رد: مشكله مش عارف اعمل ايه (سرقوا فرحتي بالالنترا)
 

السلام عليكم
مبروك العربيه
و ذي ما انت قلت الحمد لله
و اعتقد انه لو ماستجابوش ليك
كلم جهاز حماية المستهلك
همه ممكن يحلوا لك الموضوع
لأن اي سلعه ليها فترة من حق العميل يردها للمورد خلالها
بالتحديد لو لاقى فيها مشاكل
و نصيحه لوجه الله
اول ما تروح عندهم قول
اللهم اكفنيهم بما شئت و كيف شئت إنك على كل شيء قدير
و خلي كلامك معاهم بهدوء لكن بحزم
و ابتدي بان العربيه محترمه و من شركه محترمه بس فيها مشكله
و اطلب تقابل اكبر مسئول ف التوكيل و صمم على ذلك لو الموظف الي قابلك ما حللكش المشكله
و بعدين انت ماوضحتش انت ما راجعتش الصاله الي استلمت منها العربيه ليه اول ما اكتشفت الموضوع ؟
ده كان هيسهل لك كتير
عشان همه عارفين انك استلمت العربية مش نظيفة
و بالتالي طبيعي انك ما تشوفش الخرابيش دي
و ياريت تتاكد لو عندهم عربيات تانيه
لو عندها نفس المشكله
لأني بصراحه خايف لا تكون الخرابيش دي اتعملت للعربيه بعد ما انت استلمتها
في الشارع عندك مثلآ او في اي حته ركنت فيها العربيه
و الموضوع ده مش محتاج غير دقيقتين و كاتر او مسمار وواحد معندوش ضمير
انا مره واحد عمل للعربيه الي كانت معايا رموش بالكاتر حوالين الفوانيس
و الكاتر بياثر في الزجاج للعلم برضه
ربنا يوفقك لما فيه الخير

رد: مشكله مش عارف اعمل ايه (سرقوا فرحتي بالالنترا)
 

اولا اشكرك علي اهتمامك والرد عليا
بالنسبه بقا لموضوع اني ما رجعتش للصاله اولا لاني ماضي علي محضر استلام
و كذا حد قالي خلاص بقا ومش مهم بس الي ايده في الميه مش زي الي ايده في النار
تالت حاجه بقا انا متاكد انها من المخزن ليه بقا لاني انا لما جبت العربيه كان معايا غطا غططها لحد الصبح وروحت رخصت وبعدين روحت غسلت واكتشفت المشكله

رد: مشكله مش عارف اعمل ايه (سرقوا فرحتي بالالنترا)
 

حاول ف التوكيل يمكن ربنا يهدىهم للخير وان شاء الله فرحتك هتكمل وبعدين د بتغزى العين وكل سنة وانت طيب

رد: مشكله مش عارف اعمل ايه (سرقوا فرحتي بالالنترا)
 

وحضرتكم طيبين ان شاء الله يوم السبت حروح التوكيل والي فيه الخير بقا يقدمه ربنا وبجد يا جماعه انا بجد اني بقيت عضو وسط ناس محترمين زيكوا

رد: مشكله مش عارف اعمل ايه (سرقوا فرحتي بالالنترا)
 

الموضوع صدقنى بسيط ، انت بس و انت فى التوكيل كلهم بكل بهدوء الاول لان بيبقى فى ناس رخمة لو اتنرفزت عليهم فى الاول ممكن يضايقوك و مايدولكش لا حق ولا باطل ، و لو عاندوا معاك و مارضيوش يغيروا الزجاج على حسابهم ، اطلع على حماية المستهلك و اعمل شكوى فيهم.
و بعدين اتمتع بعربيتك و ماتخليش موضوع زى ده يضايقك منها ، و ابقى طمنا و قولنا عملت ايه ؛