رد: ارتفاع حراره النيفا
الرداتير الالومنيوم افضل من النحاس فى التبريد
لكن لو باظ لازم يتغير والاصلاح له فلوس فى الارض غير الرداتير الى رداتير الومنيوم جديد بس الاول اتاكد من كفاءة طلمبة المياه لانها ممكن تكون ضعيفة ومش بتحرك المياه كويس ومحتاجة تتغير |
رد: ارتفاع حراره النيفا
رحت عند ميكانيكي تاني قالي نفس الكلام ان اغير الردياتير بواحد نحاس 3 ماسوره وان اركب مروحه 8 ريشه علي السير وان تكون المروحه بدون قميص فقط خلف الردياتير -الحقيقه اني مش مقتنع بفكره المروحه من غير قميص و اصرار الميكانيكي ان ده الصح مخليني مش مستريح له ممكن اركب مروحتين كهرباء زي اللي بيركبو في العربيات الحديثه ؟ وهل دينامو النيفا يستحمل حمل مروحتين ؟ ارجو من الاخوه الاعزاء الافاده و لكم جزيل الشكر
|
رد: ارتفاع حراره النيفا
طلمبة مية جديدة وريداتير جديد والخراطيم والقفايز تبص عليهم واللى محتاج تغيير او تربيط تظبطة
والغى ترموستات الكوعة ديه للبلاد اللى درجة حرارتها بتوصل فى الشتاء صفر واقل وحط مية مقطرة مش ملونة وبس ده الصح بتاع العربية |
رد: ارتفاع حراره النيفا
فيه احتمال فعلا ان العربيه جايبة جوان او بتاكل مية لشرخ فى البلوك او اى مشكلة تانية فى الموتور والمفروض الاحتمالات ديه تكون بصيت عليها عند واحد امين وانت تقدر تعرفها من نقصان المية وحالة المية فى الردياتير فيها طحينة او لاء
لو مفيش حاجة من ده كله والمكنة سليمة يبىق اعمل الصح بتاع دورة التبريد وان شاء الله هتظبط معاك من غير مروحة كمان واذا حبيت تركبها زيادة اداء مش علشان بتسخن منك فى كل مشوار |
رد: ارتفاع حراره النيفا
اخى الكريم
ارجوك اعرنى انتباهك انا هاتكلم معاك باختصار وبدون دخول فى تفريعات وبامر الله نخلى العربية دى زى التلاجة وة رقمى عشان لو حبيت نتكلم 01145366876 اسمى محمد حاجة من اتنين عشان تخلى العربية ما تسخنش اما نسبها على وضع الفابريكة اللى هو ردياتير المونيوم مروحة تبريد كهرباء ثرموستات الكوعة راكبة ( مهمة جدا جدا جدا جدا .......) او نعمل التعديل المصرى المعروف ردياتير نحاس 3 ماسورة مروحة تبريد على الكرنك 8 ريشة بقميص او بدون مش فارقة الغاء ثرموستات الكوعة نهائى عمل طنبورة لمروحة التبريد الومنيوم قطرها اصغر من اللى راكبة حاليا الحالتين دول ان شاء الله هتاخد تبريد كويس جدا وانا اضمنهملك شرط ان طلمبة المياه كويسة ووش السلندر مفهوش مشاكل انما لو عملنا حاجة من هنا وحاجة من الحالة الثانية المشكلة هاتفضل موجودة |
الساعة الآن 02:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017