مصر موتورز مجتمع السيارات - ما هى مميزات و عيوب السيارات الاوبل من وجهه نظرك

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - ما هى مميزات و عيوب السيارات الاوبل من وجهه نظرك (https://www.masrmotors.com/vb/showthread.php?t=16577)

رد: ما هى مميزات و عيوب السيارات الاوبل من وجهه نظرك

انا بحس العربيات الالماني عربيات تقيله كده في الحركه مش عارف ليه ؟؟؟؟؟؟
يمكن عشان صاجها ناشف و كمان مفيش ابتكارات في تصميمات العربيات الالماني و ده من رأيي المتواضع
بس هي عربيه ممتازه من كل شئ ماعدا قطع غيارها الناااااااااااااااااااااا ااااار

رد: ما هى مميزات و عيوب السيارات الاوبل من وجهه نظرك

شكرا على راى حضرتك العربيه تقيله فى الحركه عشان هيا عربيات تقيله على الارض بس فوق 100 العربيه 10 على 10 و من حيث قطع الغيار فى الجديد غالى بس الموديلات القديمه الاستيراد منها معقوله و شكرا لحضرتك مره تانيه

رد: ما هى مميزات و عيوب السيارات الاوبل من وجهه نظرك

ع فكره اوبل اسعارها حلوه في باقي الدول العربيه اما مش عارف ليه غاليه ف مصر
وتعتبر من العربيات الحلوه والتصميم الرائع واكتر حاجه بتعجبني ف اوبل انها مريحه اوي لسفر الطوبل
اما العيوب بصراحه مشوفتش بيها عيب لحد دلواقتي مع انه مفيش عيب مبيخلاش من اي نوع عربيه

رد: ما هى مميزات و عيوب السيارات الاوبل من وجهه نظرك

شكرا يا استاذ najd على الرد

رد: ما هى مميزات و عيوب السيارات الاوبل من وجهه نظرك

اولا شكرا على الموضوع الجميل ده
ثانيا انا بصراحه من تجربتي مع اثنين من اصدقائي واحد كان معاه فيكترا والتاني استرا وده من حوالي 5 سنين باعوا العربيات من غلو قطع الغيار
والاتنين اشتروا هيونداي وبقيت استغرب ازاي ينزل من اوبل يركب هيونداي بس كان ردهم ليا اصلك مجربتش قطع الغيار
والاخ اللي كان معاه استرا كان فيها سنسور في الموتور كنا بنغيره في التوكيل ايامها ب 1500 جنيه ده غير اسعار المرايات في الفكترا واعتقد انكم دايما تلاقوا المرايات ملزوقه بالسوليتب بتاعة الفيكترا..
بصراحه غلو قطع غيار الاوبل بسبب التوكيل او الجمارك او اي سبب تاني خوف ناس كتير من اقتنائها..
وآسف على الاطاله