رد: نصيحة لشراء اول سيارة
 

نصيحه يكون جديد افضل بالقسط تجنبا لمشاكل المستعمل وخليكي فى الاوتوماتك افضل عشان مشاكل بدايه السواقه مع المانيوال والسياره ممكن تبطل فى المطالع واقرف دا

رد: نصيحة لشراء اول سيارة
 

الحمد لله رب العالمين بعد شهور وبحث اشتريت فيرنا اوتوماتيك 2007... بس للاسف لم اتمكن من السواقة لحد الان رغم اني اخدت 8 حصص مانيوال و 10 اوتوماتيك... مش عارفة العيب في ولا في مدرسة السواقة... بس اللي لاحظته انهم مش بيعلموا الاساسيات.. ومش بيقولوا انت بتعمل كده ليه... بمعنى لفي يمين ارجعي لفي شمال ارجعي سنة بنزين سنة فرامل... ومش فاهمة اي السبب في الخطوة وامتى الف بالضبط والف قد ايه وامتى ارجع؟؟؟ مش عارفة اشوف حد ينزل معايا ع عربيتي افضل؟ ولا اخد كورس تاني ف مدرسة تانية لحد مااتمكن شوية بدل ما ابهدل العربية؟ وفي حاجة مضايقاني جدا... انا عندي رعب من الميكروباصات لما بشوفها برتبك... انا خايفة افشل ف موضوع السواقة ده لانه مهم جدا بالنسبة لي وفعلا محتاجاه... طبعا زهقتوا منيSLAM... جزاكم الله خيرا...

رد: نصيحة لشراء اول سيارة
 

مبروك عليكى العربية ... ربنا يباركلك فيها

مش حينفع غير ان حضرتك تجربى بنفسك .. و اعتقد ان من الافضل ان حد ينزل معاكى يعلمك على عربيتك ...

السواقة مش حتتحقق غير بالممارسة العملية
بالنسبة للمايكروباصات ... ملهومش حل غير الممارسة و عدم الخوف منهم ....
سواقين المايكروباص اخر ناس تحب تضيع وقت فى الخناق مع الناس ... بس هو لازم يبلطج
ربنا معاكى

رد: نصيحة لشراء اول سيارة
 

يارب... الموضوع مش سهل حتى الاوتوماتيك مش سهل.. وضغط عصبي فعلا...

رد: نصيحة لشراء اول سيارة
 

الموضوع سهل جداً لسبب واحد ,وهو إن مافيش حد خراج من بتهم علشان يعمل حادثه اويخبط عربيته حتى ولوكان سائق مايكروباص وطبعاُ البلطجى ده هتلاقيه سواق ملاكى او مايكروباص يعنى مش كل سواق مايكروباص بلطجى مع إحترامى لكل سواقين الأجرة عموماُ لأنهم نازلين يشوفوا اكل عيشهم لذلك وحضرتك نازله من البيت وهتركبى عربيتك حطى فى بالك دائماً إن كل العنده عربية بيخاف عليها وباالتالى فكل واحد عايز يحافظ على سلامة العربية وانه ميغرمش نفسه كل شوية مصاريف وايضاً دائماً تعرفى ان مافيش حد عاوز بعرض نفسه لمشاكل السير فى الطريق يعنى كل من هو سائق بيحاول يتفادى اخطاء غيره بما فى ذلك إن حضرتك تتفادى اخطاء الغير والأهم ان تكون اعصابك هادئة ومتنفعليش تحت اى ضغط خليكى فى طريقك وفولى لنفسك ان اجدع سواق بيغلط والعربية بتطفى منه وإنه ممكن يحك فى عربية جانبه وممكن ميكروباص يزنق عليه او هو يزنق على ميكروباس المهم الخطأ وارد من اى شخص بيسوق ولكن هل كل هذه الهواجس ممكن تهبط معنوياتنا باالطبع لا ,لأن لو الأنسان خاف وتحول الخوف الى فوبيا مش هنخرج من البيت ونمشى حتى على رجلينا ,,توكلى على الله ومتهابيش اى موقف وسوقى وكأنك طول عمرك بتسوقى وزى ماقلت لحضرتك مافيش حد نازل من بيتهم بيسوق علشان يخبط غيره ولكن ضعى فى إعتبارك ان كل البيسوق بيعمل حساب غيره ويخلى باله من العربية الجنبه اوالقادمة من الخلف اوالهتحود يمين اوشمال ,,الموضوع كله بيبقى ماشى باالفطره والتعود خدى البمادرة وتفقوى على نفسك هتلاقى الأمر فى غاية البساطة,انا عايز اقول لحضرتك انا اول مرة سوقت فى حياتى كنت بسوق امام الجندى المجهول فى مدينة نصر سنة 79 وكان ايمها الطريق ده بيبقى بليل فاضى باالمقارنة بهذه الأيام ولكن كانت العربيات مسرعة بشكل جنونى لأن الطريق ماكنش زحمة زى الأيام دى ومع ذلك سوقت فى اول طلعه كنت مرعوب لأتى شايف عربيات بطير جنبى ولكن مع تانى لفه اخدت حبوب الشجاعة ومشيت عادى جداً وكنت لما اميل على عربية جانبى غصب عنى كان هو بيهرب منى يعنى بيحافظ على نفسه وعلى اخر الليل كنت راجع باالعربية من عند الجندى المجهول لغاية حدائق القبة واناسايق عادى وانتهت الرهبه وإنى إزاى هسوق فالزحمه نسيت كل ده لأنى اتحطيت جوه المعمه فالازم اخلص علشان استمر يبقى لازم اسوق وارمى الخوف امامى واحط فى اعتبارى إن كل البيسوق خايف على عربيته وانااولهم فاكلنا بنخلى بالنا من بعض ,,وربنا يسلم طريقك وطريقنا جميعاً