مصر موتورز مجتمع السيارات - سؤال لخبراء اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - سؤال لخبراء اللوجان (https://www.masrmotors.com/vb/showthread.php?t=21200)

رد: سؤال لخبراء اللوجان

[

1- اربع طاسات لجنوط السيارة
2- علبة وش الكاسيت

ازيك يا رينجو باشا
بتقول علبة وش الكاسيت؟قصدك ايه؟
وش الكاسيت بيكون ليه علبة يتحط فيها؟ ولا قصدك على وش الكاسيت ذات نفسه يكون موجود؟؟؟ وشكرااااا مقدما

رد: سؤال لخبراء اللوجان

اقتباس:

المشاركة الأصلية كتبت بواسطة sameh2009 (المشاركة 176083)

ازيك يا سامح باشا يا رب تكون بخير وصحة وسعادة
بالنسبة للكاسيت بيجى معاه علبة بلاستيك شبه جراب النضارة علشان لما تشيل وش الكاسيت تشيله فى العلبة و العلبة دى بتبعده عن الصدمات وبتحافظ عليه جدا من التراب وخلافه

رد: سؤال لخبراء اللوجان

يا سلام عليك يا أستاذ رينجوو

بجد أنت أفدت كل من يرغب فى شراء العربية رينو لوجان 2010

والأسئلة دى فعلاَ كانت بتدور فى دماغى والحمد لله أنت قلت كل الأجوبة المفيدة .

بس أنا كنت عايز منك خدمة : بما إنك خبير فى اللوجان 2010 : تفتكر أجيبها من ( محمد زكى ولا من الميكانيكيون العرب ولا من المصرية للسيارات ) نظراَ لأنى عايز أشتريها بالتقسيط فكنت عايز أعرف أنهى أحسن ومين فى دول أسرع فى التسليم .

وللمرة التانية ألف شكر ليك يا أستاذ رينجوو .

رد: سؤال لخبراء اللوجان

شكرا جزيلا يا استاذ رينجو يا محترم
دايما كده نلاقي اجوبه عن اسئلتنا عندك ان شاء الله
وجزاك الله كل خير

رد: سؤال لخبراء اللوجان

اقتباس:

المشاركة الأصلية كتبت بواسطة sheko fun (المشاركة 176219)

يا باشا الله يخليك وشكرا لحضرتك على المجاملة الجميلة وتحت امرك فى اى استفسار
بالنسبة للمعارض اللى حضرتك كاتب اسمهم اول حاجة ابعد عن المصرية للسيارات علشان سمعتهم مش كويسة
الميكانيكيون العرب معنديش معلومات عن ادارة المبيعات لديهم كل معلوماتى عنهم فى الصيانة وهم لديهم مركز معتمد من رينو
اللى اقدر انصحك بيه وانا مطمن هو محمد زكى والتسليم بيكون سريع فى خلال ايام
او اسبوعين بالكتير اذا اتاخر الورق وسمعته زى الفل وناس محترمة واعرف ناس كتيير جدا مستلمة من عنده بسهولة وبدون مشاكل
والف مبروك مقدما وان شاء الله تستلم على خير