رد: عمليات ضبط المغذى (الكربوراتير )
 

http://im1.gulfup.com/2010-11-26/12907896551.jpg


- السهم العلوى بيشير لمسمار البنزين

- السهم السفلى بيشير لمسمار الهواء

_________________________ ____________


http://im1.gulfup.com/2010-11-26/12907903831.bmp


مسمار الرجلاش هذا ..........هو مسمار البنزين أيضا

رد: عمليات ضبط المغذى (الكربوراتير )
 

الاستاذ سمير .. كعادة حضرتك دائما التمييز بمواضيعك المختلفة والرائعة والتى اتابعها فى منتديات مختلفة .
لدى بعض الاستفسارات اسمح لى بعرضها لك للافادة الجميع وافادتى فى اطار الكربراتير :

1 - كان لدى كرابراتير فى سيارتى ريجاتا 85 اس وما حدث انها تستهلك بنزين ثم وجدت قطع بالبوجيهات " بوجيهات مهببة بكربون اسود " اخبرنى الميكانيكى ان الكربراتير مات ولا داعى من اصلاحة .. علماَ اننى توجهت بة سابقا
الى 2 متخصصين كربراتير فقط فى شـبرا .. وقاموا بأصلاح العيب ويرجع بعد شهر مرة اخري . فما الحل ؟

2 - قمت بشراء كربراتير استيراد واحتفظت بالقديم .. اخذتة قبل التركيب لمتخصص اخر فى شبرا كبراتير
قام بفكة قطعة قطعة وتنظيفة وضبطة ثم قام بتركيبة .. لاحظت قبل التركيب ان الباب بيعلق لما بضغط بأيدي على
رجلاش الاكسلتير كأنى ضاغط بنزين مش بيرجع لوضعة دايماَ .. ولما قلت لة قالى عادى هياخد وقتة بس
بعد تركيبة وجدت هذا العيب يظهر احياناَ واحياناَ اخري لا .. يعنى كل يومين تلاتة مرة . فكرت فى اصلاحة
اخبرنى ميكانيكي انى لو رحت لحد بتاع كربراتير هيقولي اكس وباب على طول ودة يعتبر مــسكن فقط . فهل دة صحيح
مسكن فقط ؟ وما الحل فى هذة المشكلة ؟

3 - السيارة لا تدور بشكل سلس صباحاَ .. يجب ان اضغط كثيراَ قبل التدوير " احضر لها " وبعد ادارة الموتور ايضاَ
فهل هناك حل لذلك ؟؟ ام كل السيارات القديمة بهذا الحال ؟ تأخذ وقت يجوز الدقيقة لكى تدور ؟

رد: عمليات ضبط المغذى (الكربوراتير )
 

أشكرك أولا على زوقك وكرم أخلاقك

بالنسبه لموضوع تهبيب البوجيهات طالمه مصدره غزاره فى أستهلاك البنزين

فوارد يكون سببه البنزين الزائد للأسباب التاليه

1- أتساع البيكات وبالتالى يجب تغييرها

2- تلف أكس الباب وبالتالى بيقفل الباب ومن هنا بتزداد نسبة البنزين فى المخلوط

فهل الباب عندك بيبقى شكله أيه والمكنه ساخنه

هل بيكون مفتوح وواقف على سيفه ولا معلق ومقفول ( ده فى الكربوراتير القديم )

نفس المشكله

يهمنا فى الأول والنهايه أن الباب يكون مفتوح على سيفه والمكنه ساخنه

وموضوع تغيير أكس وباب

غير مجدى الصراحه

لأن زى ما أنت عارف

لو حتى تم التصنيع بأبعاد هندسيه صح

فهل تضمن أن الخامات المستخدمه فى التصنيع هى نفس الخامات الموجوده فى القطع الأصليه ( الأكس والباب )

مفيش عندنا حد بياخد باله من موضوع الخامات ده

من أى معدن وبيصنع

وبالتالى .....نجاح موضوع التصنيع مبيستمرش كتير

طيب قبل ماتدور

أبقى شيل الفلتر وشوف الباب قافل وموارب شويه ولا لا

وحاول تعمل عملية تليين لأكس الباب

حتى ولو بمزيل صدأ

زى ال wd 40

لأن ممكن تكون دايرة الشفاط مش شغاله عندك

والباب بيستمر مفتوحا على سيفه

وده يعاكسك فى الدواره وخصوصا صباحا

رد: عمليات ضبط المغذى (الكربوراتير )
 

بالنسبة لموضوع الاكس والباب حضرتك اكدت لى انة فعلا مسكن ولا يجدى .. واشكرك على ذلك
جزاك الله كل خير لانى مكنتش فاهم ... بالنسبة للـ WD40 ففعلا تقدر تقول انى غرقت بية الكربراتير
والاجزاء المتحركة بكثرة ... بالنسبة للبيكات فتم تغيرها فعلا قبل كدة .

الكربراتير القديم انا صورتة لحضرتك علشان يكون الكلام واضح اكتر ..
دة القديم اللى اتقال لى انة بايظ ومش نافع وغيرة .. ومشكلتة انة بياكل بوجيهات وبنزين

http://www.m5zn.com/uploads/2010/11/...1552wmg1xp.jpg

لاحظ حضرتك وجود فرق بسيط ف الباب على كلامك انة عادى او الصح ان يبقى فية نسبة بسيطة
مفتوحة للباب صحح لى لو انا غلطان
http://www.m5zn.com/uploads/2010/11/...r2cdi29em9.jpg
هل كدة فعلاَ الكربراتير دة مش ينفع نهائى ولا يصلح للعمل مرة اخري ؟

رد: عمليات ضبط المغذى (الكربوراتير )
 

دة حضرتك صورة الكربراتير الحالى اللى راكب ف السيارة
مشكلتة انة مش بيدور الصبح الا بالتحضير وبيتأخر شوية عبال ميدور .. وباب الاكسلتير بيعلق احيانا
على فترات متباعدة جداَ . واتظبط شوية بعد WD40 . هما المشكلتين الصغيرين دول .

لاحظت ان الباب مفتوح فى الحالاتين بنفس النسبة سخنة وباردة
شاكر وجودك يا بشمهندس وردك المتميز .