تسلم ايدك يا ريس

ثالثا .... ياريت حضرتك توضح لنا ال engine map - engine characteristic curves .... و ياريت لو ممكن كمان نسب التخفيض.... لاني مش فاهمها كويس.
لأن يهمنا جدا يكون فيه رأي خبير متخصص يشرح لينا اي نقط مش واضحه ويصحح اي معلومه غلط

ولك كل الشكر

رد: تصميم موتور الاسبيرانزا ومشكلة السحب

شكرا علي الموضوع يا وائل باشا

و فعلا في عربيات كتير اووي لازم تشبع الغيار عشان تديك اقصي عزم

رد: تصميم موتور الاسبيرانزا ومشكلة السحب

اقتباس:

المشاركة الأصلية كتبت بواسطة utopian (المشاركة 11412)

هو الراجل راح فين ؟؟؟

انت بتضرب وتجري

اوعى يكون حد زعله يا جماعه ........

يا خساره.....
يالا .... خلونا نفتي براحتنا بقى
افتي يا استاذ وائل ... افتي ولا يهمك

بس ياريت يتم نقل مجموعه المشاركات من اول مشاركه الاستاذ المدينه الفاضله و لحد المشاركه دي لمكان تاني و يتم حذفهم من موضوع الاستاذ وائل.

لأن مش معقوله واحد يتعب في موضوع و يكتبه و الناس تستفيد منه و ييجي عابر سبيل يضيف تعليق مالوش لازمه و يمشي .... ياريت حد من الاشراف او الاداره ينقل المشاركات دي لمكان تاني ... و يبقى اسمه : ارشيف - المشاركات الحذوفه - ... اي مسمى.

بس ممكن نسيب مشاركه نور لانها مرتبطه بالموضوع الاساسي ... مع احترامي لكل الاعضاء اللي شاركو ... لكن اعتقد انهم حيوافقوني على رأيي ..
ولا ايه يا جماعه؟