رد: Fiat 126
 

بص بالنسبه للمشاوير العربيه بتسافر وبتستحمل وانت مع الوقت كمان هتعرف هى ممكن تشيلك أد ايه
طبعا انا معرفش حالة العربيه بتاعتك لكن طبعا انت هيبقى ايدك فيها باستمرار فى البدايه لغاية ما تبقى كويسه لكن عموما هى لو سليمه بتسافر من غير مشاكل

هحكيلك عن تجربه عمليه معايا - عديلى عنده شقه فى مصيف 6 اكتوبر - بتاع اسكندريه مش بتاعة مصر :) - هو عموما بعد اسكندريه بحوالى 40 أو 60 كيلو مش فاكر بالظبط المهم ركبت فيها انا والمدام بتاعتى وعديلى ومراته وكان معايا أياميها ابنى كان لسه صغير وهو معاه اتنين صغيرين - طبعا العيال كانو على رجليهم هما أنا بسوق مليش دعوه هههههه :) - وركبت جريدتين على السقف وحطينا شنطنا بتاعه لوازم اسبوع المصيف وربطناهم كويس وتوكلنا على الله وطلعنا من طنطا
العربيه وديتنا لهناك بدون أى مشاكل حتى ما وقفتش فى السكه خالص لا علشان أشترى حاجه ولا علشان أريح العربيه
وفى نص الإسبوع جالى ظرف طارىء فى طنطا خدتها لوحدى وجيت وقضيت هنا حوالى ست ساعات وبعدين على 6 اكتوبر تانى
وطبعا آخر الإسبوع خدتنا تانى بشنطنا وجابتنا لغاية بيوتنا هنا :)

أنا كمان شغلى أيامها كان فى كفر الزيات مش فى طنطا وكنت بروح و باجى كل يوم يعنى حوالى من 40 ل 50 كيلو يوميا وبرضه بدون أى مشاكل

معلش أنا طولت عليك بس الكلام ده كله علشان انت تقدر تحدد بنفسك العربيه هتستحمل مشاويرك ولا لأ

بالنسبه للجوان ده حاجه كده زى دايره من الكاوتش بتتحط ما بين الوصلات الحديد علشان ضمان الإحكام وعدم التسريب
سواء للغازات زى العادم أو للسوائل زي الزيوت و المياه مثلا وهكذا

وألف مبروك عليك العربيه مرة تانيه :THE_PR~18:

رد: Fiat 126
 

معلش ممكن تقول هي موديل كام وجبتها بكام ودفعتلها ضريبة كام
وشكرا

رد: Fiat 126
 

كلام جميل جدا عن العربيه فيات 126 انا نفس حاله حضرتك لسه بتعلم السواقة وكنت عايزه عربيه مستعمله رخيصة علشان اتعلم فيهاوكنت بفكر فى 128 وكنت شايله من حسباتى 126 على اساس انها مش بتستحمل بس حضراتكم لفتم نظرى ليها جزاكم الله خير
ياريت حد يقولنا عن مستوى الاسعار

رد: Fiat 126
 

اهلا بيكى معانا
منورة مصر موتورزptmnlo123per122
بالنسبه لاسعار ال 126
اتفضلى هنا وشوفى المعروض من المستعمل واسعاره
http://www.contactcars.com/UsedCars_All.asp

رد: Fiat 126
 

شكرا يا فطومه على اهتمامك
بس فى كونتاكت كارز لقيت السعر يتراوح بين 5000 حتى 7000
بينما يوجدتعليق فى المنتدى هنا بيقول (و بالنسبه للسعر العربيه فى أنضف أنضف أنضف حالتها لما تقول انا عربيه و تتكلم عربى و مصرى و صينى تبقى بـ4500 جنيه فقــــــــــط)
يا ترى مين الصح ياريت الخبراء بتوعنا يجاوبونى