مصر موتورز مجتمع السيارات - تعديل دبرياج ريجاتا

اقتباس:

المشاركة الأصلية كتبت بواسطة hk1960k (المشاركة 844371)

الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج فى السيارة الريجاتا الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا:01F6EB~150: :Bravo:

السادة الكرام اعضاء المنتدى
السلام عليكم ورحمة الله وبركاته
استكمالا لموضوعى تعديل دبرياج الريجاتا احب اشكر اولا الشيخ محمد الميكانيكى وهو عضو معنا هنا بالمنتدى على مجهوده وعلى هذا الابتكار
واغتذر عن فشلى فى رفع الصور التفصيليه
كانت التكلفة المبدئية لهذا التعديل 350جنيه ولكنها تخطت هذا المبلغ بعد ان بدأنا فى التنفيذ ونظرا لشرطى على الشيخ محمد بعدم عمل اى تعديلات او لحامات فى حوض السيارة مما استلزم تعديل خطة العمل واختيار ماستر رئيسى لانسر واخر فرعى الينترا حتى يستطيع تركيبهم بدون عمل اى تعديل بجسم السيارة وكانت المصروفات كالاتى
ماستر لانسر220 جنيه
ماستر الينترا 75 جنيه
خرطوم ومواسير وخزينة زيت 50 جنيه
خراطة ولحامات بجسم الفتيس والبدال 120جنيه
مصنعية الشيخ محمد 150 جنيه
وطبعا انا استغليت الفرصة وعملت غسيل للفتيس من الداخل بالبنزينة وقمت بتغيير زيت الفتيس بالكامل وواضح انه ماكانش اتغير قبل كدة
طبعا استلزم الموضوع عمل فتحة بجسم الفتيس لتركيب الماستر وتوسيع بسيط لفاتحة الدبرياج بارضية السيارة وايضا تعديل الفورش وكل ده عمله الشيخ محمد بمهارة واقتدار دون المساس بحوض السيارة
بعد 15 يوم من التنفيذ التجربة ناجحة جدا وفرقت معايا فى قيادة السيارة وفى رايى رغم انها مكلفة الا انها ستوفر على المدى الطويل يكفى انى سبق وغيرت السلك 5 مرات خلال اسبوع او عشرة ايام نتيجة سوء نوعية السلك الموجود
وانا انقل لكم التجربة بكل امانة لمن يريد ان يستفيد
والموضوع ممكن يفرق فى التكلفة لاى سيارة ثانية نظرا لانى كان عندى بغض المشاكل بالفتيس استلزمت خراطة ولحامات اكتر
مع اطيب تمنياتى للاعضاء الكرام بالتوفيق واشكر الشيخ محمد مرة اخرى:fun_36_3_16[1]: