رد: حمى الكيا سيراتو الجديدة
 

رد: حمى الكيا سيراتو الجديدة
 

موضوع جميل اشكرك عليه
من وجهه نظري الخاصه
الناس هنا في مصر ليها مفهوم غريب من ناحيه العربيات
اول حاجه لو شكل العربيه عجبهم يبقي خلاص العربيه دي حتنجح حتي لو فيها ايه.
و سيبك بقي من فكره ياباني و كوري و الكلام دا مش بيأثر مع المصريين زي الاول خلاص.
لو تفتكروا اواخر التسعينات لما تويوتا نزلت الكورولا العيون محدش اشتراها و سمعه الجيل القديم
احتفظ بيها الجيل القديم بس و اللانسر باعت حلو اوي اياميها علشان شكلها كان افضل
و فضلت الكورولا ال 95 لحد انهارده تتباع اغلي من ال 98 رغم ان ال98 افضل في الثبات و الاعتماديه.

و حنروح بعيد ليه ما دا حصل مع الكورولا ال 2007
باعت مبيعات مهوله و وصلت لفتره بقت عامله زي المخدرات كله بيدور عليها علشان اخر موديل ياباني
و نزلت ال2008 و ياباني و جنوب افريقي ولا حد عبرها و قالها انت فين و تاني طلعت لانسر بالشارك
بمبيعتها لفوق.

فالسوق بيدور علي العربيه اللي بتخاطب مشاعره دايما
. شكل يكون حلو و مرسوم و يا سلام لو خطوطه كلها حلوه زي السيراتو الجديده كده
. شركه سمعتها حلوه و متهيالي كل الناس عارفه ان كيا من هيونداي و هيونداي من كيا
و ناس كتير عارفه ان السيراتو هيا الالنترا و الالنترا هيا السيراتو يعني مش حيغلبوا في قطع الغيار
. غير كمان التقليد اللي الشعب المصري فالح فيه كل ما يشوف جاره عمل حاجه يقوم يعمل زيه.
بس هو دا اللي منجح السيراتو في مصر

رد: حمى الكيا سيراتو الجديدة
 

غير كمان التقليد اللي الشعب المصري فالح فيه كل ما يشوف جاره عمل حاجه يقوم يعمل زيه.
بس هو دا اللي منجح السيراتو في مصر

رد: حمى الكيا سيراتو الجديدة
 

بالضبط كدة يا حازم هو دة اللى بيحصل فى السوق المصرى للاسف .
للاسف المصرين لا تهمهم جودة السيارة فى الاساس .... المظهر و الشياك هو اهم شى , و هى دى اللعبة الى بتلعب عليها الشركات الكورية و الصينية و غيرها .

بينما مثلا فى اوروبا التى يصل فيها دخل الفرد الى اضعاف الدخل المصرى تجد السيارات الناجحة هى السيارت الاقتاصادية الاصغر حجما التى يمكن التحرك بيها بسهول فى الطرق المزدحمة و الاقل فى الاستهلاك فى الوقود و الاقل فى تلوث البئية , وتتنافس الشركات هناك فى تقليل الانبعاث الملوث للبيئة , و يسعى اى مواطن لتفضيل سيارتة بناء على النسب الاقل فى ا لتلوث .

و هى مفاهيم غير موجود عندنا بالمرة لان معظمنا يهمه يشترى عربية 1600 سى سى و عشرة ابواب , عشان يحس انة دفع فلوس فى حاجة كدة تملى العين , انما بقى يدور على تلوث او يدور على استهلاك الوقود دى كلها حاجات تافهة فى اختيارت كتير من الناس , لانة لا يوجد اى اتجاة قومى او شعبى للاهتمام بهذة الكماليات التافهة .
و تكون النتيجة سحابة سوداء تعكر سفو الجو لعدة اشهر فوق القاهرة الكبرى ,و هى ظاهرة احتار فيها العلامء و لم يجدو لها مثيل الا فى الدول المستهترة مثل بعد المدن فى الصين مثلا .

انما كل دة حيتغير لما اسعار البنزين توصل لاسعرها الحقيقية , و قوانين البيئة تطبق فعلا , و تفرض ضرائب و رسوم تراخيص كبيرة على السيارت الملوثة للبيئة , سعتها حتلاقى كل الاحجام دى و كل المودلات العجيبة دى تختفى من السوق المصرى , و يحل محلها سيارت صغيرة ولكن زات اعتمادية عالة وكفائة .

رد: حمى الكيا سيراتو الجديدة
 

هو حضرتك بتتكلم عن السيراتو و لا عن العربيات القديمه ولا عن الصيني ؟
يعني انا معاك ان الاوروبي غالبا افضل من عموم الاسيوي
وفعلا احنا في مصر بنقيم العربيه بمعيارالسعر مقابل الحجم
لكن ده مش معناه ان العربيات هي الاوروبي والباقي سحابه سودا بتلوث الجو وتاكل بنزين وتدمر صحتنا !!!
وارجو عدم تحميل كلام حازم باشا اكتر من معناه